Аҟәа. Нанҳәамза 6, 2025 шықәса. Аԥсныпресс. Нанҳәамза 14 рзы В.Г.Арӡынба ихьӡ зху Жәларбжьаратәи аҳаирбаӷәаза «Аҟәа» амаршруттә ҳа аҿы иҿыцу ахырхарҭа цәырҵит, ҳәа адырра ҟанаҵоит аҳаирбаӷәаза апресс-маҵзура.

Аҟәа. Нанҳәамза 6, 2025 шықәса. Аԥсныпресс. Аҟәа ақалақь Ахадара ажәытә гәамсамҭрақәа иҿыцу рыла аԥсахра иаҿуп, ҳәа иаанацҳауеит аҳҭнықалақь ахадара апресс-маҵзура.

Уажәазы иҟаҵаны ишьақәдыргылахьеит хынҩажәижәаба инарзынаԥшуа 60 литра зҭаӡо агәамсамҭра ҿыцқәа. Урҭ еиҳа ауаа ахьырацәоу амҩақәа рҿы ишьақәдыргылахьеит.

Аҟәа. Нанҳәамза 6, 2025 шықәса. Аԥсныпресс. Урыстәылатәии аԥснытәии аҵарауаа рекспедициа Аҟәатәи ашыцәа иахьаҵанакуа аӡаҵантәи ажәытәӡатәи ахырӷәӷәарҭақәа рыҭҵаара иацырҵоит. Апроект рхы аладырхәуеит Урыстәылатәи анаукақәа Ракадемиа мрагылараҭҵаара Аинститут, Севастопольтәи аҳәынҭқарратә Университети Аԥснытәи аҳәынҭқарратә музеи рҟынтәи аспециалистцәа.

Аҟәа. Нанҳәамза 6, 2025 шықәса. Аԥсныпресс. Аҟәа ақалақь амшын аҿы алашарамузыкатә ӡыршә аадыртит.

Аӡыршә аартра иадҳәалоу аныҳәатә усмҩаԥгатә рхы аладырхәит Ареспублика Ахада Бадра Гәынбеи Урыстәыла Ахада Иусбарҭа аиҳабы актәи ихаҭыԥуаҩ  Сергеи Кириенкои.

Аҟәа. Нанҳәамза 6, 2025 шықәса. Аԥсныпресс. Апассаџьыртә ӷба «Комета» нанҳәамза  6 рзы Шәачантәи Аҟәатәи амшынтә баӷәазаҟа иааит.  

Аӷба ақалақь ауааԥсыра ирыцны иаԥылеит Аҳәынҭқарра Ахада Бадра Гәынбеи УА Ахада Иусбарҭа актәи ихаҭыԥуаҩ Сергеи Кириенкои.

«Комета» аԥышәаратә реис Шәачантәи иалагеит асааҭ 15:00 рзы. Аӷба амшын аԥшаҳәа иаваршәны Аҟәанӡа 145 км. ицеит. 120-ҩык апассаџьырцәа зкуа аӷба «Космонавт Павел Попович» амҩа иқәхеит  2 сааҭи 30 минуҭи.

Аӷба акаԥдан Константин Швыдкои абар шьҭа 15 шықәса ҵуеит амшын дхууижьҭеи. Иара ишеиҭаиҳәаз ала, аӷба «Космонавт Павел Попович» аекипаж аилазаараҿы иҟоуп хәҩык ауаа.

Аҟәа. Нанҳәамза 6, 2025 шықәса. Аԥсныпресс. Апроект «Доступная Cтрана души» аҳәаақәа ирҭагӡаны, нанҳәамза 5 рзы Аҟәа ақалақь аҿы иаатит ҳаамҭа иақәшәо, згәабзиара алшарақәа ԥку рзы аԥшаҳәа. Ари апроект аконкурс «Аԥсны акоманда» афиналистка Руслана Гьергьедааԥҳа лаԥшьгарала Аҟәа ахадареи Урыстәылатәи аиҿкаара «Жәлар Рфронти» рыцхыраарала инагӡан.

Аҟәа. Нанҳәамза 6, 2025 шықәса. Аԥсныпресс. Аԥсны амедиа аусзуҩцәа рзы аконкурс «Иҿыцу Аԥсны амедиақәа» аусура иалагоит. Урыстәылатәи амедиа аусзуҩцәа реиҭазыҟаҵара апрограмма аметодикала апроект «Иҿыцу амедиақәа рҟазарҭа» ахацыркразы аԥшьгара ҟарҵеит аконкурс «Аԥсны акоманда» аҿы аиааира згаз.

