Нанҳәамза 1 азы, апроект «Урыстәылеи Аԥсни реимадаратә акультуратә усмҩаԥгатәқәа» аҳәаақәа ирҭагӡаны, Р.Гәыба ихьӡ зху Аԥснытәи аҳәынҭқарратә филармониа асцена аҿы, Ерик Сапаев ихьӡ зху Мариитәи аҳәынҭқарратә академиатә аопереи абалети ртеатр аспектакль «Ромеои Џьулиеттеи» ахәаԥшра мҩаԥгахоит.
Ареспублика Марии Ел Анапхгара ахантәаҩы ихаҭыԥуаҩ Константин Иванов дара анаҩсгьы Аԥсны акультура Аминистрра аус ацураазы агәҭакқәа шрымоу, иара убас аԥснытәи рколлегацәа Ареспублика Марии Ел ахь адагьы урыстәылазегьтәи апроектқәа рылахәхара ахь рааԥхьара ишазхиоу азгәеиҭеит. Константин Иванов иара убас афестиваль «Танцуй и пой, моя Россия» арегионалтә етапқәа асахьаркыратә напхгаҩысгьы дыҟоуп. Апроект аҳәаақәа ирҭагӡаны уи рхы аладырхәуеит аҳәаанырцәтәи атәылақәа рҟынтәи арҿиаратә коллективқәа.
«Даара гәахәарыла иҳадаҳкылоит ас еиԥш ааԥхьара, иҭабуп ҳәагьы шәаҳҳәоит уи азы. Уи ҳарҿиаратә коллективқәа рзы игәазҭазаараны иҟалоит, иара убас, жәаҳәарада ҳаимабзиаратә еизыҟазаашьақәа еиҳагьы иарӷәӷәоит», - ҳәа иҳәеит атәыла аԥыза-министр Алеқсандр Анқәаб.
