Аҟәа. Ԥхынгәымза 29, 2025 шықәса. Аԥсныпресс. Аԥснынтәи 12-ҩык аҟыбаҩ злоу ахәыҷқәа Москва ақалақь аҿы имҩаԥысуа  IV Жәларбжьаратәи ахәыҷтәы культуратә форум рхы аладырхәраны иҟоуп.

Афорум мҩаԥыслоит нанҳәамза 21 – 23 рзы. Акультура Аминистрра аспециалист  Хада Милана Хоџьаа ишазгәалҭаз ала,  аҟыбаҩ злоу ахәыҷқәа Урыстәылаҟа ицоит ахылаԥшырҭа ахаҭарнакцәа ҩыџьа рыцны.

Аҟәа. Нанҳәамза 29, 2025. Аԥсныпресс. Нанҳәамза 3 – 4 рзы С.Ҷанба ихьӡ зху Аԥсуа драматә театр асценаҿы имҩаԥысраны иҟоуп Аҿартә аҳәынҭқарратә театр аспектакль «Ашьажәҩы иҭаацәа» аԥхьарбара.

Ари баша спектакльӡам, ари апсихологиатә триллер ауп, ахбыџтә аудиториа ирзырхоу Васили Сигариов ипиеса «Ахәарҭлаӷь иҭаацәа» («Семья Вурдалака») инарҵауланы иҿыцны азхәыцра, аҵак ҿыц аҭара ауп. Арежиссиор Дмитри Акимов (Красноиарсктәи атәылаҿацә Мотыгинтәи адраматә театр арежиссиор хада) ихадоу, иҵару атема —анаркоманиа апроблема ҷыдала дазааҭгылеит.

Аҟәа. Ԥхынгәымза 11, 2025 шықәса. Аԥсныпресс. Аԥсуа ркаҩҩ ду, аԥсуа ҩыратә литература ашьаҭаркҩы, Аԥсны жәлар рпоет Дырмит Гәлиа (1874 – 1960) аҵыхәтәантәи ишықәсқәа рзы дахьынхоз Агәыӡера аҳаблан  ихатә ҩны ахьгылаз аҭыԥ аҿы ишьақәыргылаз амемориалтә ӷәы еиҭашьақәыргылахеит, ҳәа Аԥсныпресс ахь адырра ҟарҵеит Д. И. Гәлиа илитература-мемориалтә ҩны-амузеи аҿы.

Аҟәа. Ԥхынгәымза 11, 2025 шықәса. Аԥсныпресс. Аԥсны аԥыза-министр Владимир Делба Урыстәыла аекономикатә ҿиара аминистр Максим Решетников иира Амш идиныҳәалеит.

«Даара ахә ҳаракны иаҳшьоит Аԥсны асоциал-економикатә ҿиареи ҳтәылақәа реидгыларатә еизыҟазаашьақәа рыла ишьаҭарку аҩганктәи аусеицура аҳәаақәа рырҭбаареи рзы хаҭала Шәара шәлагала.

Аҟәа. Ԥхынгәымза 11, 2025 шықәса. Аԥсныпресс. Амилаҭтә сахьатә галереиа шьаҭанкыла аиҭашьақәыргылара амҩаԥгара ашьҭахь иаатит.

Агалереиа аартра иадҳәалоу ацеремониа рхы аладырхәит Аҳәынҭқарра Ахада Бадра Гәынба, Урыстәылатәи Афедерациа Ахада Иусбарҭа аиҳабы актәи ихаҭыԥуаҩ Сергеи Кириенко, Урыстәыла акультура аминистр ицхырааҩ  Павел Карташиов.

Бадра Гунбеи Сергеи Кириенкои ацаха ҟаԥшь ԥырҟеит.

Аҟәа. Ԥхынгәымза 11, 2025 шықәса. Аԥсныпресс. Аԥсны Аҳәынҭқарра Ахада Бадра Гәынбеи Урыстәылатәи Афедерациа Ахада Иусбарҭа анапхгаҩы актәи ихаҭыԥуаҩ Сергеи Кириенкои Аҟәа ақалақь аҿы иҟоу Аԥснытәи аусхкырацәатә коллеџь иаҭааит.

Бадра Гунбеи Сергеи Кириенкои аклассқәеи аҟазарҭақәеи гәарҭеит, арҵаҩцәеи аҵаҩцәеи ирацәажәеит.

Аԥсны аҵара аминистр Хана Гәынбеи аколлеџь адиректор Џьумбер Мышәбеи аҵараиурҭа ҳаамҭазы инанагӡо аусура атәы иалацәажәеит, астудентцәа разыҟаҵара ихадоу ахырхарҭақәеи аҿиара аперспективақәеи ирзааҭгылеит.  

Аҟәа. Ԥхынгәымза 11, 2025 шықәса. Аԥсныпресс. Аԥсны Аҳәынҭқарра Ахада Бадра Гәынбеи Урыстәыла Афедерациа Ахада Иусбарҭа анапхгаҩы актәи ихаҭыԥуаҩ Сергеи Кириенкои Иҷыдоу арратә операциааан иҭахаз Феликс Ӷәазаа анышә дахьамадоу Џьырхәа ақыҭан иԥсыжырҭаҟны ашәҭқәа шьҭарҵеит.

Феликс Ӷәазаа дҭахеит 2024 шықәса, лаҵарамзазы, Донецктәи Жәлартә республикаҟны аибашьратә дҵа анагӡараан.

Аҟәа. Ԥхынгәымза 11, 2025 шықәса. Аԥсныпресс. Аҳәынҭқарра Ахада Бадра Гәынбеи УА Ахада Иусбарҭа анапхгаҩы актәи ихаҭыԥуаҩ Сергеи Кириенкои Самара ақалақь ахада Иван Носкови Гәдоуҭа араион ахада Валери Аҩӡба дрыцны Гәдоуҭа ақалақь амшын аԥшаҳәаҿы инеины игәарҭеит.

Аҟәа. Ԥхынгәымза 11, 2025 шықәса. Аԥсныпресс. Аԥсны Аҳәынҭқарра Ахада Бадра Гәынбеи УА Ахада Иусбарҭа анапхгаҩы актәи ихаҭыԥуаҩ Сергеи Кириенкои ЗҲӘА «Гәдоуҭатәи арыжәтәқәа рзауад «Кристалл» аргылара ахьымҩаԥысуа аҭыԥ иахәаԥшны ирбеит.

Аҟәа. Ԥхынгәымза 11, 2025 шықәса. Аԥсныпресс. Гагратәи араионтә хәышәтәырҭа Хада аҟны Аԥсны Аҳәынҭқарра Ахада Бадра Гәынбеи, Урыстәыла Ахада Иусбарҭа анапхгаҩы актәи ихаҭыԥуаҩ Сергеи Кириенкои аԥхынразы Аԥсны аусуразы иааны иҟоу урыстәылатәи аҳақьымцәеи еиԥылеит.

Аиԥылара иара убас далахәын АА Агәабзиарахьчара аминистр Быҭәба Едуард.