Апроект аконкурс «Аԥсны» акоманда афиналистцәа Аԥсны Ахада Бадра Гәнбеи УА Ахада Иусбарҭа анапхгаҩы актәи ихаҭыԥуаҩ Сергеи Кириенкои рҿаԥхьа иӡырырго асоциалтә проектқәа рҟынтәи еиҳа ихадоу жәаба рхыԥхьаӡараҿы иҟоуп. Иарбоу аԥшьгарақәа Аԥсны асоциалтә, акультуратә, аекологиатә, атуристтә усхкқәа рыҿиара, иара убас атәылауаа рыԥсҭазаара аҩаӡара ашьҭыхра иазырхоуп.

«Ҳара еиҳа-еиҳа иӷәӷәахо Аԥсны ақәыӷәӷәара ҳасаб азуны  иҿыцу амедиақәа рыла ҳреспублика хра злоу аимиџь шьақәзыргыло иҿыцу ауаа ҳҭахуп. Убри азы апроект «Иҿыцу Аԥсны амедиақәа» ҳәа изышьҭоу апроект ҿыц аушьҭра аԥшьаҳгоит.  Ҳара иаԥаҳҵахьеит онлаин-плошьадка, уаҟа азыҳәамҭақәа рыдкылара мҩаԥыслоит. Ҳара иалаҳхуеит 50-ҩык аиааира згаз. Урҭ анаҩс абжьгаҩцәа рыҟны аҽазыҟаҵареи урыстәылатәи амедиаструктурақәа рҿы аԥышәарҳареи иахысуеит. Уи алыршахоит  Иҿыцу амедиақәа рҟазарҭа» акоманда иабзоураны», - ҳәа иҳәеит аконкурс «Аԥсны акоманда» аҿы аиааира згаз, Ареспублика Аԥсны адәныҟатәи аусқәа Рминистрра иҷыдоу анапынҵақәа рзы ацҳаражәҳәаҩ Артур Чакриан.

Аҟәа. Нанҳәамза 6, 2025 шықәса. Аԥсныпресс.  Аԥсны аҳәынҭқарратә ҳазалхратә Еилакы аҳазалхратә ҭыԥ «Ԥсоу» аусзуҩцәа Цандрыԥшь аҳабла амилициа аусзуҩцәа рыцырхырааны, нанҳәамза  5 рзы аҳаблаҿы иҟаз анхарҭа иахьаҵанакуаз ирыԥшааит Аԥсны аҳазалхратә закәанԥҵара аилагарала Аԥсныҟа иаагаз  акриптовалиута арҳара иазкыз аппаратқәа жәаба.  

Аҟәа. Нанҳәамза 6, 2025 шықәса. Аԥсныпресс. Аҳәынҭқарра Ахада Бадра Гәынба Владислав Арӡынба ихьӡ зху Жәларбжьаратәи аҳаирбаӷәаза «Аҟәа» аҿы диԥылеит Урыстәылатәи Афедерациа Ахада Иусбарҭа аиҳбы ихаҭыԥуаҩ Сергеи Кириенко.

Аҟәа. Нанҳәамза 6, 2025 шықәса. Аԥсныпресс. Аҳәынҭқарра Ахада Бадра Гәынба Аԥсныҟа иааз  УА Ахада Иусбарҭа аиҳабы актәи ихаҭыԥуаҩ Сергеи Кириенко диԥылеит.

«Ҳаҭыр зқәу Сергеи Владилен-иԥа! Шәбара ҳаигәырӷьоит Аԥсны аҳҭнықалақь аҿы! Аҟәаа бзиала шәаабеит ҳәа шәарҳәоит. Ааигәоуп Шәареи ҳареи Ҟрым, арт-кластер «Таврида» аҿы  ҳанеибабоз.  Исымоу алшара схы иархәаны, Шәара ҳҿар ирышәҭо ацхыраареи адгылареи рзы иҭабуп ҳәа шәасшәарц сҭахуп. Сара гәахәара дула исыдыскылеит аҟыбаҩ  злоу урыстәылатәии аԥснытәи аҿар ридеиақәа шеицынарыгӡо абара», –  ҳәа иҳәеит Бадра Гәынба.