Аҟәа. Нанҳәамза 14, 2025 шықәса. Аԥсныпресс.   Ареспублика Аԥсны Ахәаахәҭра-ааглыхратә Палата изаамҭанытәиу есышықәсатәи аҭыжьымҭа «Анаплакқәа реизакхьӡынҵа» ҭнажьит.

Ари уаҳа зда ыҟам апериодикатә дырранҵа ауп, уи ианылоит иахьатәи амш азы аус зуа аиҿкаарақәеи анаплакқәеи рзы аинформациа.

Аизакхьӡынҵа аԥҵара аԥшьызгаз Апалата раԥхьатәи ахада Геннади Леонид-иԥа Гагәылиа иоуп.

Аихьӡынҵа аҳәынҭқарратә структурақәа, аилазаара дуқәа рнаҩс, хазхаҭалатәи аусдкылаҩцәеи иааизакны ареспублика абизнес-еилазаареи рзы адыррақәа алагалоуп. Уи аструктура араионқәеи аусура ахкқәеи рыла ишьақәыргылоуп, инацҵаны ианылоит иалху ашықәс атема иадҳәалоу аиҿцәажәареи (аинтервиу) аексперттә гәаанагарақәеи.

1942 шықәсазы Санчартәи аҩхаа ахьчаразы иҭахаз 12-ҩык  асоветтә еибашьцәа анышә иахьамадоу аҭыԥ аҿы амемориалтә ӷәы шьақәдыргылеит. 

Аҟәа. Нанҳәамза 13, 2025 шықәса. Аԥсныпресс. Нанҳәамза 13 рзы иналукааша аҵарауаҩ, афилологиатә наукақәа рдоктор, Аԥснытәи аҳәынҭқарратә Университет апрофессор, Аԥсны Анаукақәа Ракадемиа академик, аурыс, афранцыз, аԥсуа литература апроблемақәа рыла хыԥхьаӡара рацәала инарҵаулоу аҭҵаарақәа   равтор Маргарита Глеб-иԥҳа Ладариа (13.08.1925 - 21.04.2017)  диижьҭеи 100 шықәса ҵуеит. 

Аҟәа. Нанҳәамза 14, 2025 шықәса. Аԥсныпресс. Аԥсны Жәлар Реизара – Апарламент Ахантәаҩы              Ашәба Лаша Аԥсны жәлар Аԥсадгьыл ахьчаҩцәа рымш азы адныҳәалара ҟаиҵеит.

Аҟәа. Нанҳәамза 14, 2025 шықәса. Аԥсныпресс.  Аахыҵ Уаԥстәыла Ахада Алан Гаглоев Аԥсадгьыл ахьчаҩцәа ргәалашәара инамаданы Бадра Гәынба ашәҟәы изааишьҭит.

Аҟәа. Нанҳәамза 14, 2025 шықәса. Аԥсныпресс. Аԥсадгьыл Ахьчаҩцәа ргәалашәара Амш аҽны Аҟәа араион Алада Ешыра ақыҭан, Аԥсны Актәи Ахада Владислав Григори-иԥа Арӡынба анышә дахьамадоу Амемориал амҵан ашәҭшьыҵәрақәа рышьҭаҵара ацеремониа мҩаԥысит.

Аҟәа. Нанҳәамза 14, 2025 шықәса. Аԥсныпресс.  33 шықәса раԥхьа, нанҳәамза 14 рзы иалагеит 1992-1993 шш. Аԥсны жәлар Рџьынџьтәылатәи еибашьра.

Аҟәа ақалақь, Ахьӡ-Аԥша апарк аҿы иҭахаз аибашьцәа Рмемориал амҵан ашәҭшьыҵәрақәа рышьҭаҵара ацеремониа мҩаԥысит.

