Аҟәа. Жьҭаарамза 27, 2025 шықәса. Аԥсныпресс. Аҳәынҭқарра  Ахада Гәынба Бадра Аԥсны жәлар Аԥсуа бызшәа амш рыдиныҳәалеит. Адныҳәаларҿы иазгәаҭоуп:

«Акыр иаԥсоу ҳауаажәлар!

Иахьа ҳара иазгәаҳҭоит ҳажәлар рзы лымкаала аҵак ҷыда змоу аныҳәа-Аԥсуа бызшәа амш. Шықәсык ахь мышкы абызшәа иамшны ишрылаҳәоугьы, ҳмилаҭ рзы амшқәа зегь ҳхатәы бызшәа иазкызароуп. Уи ҳмалқәа зегь ирмалуп, уи ҳаиқәырхагоуп, ҳгәадуроуп.

Аҟәа. Жьҭаарамза 24, 2025 шықәса. Аԥсныпресс. Ателецҳа «Псков-Аԥсны» мҩаԥысит VI Псковтәи жәларбжьаратәи амедиафорум «Аинформациатә еибашьрақәа: афактқәа афеикқәеи реиҿагыларақәа».

Аусмҩаԥгатә иалахәыз еицынарыгӡараны иҟоу апроектқәа, аҭоурыхтә гәалашәара аиқәырхара, аԥшааратә усуреи Аџьынџьтәылатәи еибашьра Дуӡӡа аан иҭахаз ргәалашәара анаунагӡатәреи иазырхоу аусура ирылацәажәеит.

Аҟәа. Жьҭаарамза 24, 2025 шықәса. Аԥсныпресс. Ареспублика Аԥсны ауаҩы изинқәа рыхьчаразы  Азинмчы змоу Анас Қьышьмариаԥҳа Москва имҩаԥысуа, ауаажәларра рцифровизациа аҭагылазаашьақәа рҿы ауаҩы изинқәа рыхьчара иазку Жәларбжьаратәи аконференциа «Ауаҩы изинқәа рыхьчара апроблемақәа: аомбудсменцәа иреиӷьу рԥышәа реимдара» лхы алалырхәуеит. Аконференциа аатит жьҭаарамза  23 рзы, Москва ақалақь аҿы.

Аҟәа. Жьҭаарамза 24, 2024 шықәса. Аԥсныпресс. Аԥсни Псковтәи аобласти рмедиахолдингқәа аусеицуразы аиқәшаҳаҭра рыбжьарҵеит.

Псков имҩаԥысуаз VI Жәларбжьаратәи амедиафорум аҿы еицырзеиԥшу акультуратә хәдуқәеи аҭоурых иаку азнеишьеи иазырхоу аусшәҟәы рнапы аҵарҩит «Аԥснымедиа» адиректор Хада Роберт Џьопуеи «Медиацентр 60» адиректор Ирина Фиодоровеи.

Аҟәа. Жьҭаарамза 22, 2025 шықәса. Аԥсныпресс.  Урыстәылатәи Афедерациа Ахада иҟны иҟоу ахәыҷы изинқәа рыхьчаразы Азинмчы змоу Иаппарат аҿы Ареспублика Аԥсны аделегациа адкылара мҩаԥысит.

Уи рхы аладырхәит Урыстәылатәи Афедерациа Ахада иҟны иҟоу ахәыҷы изинқәа рыхьчаразы Азинмчы змоу Мариа Львова-Беловеи Аппарат аусзуҩцәеи Ареспублика Аԥсны ахәыҷқәа рзинқәа рыхьчаразы Азинмчы змоу Мактина Џьынџьалԥҳаи азиндырҩы Екатерина Лиаховецкаеи. 

Аҟәа. Жьҭаарамза 22, 2025 шықәса. Аԥсныпресс. Агәабзиарахьчара Аминистрра аделегациа  Москва ақалақь аҿы жьҭаарамза 22–23 рзы имҩаԥысуа жәларбжьаратәи алахәыларала IV Амилаҭтә конгресс «Национальное здравоохранение» ахы аланархәуеит.  Абри азы адырра ҟанаҵоит Аԥсны агәабзиарахьчара Аминистрра апресс-маҵзура.

Аҟәа. Жьҭаарамза 22. 2025 шықәса. Аԥсныпресс. Ареспублика Аԥсны аделегациа Красноиарск имҩаԥысуа III Урыстәылатәи асасдкылара афорум аусура ахы аланархәуеит. Асасцәа бзиала шәаабеит ҳәа реиҳәеит Красноиарсктәи атәылаҿацә агубернатор актәи ихаҭыԥуаҩ Сергеи Пономаренко.

Аусмҩаԥгатә актәи амш азы аԥыза-министр ихаҭыԥуаҩ  Вараздат Миносиан зхадараҿы дыҟоу аԥснытәи аделегациа ахаҭарнакцәа афорум еиуеиԥшым атематикатә сессиақәа рхы аладырхәит.  

Аҟәа. Жьҭаарамза 23, 2025 шықәса. Аԥсныпресс /Диана Папба/. Аҟәа ақалақь, Вороном мҩала игылоу аҩны аҿы иналукааша урыстәылатәи арежиссиор-адокументалист, афотосахьаҭыхыҩ, апоет, ажурналист, апродиусер Ольга Дубинскаиа лмемориалтә ӷәы аартра иазкыз аныҳәатә церемониа мҩаԥысит.  

Аҟәа. Жьҭаарамза 22, 2025 шықәса. Аԥсныпресс. Ареспублика Аԥсны иахьаҵанакуа ауаҩы изинқәа рыхьчаразы Азинмчы змоу Анас Кьышьмариа атәыла аԥыза-министр ихьӡала ааԥхьара ҟалҵеит. Аҳәамҭаҿы уи Ареспубликатә Унитартә Наплакы «Амшынеиқәафымцамч» иаланарҵәаз абзазаратә ҭахрақәа рхархәаразы афымцамч анашьҭаразы ауаажәларратә оферта аиқәшаҳаҭра ахархәаҩцәа (аобонентцәа) рзинқәа еиланагоит ҳәа инаҵшьны иазгәалеиҭеит.

Анас Кьышьмариа иҟалҵаз аҳәамҭаҿы иазгәалҭеит, иарбоу аиқәшаҳаҭра аԥҟарақәа «аобонентцәа абжьааԥны ас еиԥш иҟоу аиқәшаҳаҭрақәа инарықәыршәаны ироуа азинқәа афымцамч аиураҿы иҟалар зылшо аиԥҟьарақәеи ишьақәырӷәӷәоу астандартқәа ирықәымшәо афымцамч ахаҭабзиареи рзы, иара убас убри инамаданы ахархәаҩцәа рмазара иаиур зылшо азарали рзы  Ареспубликатә Унитартә Наплакы «Амшынеиқәафымцамч» аҭакԥхықәра армаҷуеит, мамзаргьы зынӡа иқәнагоит ҳәа иазгәалҭеит».