2006 шықәсазы ишьақәырӷәӷәаз «Аҳәынҭқарратә социалтә ԥгаԥсала аԥаратә цхыраагӡақәа рыла аиқәыршәаразы» Аԥҟара аԥсахрақәа ралагаларазы ақәҵара аднакылеит Аминистрцәа реилазаара.

Аминистрцәа реилазаара хазы игоу акатегориақәа ирыҵанакуа атәылауаа рзы атәанчахәы есымзатәи ахәцҵа ашьақәыргыларазы ақәҵара аднакылеит. Азԥҵәа ҿыцқәа амчра роуеит 2026 шықәса лаҵарамза 1 инаркны.

Аминистрцәа реилазаара адҵа аднакылеит асоциалтә еиқәыршәареи адемографиатә политикеи рминистрра иаҵанакуа Аҳәынҭқарратә усбарҭа «Ареспубликатә кризистә центр – Аҭаацәаратә ҩны» аԥҵаразы.

Аԥсны Аминистрцәа реилазаара ишьақәнарӷәӷәеит аусбарҭатә (аусхкытә), аусбарҭабжьаратә (аусхкбжьаратә) программақәа аус рыдулареи, рыдкылареи, рынагӡареи, ахәшьара рыҭареи рзы аԥҟара ҿыц. Аӡбамҭа рыдыркылеит 2023 шықәса нанҳәамзазы ишьақәырӷәӷәаз Аԥсны Азакәан «Астратегиатә планҟаҵаразы» анагӡара аҳәаақәа ирҭагӡаны.

Аминистрцәа реилазаара ақәҵара аднакылеит «1992-1993 шықәсқәа рзтәи Аԥсны Аџьынџьтәылатә еибашьраан хабарда ибжьаӡыз рҭаацәа асоциалтә хьчареи адгылареи рыҭара иазырхоу уснагӡатәқәак рзы».

Ақәҵара инҭырҳәцааны еилнаргоит атәанчахәы ашәареи, амедицинатә цхыраареи, асанаториа-курорттә хәышәтәреи ирыдҳәалоу аԥҟарақәа.

Атәанчахәы ашәареи ашәҟәынҵеи:

Аусшәҟәы ишаҳәо ала, 2026 шықәса ԥхынгәымза 1 инаркны хабарда ибжьаӡыз рҭаацәа рзы асиа ҷыда инақәыршәаны атәанчахәы шәахоит.

Ашәарақәа мҩаԥгахоит Аԥсны Аџьынџьтәылатә еибашьраан иҭахази зыԥсҭазаара иалҵыз аинвалидцәеи рҭаацәарақәа рзы азакәан ишьақәнаргылаз аԥҟара инақәыршәаны.

Асиа шьақәнаргылоит есышықәсатәи актуалра шьақәнарӷәӷәоит асоциалтә еиқәыршәареи адемографиатә политикеи рминистрра, аиҿкаара «Аԥсны анацәа аҭынчреи асоциалтә иашареи ирыдгылаҩцәоуп» алархәны.

1992 - 1993 шықәсқәа рызтәи Аԥсны Аџьынџьтәылатә еибашьра аветеранцәеи,  1992 - 1993 шықәсқәа рызтәи Аԥсны Аџьынџьтәылатә еибашьра атыл аветеранцәеи, иара убас атәыла  иахьаҵанакуа аибашьра аветеранцәеи  рыхьӡынҵа ашьақәырӷәӷәаразы ақәҵара аднакылеит аминистрцәа реилазаара.

Алхас Дмитри-иԥа Ҷолокәуа - Аԥснытәи аҳәынҭқарратә университети М. В. Ломоносов ихьӡ зху Москватәи аҳәынҭқарратә университети дроушьҭымҭоуп.

Ақыҭауаа ааигәа атәыла Ахада иахь аҳәара ҟарҵеит Алӡга аӡиас ақыҭанхамҩатә дгьылқәа рзы иҟанаҵо апроблема иӡбарц.

Мшаԥымза 3-4 рзы имҩаԥысыз Аԥснытәи жәларбжьаратәи аекономикатә форум иаанарԥшит ҳтәылаҿы аинвестициатә лшарақәа шырацәоу ҳәа азгәеиҭеит аԥыза-министр Владимир Делба аԥснытәи анаплакыҩцәеи иареи реиԥылараан.

Ԥхынҷкәынмза 18, 2025 шықәсазы Москва ирыбжьарҵаз аиқәшаҳаҭра инақәыршәаны аҩтәылак рҿы ироуа аҭҵарадырратә ҩаӡарақәа (акандидаттә, адоктортә) наҟ-ааҟ разхаҵара шьақәнаргылоит. Уи иалнаршоит аҭҵаарадырратә ҩаӡара змоу арҭ атәылақәа рҿы рзанааҭдырра аизырҳара.