Аҟәа. Жәабранмза 1, 2024 шықәса. Аԥсныпрсс.  Иҳаҩсыз амчыбжь азы Аԥсны Аҳәынҭқарра Ахада Аслан Бжьаниа 2023ш. рзы атәыла аекономикатә ҿиара алҵшәақәа ирызкны аекономика аминистр Кристина Озган иҟалҵаз аҳасабырба идикылеит.

«Аҳасабырба исыдыжәгалаз збеит. Ишдыру еиԥш, аштатә еихашнҵаҟны аԥсахрақәа ҟалеит, аусура ахәҭак афымцамчи атранспорти рминистрра ҿыц иадҵоуп. Убри аан, аминистрра ароль хада ԥсахрада иаанхоит», - иҳәеит Аҳәынҭқарра Ахада, аминистрра аҿаԥхьа иқәгылоу ауснагӡатәқәа азгәаҭо, урҭ 2024 шықәсазы аҿиара роуроуп.

Аслан Бжьаниа иаҵшьны ишазгеиҭаз ала, ари аҳәынҭқарра-економикатә политика аҳәаақәҵароуп, ҳҳәынҭқарра аекономика аҿиара ҭышәынтәаланы амҩаԥысра  иацхраауеит,  амилаҭтә економика аҭагылазаашьа анализ азура, иагу-иабзоу ацәыргара, арҭ апроблемақәа рыӡбаразы мҩақәас иҟоу рцәыргароуп изызку.

Иазгәаҭан амилаҭтә мазара лыҵшәа бзиала напхгара рыҭара алзыршо  аҭагылазаашьақәа раԥҵараҟны ауадаҩрақәа шыҟоу.

Ахада аекономика Аминистрра аҿаԥхьа 2024 шықәса рзы хшыҩзышьҭра ззыруша азҵаарақәа ықәиргылеит. Ари:

- адгьылҵакырақәа, аекономика аҟәшақәа рыҿиара алзыршо апрограммақәа разырхиароуп,

- аҳәынҭқарратә инвестициатә политика апринципқәа аус рыдулароуп,

- зхы иақәиҭу анаплакра амҩаԥгаразы аҭагылазаашьа бзиақәа раԥҵароуп,

- абжьаратәи абизнес маҷи рсубиектқәа адгылара рыҭара, рҳәаақәҵара ауп,

-  аҳәаанырцәтәи аинвестициақәа радԥхьалара,

-  аекономика ахырхарҭа хадақәа акадрқәа рыла реиқәыршәароуп.

Аҳәынҭқарра Ахада иазгәеиҭеит ихадароу хырхарҭаны атуристтә индустриа, асубтропикатә қыҭанхамҩа, атранспорттә логистикатә каҭа, аиҭаусадуларатә қыҭанхамҩа рырҿиара. "Ҳара раԥхьа иргыланы иаҳҭаху - аԥсабара ахьчареи аекологиатә нормақәа реиламгареи роуп", - ҳәа иҳәеит Аслан Бжьаниа.

Анаҩс, аҳәынҭқарра Ахада азҵаара шьҭихит аусурҭа ҭыԥқәа рызҵаара. Иара иажәақәа рыла, ари ахырхарҭала иҟоу аҭагылазаашьа мариаӡам.  «Акыршықәса  раахыс 45 000 усуратә ҭыԥ ҳзырхымсит».

Иахьазы атәылаҟны 120 000 –ҩык рҟынӡа ыҟоуп аусура зылшо ауаа.

Аҟәа. Ажьырныҳәамза 26, 2024 шықәса. Аԥсныпресс. Рауль Лолуа Гәдоуҭа араион ахада инапынҵқәа назыгӡо имаҵураҟны даҭоуп.

Аԥсны Аҳәынҭқарра Ахада Аслан Бжьаниа Лолуа Рауль Гәдоуҭа араион ахада инапынҵақәа назыгӡо имаҵураҟны иаҭаразы Аусԥҟа инапы аҵаиҩит.

Рауль Лолуа  2021 шықәса хәажәкырамза инаркны араионтә администрациа иахагылаз Баграт Боџьгәуа иҭыԥаҟны даҭоуп.

Аҟәа. Ажьырныҳәамза 31, 2024 шықәса. Аԥсныпресс. Ашәахтәқәеи аизгақәеи рзы Аминистрра аҿы ашәахтә декларациақәа иҿыцу  х-формаки урҭ рхарҭәааразы аԥҟарақәеи шьақәдырӷәӷәеит.

Ари – хазхаҭалатәи ахаҿқәа рҟынтәи ахашәалахәытә шәахтә ала ашәахтә агент идекларациа, акцизқәа рзы адекларациа, иара убас абылтәи-ахьшьтәи рыҭира азы ашәахтә ала адекларациа роуп.   

