Аҟәа. Жьҭаарамза 23, 2025 шықәса. Аԥсныпресс. Ҟарачы-Черқьесстәи Ареспублика Жәлар Реизара (Апарламент) Аиҳабы Алеқсандр Иванов иааԥхьарала Ареспублика Аԥсны Жәлар Реизара-Апарламент Аиҳабы Лаша Ашәба зхадараҿы дыҟоу апарламент аделегациа асасцәа раҳасабала Архыз имҩаԥысуа Нхыҵ-Кавказтәи Апарламенттә Ассоциациа XII аконференциа ахы аланархәуеит.

Аҟәа. Жьҭаарамза 22, 2025 шықәса. Аԥсныпресс.  Ақалақь архитектор хада Бислан Багаҭелиа апрокуратура аусзуҩцәеи аҳҭнықалақь аҳаблақәа рыҩнусбарҭақәа рнапхгаҩцәеи  ицны изакәанымкәа иргылоу ахыбрақәа раарԥшразы планла иазԥхьагәаҭоу  аусмҩаԥгатәқәа мҩаԥигоит.

Аҟәа. Жьҭаарамза 17, 2025 шықәса. Аԥсныпресс. Н.А. Лакоба ихьӡ зху аҟәатәи абжьаратәи Ашьхарауаа рышкол №10 - аҿы имҩаԥысит «Аԥсны Аҳәынҭқарра ахәыҷра анавигаторцәа» аҩбатәи алатәаратә хәҭа.

Аҟәа.  Жьҭаарамза 17, 2025 шықәса. Аԥсныпресс. Аԥсны аҵара Аминистрреи Урыстәыла аҳәынҭқарратә агуманитартә ҭҵаарақәа университети (РГГУ, г. Москва)  аусеицуразы Аиқәшаҳаҭра рыбжьарҵеит.

Аусшәҟәы рнапы аҵарҩит Аԥсны аҵара аминистр Хана Гәынбеи Урыстәыла аҳәынҭқарратә гуманитартә университет аректор, апрлитикатә наукақәа рдоктор, апрофессор Андреи Логинови.

Аҟәа. Жьҭаарамза 17, 2025 шықәса. Аԥсныпресс. Апроект «Аԥсны шьапыла уалс» хацыркхеит иахьа, жьҭаарамза 17, Аҟәа ақалақь аҿы. Апроект ахацыркра иазкыз аныҳәатә церемониа ихы алаирхәит Аҳәынҭқарра Ахада ихаҭыԥуаҩ Беслан Бигәаа. Абри азы адырра ҟанаҵоит Аҳәынҭқарра Ахада ипресс-маҵзура.

Аҟәа. Жьҭаарамза 17, 2025 шықәса. Аԥсныпресс.  Очамчыра араион апрокуратура Асланӡиа М.Д., Киут А.А., Асланӡиа В.Н. рганахьала  Аԥсны Аҳәынҭқарра Ашьаустә Закәанеидкыла ахәҭаҷ 105, ахәҭа 4 иазԥхьагәанаҭо ацәгьоура аҟазшьақәа рыла – гәыԥҩык ауаа гәҭакыла аҽгәамҭарала ауаҩы иԥсра зыхҟьаз агәабзиара ӷәӷәала аԥырхагахара афакт ала ашаьус хацнаркит.  Абри азы адырра ҟанаҵоит Аԥсны апрокуратура Хада асаит.

Аҟәа. Жьҭаарамза 15, 2025 шықәса. Аԥсныпресс. Аԥсны Аҳәынҭқарра Ахада Бадра Гәынба Хьыбла Гьерзмааи Владимир Спивакови идикылеит. Абри азы адырра ҟанаҵоит Аҳәынҭқарра Ахада ипресс-маҵзура. 

Аҟәа. Жьҭаарамза 16, 2025 шықәса. Аԥсныпресс. Аишәа гьежь «Аԥсни Урыстәылеи: азеиԥш цивилизациатә мҩа» мҩаԥысит Аԥснытәи аҳәынҭқарратә Университет аҿы. Афорум еиҿкаахеит ААУи асоциалогатә ҭҵаарақәа рлаброториеи рыла.

Урыстәыла аганахьала аишәа гьежь аусура ихы алаирхәит Урыстәылатәи Афедерациа Ахада иҟны иҟоу асоциалтә процессқәа рмониторинги ранализи рызҵаарақәа рзы Аусбарҭа анапхгаҩы  Алеқсандр Харичев, аԥсуа ган аҟынтәи – Аԥсны Аҳәынҭқарра Ахада Бадра Гәынбеи Аҳәынҭқарра Ахада Иусбарҭа анапхгаҩы Беслан Ешбеи.

Аҟәа. Жьҭаарамза 16, 2025 шықәса. Аԥсныпресс. Аполитикатә партиа «Амцахара» 25-шықәса ахыҵра иазкыз XVI Аизараду Аҟәа ақалақь аҿы имҩаԥысит. Аизараду рхы аладырхәит Аҳәынҭқарра Ахада Бадра Гәынба, Аҳәынҭқарра Ахада ихаҭыԥуаҩ Беслан Бигәаа, атәыла аԥыза-министр Владимир Делба, атәыла Анапхгара алахәылацәа, Жәлар Реизара-Апарламент адепутатцәа, аветерантә еилазаарақәа рхаҭарнакцәа, аветеранцәеиурҭ рыуацәеи, Аԥсны Афырхацәа, апрлитикатә партиа «Амцахара» алахәылацәеи уи адгылаҩцәеи егьырҭ ҳаҭыр зқәу асасцәеи.

Аҟәа. Жьҭаарамза 16, 2025 шықәса. Аԥсныпресс. Аԥсны Аҳәынҭқарра Ахада Бадра Гәынба Иусԥҟала 1992–1993 шш. Аԥсны Аџьынџьтәылатә еибашьраан Аԥсадгьыл аҿаԥхьа рылшамҭа дуқәа рзы, Аполитикатә партиа «Амцахара» аԥҵареи апринципқәа рыхьчараҟны хаҭалатәи рлагаламҭақәа рзы, Аԥсны Аҳәынҭқарра ауажәларра-политикатә ԥсҭазаара активла аҽалархәразы рыԥсҭазаара ианалҵ ашьҭахь «Ахьӡ-Аԥша» аорден  II аҩаӡара ранашьоуп Арӡынба Салыбеи Зосим-иԥеи Аиба Гарик Григори-иԥеи.