Аҟәа. Ԥхынгәымза 31, 2024 шықәса. Аԥсныпресс. Аминистрцәа Реилазаара аҿы апассаџьыртәи жәларбжьаратәи аидарамҩангаратә автомашьынатә аиагара иадҳәалоу аусура азы алицензиа аҭареи ахьшьтәи абылтәи рыҵәахреи еизакны рыҭиреи иадҳәалоу аусура амҩаԥгара азы алицензиа аҭареи рганахьала аминистрцәа Реилазаара уаанӡатәи азакәантә шәҟәнҵақәак аиҭакрақәа аларгалеит.
Убас, ирыдыркылаз аӡбамҭа инақәыршәаны, Аԥсны аенергетикеи атранспорти Рминистрра алицензиақәа рыҭара мҩаԥнагалоит:
– автомашьынақәа рыла апассаџьырцәа рыиагара, жәларбжьаратәи автомашьынатә аидарамҩангара азы (аиуристтә хаҿы, мамзаргьы хазхаҭалатәи ахаҿы ихатә ҭаххрақәа рзы иарбоу аусура амҩаԥгара уахь иналамҵакәа);
– абылтәи ахьшьтәи рыҵәахреи еизакны аҭиреи;
Уаанӡа, Аԥсны аенергетикеи атранспорти Рминистрра аԥҵара ҟалаанӡа иарбоу аусура ахкқәа рзы алицензиақәа рыҭара мҩаԥнагон атәыла аекономика Аминистрра.