Ашәахтә декларациақәа рыҭара хацыркхоит ажьырныҳәамза 2024 шықәса инаркны.

Аҟәа. Ажьырныҳәамза 30, 2024 шықәса. Аԥсныпресс.   Ажьырныҳәамза 30 рзы Аԥсны Аҳәынҭқарра ауаҩы изинқәа рыхьчара знапы ианҵоу анонимла  ԥыҭҩык Аԥсны атәылауаа аԥсны-урыстәылатәи аҳәаа аҿы аҳәаатә гәаҭара ахысразы иахәҭоу аамҭа ахыхь раанкылара азы аинформациа ахәшьара аҭаразы илыдҵаалеит, ҳәа адырра ҟанаҵоит аомбудсмен лаппарат.

Анас  Кьышьариа илыдҵаалаз рыхьӡи рыжәлеи шаргамамхо агәра дырганы лара лхаҭагьы Аԥсны атәылауаҩык аҳәааҿы иаанкыларазы аинформациа шлымоу азы  адырра ҟалҵеит. Иарбоу ахаҿы ажьырныҳәамза 16,  2024 шықәсазы Аԥсны аҳәынҭқарратә шәарҭадара Амаҵзура ахантәаҩы иахь ашәҟәы ишьҭит.

Аҟәа. Ажьырныҳәамза 30, 2024 шықәса. Аԥсныпресс. Аҩаша, ажьырныҳәамза   30, амш аҩбатәи азыбжазы абелиетажтә хатәыҩны амца акит, ҳәа Аԥсныпресс акореспондент адырра ирҭеит Иҷыдоу Аҭагылазаашьақәа рзы Аминистрра аҷаԥшьаратә хәҭа аҿы.

«Абылра шыҟалаз азы адырра ҟалеит  асааҭ 15:38 рзы. Амцарцәаҩцәа аҭыԥ ахь ианнеи аамҭазы аҩны ахыб амца амҽханакхьан. Амца аанкылара алыршахеит. Ааха аӡәгьы имоуӡеит», - ҳәа иазгәарҭеит аиқәырхаратә хылаԥшарҭа аҿы.

Аҟәа. Ажьырныҳәамза 30, 2024 шықәса. Аԥсныпресс. Аахыҵ Уаԥстәыла акультура Аминистрреи уи иаҵанакуа аусбарҭақәа зегьи  рҿы аиашьаратә Аԥсны акультура ацхыраара аҭаразы аԥаратә хархәагақәа реизгара азы алаҳәара ҟарҵеит.

Ишдыру еиԥш, ажьырныҳәамза  21 ауха Аҟәа ақалақь, Амилаҭтә сахьатә галереиа афондқәа ахьышьҭаз асахьаҭыхыҩцәа Реидгыла иатәу Ацәыргақәҵатә зал Хада аҿы абылра ҟалеит. Иҟалаз арыцҳара иахҟьаны зеиҭашьақәыргылара   алымшо, зыхәшьара уадаҩу Аԥсны акультуратә ҭынха аӷьырак амца иалаблит. Ԥшьнызықь рҟынӡа инаӡоз аусумҭақәа рҟынтәи 200 усумҭа мацара еиқәхеит. Аԥсны иҟалаз ахҭыс атрагедиа аҳасабала иахәаԥшуеит.

Ишьақәгылаз аҭагылазаашьаҿы аиашьаратә Республика Аԥсны иаиуз ацәыӡ аӡәыӡқәа рхарҭәаара залыршахом. Аха Аахыҵ Уаԥстәыла акультура аусзуҩцәа Аԥсни уи ажәлари рзы иуадаҩу аамҭазы ацхыраара аҳасабала ирылшо рлагамҭа аҟаҵаразы агәҭакқәа рымоуп. Еизгахо аԥаратә хархәагақәа зегьы иҿыцу аекспонатқәа раахәаразы ацхыраара аҟаҵара иазкны иаату иҷыдоу ахыԥхьаӡаратә ԥхьаӡара иахыԥхьаӡалахоит.

Аҟәа. Ажьырныҳәамза 31, 2024 шықәса. Аԥсныпресс. Акультура Аминистрра Амилаҭтә сахьатә галереиа азы асадаҟы аизгара хацнаркит.

«Аԥснытәи асахьаҭыхыҩцәа рыхьтәы фонд ацәыӡра – ари акыр идуу цәыӡуп, иҟалаз ахҭыс амҽхак ҳасаб азуны иуҳәозар, уи ҳреспублика азы  трагедиа дуны иҟалеит», – ҳәа иазгәаҭоуп акультура Аминистрра аҳәамҭа аҿы.

Ареспублика Аԥсны Анапхгара Амилаҭтә сахьатә галереиа аартра азҵаара ҷыдала ахшыҩзышьҭра анаҭоит.