Аҟәа. Нанҳәамза 14, 2025 шықәса. Аԥсныпресс. Аҳәынҭқарра Ахада Бадра Гәынба 1992-1993 шықәсқәа рзы иҟаз Аџьынџьтәылатә еибашьра алагара 33 шықәса ахыҵра инамаданы Аԥсны жәлар рахь аҳәамҭа ҟаиҵеит.

«Ҳаҭыр зқәу сыуаажәлар!

Нанҳәамза 14, 1992 шықәса рзы иалагеит зегьы реиҳа итрагедиатәу хҭысны  Аԥсны жәлар рҭоурых адаҟьақәа ирнылаз — 1992-1993 шықәсқәа рзы иҟаз Аџьынџьтәылатәи еибашьра.

Аҟәа. Нанҳәамза 14, 2025 шықәса. Аԥсныпресс.  Нанҳәамза 14 рзы – Аԥсадгьыл ахьчаҩцәа ргәалашәара Амш азгәарҭоит. Аԥсны араионқәеи ақалақьқәеи зегьы рҿы 1992-1993 шш. Аџьынџьтәылатәи еибашьра аҿы иҭахаз рбаҟақәеи рҳаҭгәынқәеи ирҭаауеит, урҭ рымҵан ашәҭ шьыҵәрақәа шьҭарҵоит. 33 шықәса раԥхьа, нанҳәамза 14, 1992 шықәсазы, Аԥсны атерриториа иалалеит Қырҭтәыла Аҳәынҭқарратә Совет архәҭақәа.

Қарҭ ирыӡбеит Аԥсныҟа архәҭақәа аларгаларц. Официалтә мзызқәас иарбан Звиади идгылаҩцәа рыла иаанкылаз Қырҭтәыла аҩныҵҟатәи аусқәа рминистр  Роман Гвенцаӡе ихы ақәиҭтәреи, азвидистцәа рҟынтә аихамҩа ахьчареи. Усҟан ари аихамҩа мацарала акәын Урыстәылеи Ермантәылеи рыбжьара аидара амҩангара зламҩаԥысуаз. Нанҳәа 11, 1992 шықәсазы азвиадистцәа Жәыргьыҭҟа аиҿцәажәарақәа рзы иааз даҽа жәаҩаҩык Қырҭтәыла аполитикатә усзуҩцәа ҭҟәаны иргоит. Усҟан ажәабжь гәарарҵеит урҭ Аԥсны аҵакырадгьыл аҿы иаанкыланы ирымоуп ҳәа, аха уи ҵабыргымызт. Уи анаҩс Аԥсны аганахьала бџьаршьҭыхлатәи агрессиа ахь икылнагеит. Қарҭ хықәкыс иаман Аԥсны ҩаԥхьа анапаҿы аагара, убри аан Аԥсны аиҳабыра азықәԥон Қырҭтәылатәи Асоветтә Социалтә Республика иаланаҵы  Аԥсны автономиатә зинқәа рырҭбаара.

Аҟәа. Нанҳәамза 11, 2025 шықәса. Аԥсныпресс. Аԥсны аԥыза-министр Владимир Делбеи Псковтәи аобласт агубернатор Михаил Ведерникови реиԥылара мҩаԥысит ашәахьа, нанҳәамза 11 рзы. Аиԥылара рхы аладырхәит Псковтәи аобласт аделегациа алахәылацәа, иара убас Аԥсны Анапхгара алахәылацәа.  

Владимир Делба Псковтәи аобласт агубернатор зхадараҿы дыҟаз аделегациа бзиала шәаабеит ҳәа раҳәо иазгәеиҭеит аганқәа излацәажәараны иҟоу азҵаарақәа ишреиуоу асоциал-культуратәи адоуҳа-леишәатә хырхарҭақәа рыла аусеицура, агуманитартә еимадарақәа рышьақәыргылара, Псковтәи аобласти Гәдоуҭа араиони аиашьаратә еизыҟазаашьақәа раԥҵара азы аиқәшаҳаҭра анапаҵыҩра, уҳәа.