«Акультура Аминистрра ахь аҟазара амаҭәахәқәа раахәараҿы ацхыраара аҟаҵара иазхиоу ауаа адҵаалоит. Убри инамаданы асахьатә галереиа афондқәа реиҭашьақәыргылара азы аԥаратә хархәагақәа реизгара ахацыркразы аӡбамҭа рыдыркылеит.   

Ҳара ҳреспублика акультуратә ҭынха аиҭашьақәыргылара аус аҿы аинициатива аазырԥшуа зегьы аус рыцура ҳазхиоуп», - ҳәа адырра ҟанаҵоит Аминистрра апресс-маҵзура.

Ареспублика анҭыҵынтәи агәыҳалалратә садаҟы аҟаҵаразы ареквизитқәа:

Аԥара зауа ибанк: Абанк ВТБ (Иаарту Акционертә Еилазаара) ақ. Москва

ак/ԥхь. 30101810700000000187

Абанктә аиндентификациатә Код (БИК) 044525187.

Ииагахо аԥаратә хархәагақәа зауа: Аҳәаанырцәтәи Аиҿкаара Акод (КИО) — Ашәахтәқәҵаратә шәҟәҭагалараан аҳәаанырцәтәи аиҿкаара иаиауо ашәахтәшәаҩы иномер (ИНН) 0000012805 КПП 775087001

№ 30111810455550000287

Аҟәа. Ажьырныҳәамза 31, 2024 шықәса. Аԥсныпресс. Жәабранмза 6, 2024 шықәсазы,  Р. Д. Гәымба ихьӡ зху Аԥснытәи Аҳәынҭқарратә филармониа аҿы имҩаԥысраны иҟоуп Аԥсны аҟазара азҟазацәа злаху агәыҳалалратә концерт.   

Афилармониа аҿы, аконцерт анымҩаԥысуа аҽны, асадаҟы аизгаразы аиашьыкьқәа шьақәыргылахоит.  Еизгахо аԥаратә хархәагақәа зегьы Амилаҭтә сахьатә галереиа афонд аҟазара амаҭәарқәа рыла ахарҭәаара ахь идәықәҵахоит.

Аҟәа. Ажьырныҳәамза 31, 2024 шықәса. Аԥсныпресс. Жәлар Реизара-Апарламент Аиҳабы Лаша Ашәба Аԥсны Ҳаҭыр зқәу атәылауаҩ, Урыстәылатәи Афедерациа                                                                                            Афедералтә Еизара Аҳәынҭқарратә Дума I, II, IV ааԥхьара адепутат, азиндырратә наукақәа рдоктор, апрофессор Сергеи Бабурин 65-шықәса ихыҵра идиныҳәалеит.

Адныҳәалара аҿы ахәҭакахьала иазгәаҭоуп:

«Аԥсны Жәлар Реизара-Апарламент 65-шықәса шәхыҵра шәыднаҳәалоит!

Аҟәа. Ажьырныҳәамза 31, 2024 шықәса. Аԥсныпресс.  Урыстәыла Аинформациатә Маҵзура ТАСС адиректор Хада Аинформациатә Маҵзура «Аԥсныпресс» аусзуҩцәеи анапхгараҭареи Аинформациатә Маҵзура аԥҵара Амш инамаданы дрыныҳәалеит.

«Ҳаҭыр зқәу Манана Михаил-иԥҳа! Урыстәылатәи Аинформациатә Маҵзура  ахьӡалеи хаҭала сара сыхьӡалеи Шәареи Аԥснытәи аинформациатә Маҵзура «Аԥсныпресс» акомандеи  Амаҵзура аԥҵара Амш шәыдысныҳәалоит.

Аинформациатә Маҵзура «Аԥсныпресс» аусура аҭоурых зегьы иалагӡаны Ареспублика Аԥсны арегионалтәии жәларбжьаратәи аинформациатә плошьадкақәа рҿы иахәҭоу аҭыԥ ааннакыларазы еицакра змам ашьаҭа аԥҵара иазкны аусура нанагӡоит.  Амаҵзура аусзуҩцәа  русура аҿы азанааҭдырра аҩаӡара ҳаракы аарԥшуа ианаамҭоу ииашоу, иҵабаргу аинформациа аҟаҵара алнаршоит. «Аԥсныпресс» Аԥсны аҩныҵҟа еиԥш адунеи аҿы иҟало акыр зҵазкуа аполитикатә, аекономикатә, асоциалтә, акультуратә, аспорттә хҭысқәа рзы адырра ҟаҵо жәларбжьаратәи ажурналистика аҿиара хра злоу алагала анаҭоит, уи     Аԥсны еиԥш уи анҭыҵгьы аԥхьаҩцәаеи анапаҵаҩҩцәеи рыбжьара акыр ахархәара зауа аинформациатә хархәаганы иҟоуп», - ҳәа иаҳәоит адныҳәалара атекст аҿы.