Алхратә комиссиа хада Жәлар Реизара адепутатрахь кандидатцәас ашәҟәы иҭанагалеит:
Дочиа Ешсоу Исидор-иԥа – алхырҭатә ҭыԥ хада №34 (Тҟәарчалтәи аҩбатәи), Ҵулаиа Генади Виачислав-иԥа – алхырҭатә ҭыԥ хада № 30 (Кәтолтәи).

Жәларбжьаратәи аекономикатә форум «Аԥсны — ԥхьаҟатәи аинвестициақәа»- зымҽхак ҭбаау усмҩаԥгатәуп, уи аҵакы ахә ашьара уадаҩуп ҳәа азгәеиҭеит Урыстәыла аекономикатә ҿиара аминистр ихаҭыԥуаҩ Сергеи Назаров.

Аҟәа ақалақь ахада Ҭемыр Агрба москватәи аилахәыра «Инноватранспорт» ахаҭарнакцәа алархәны аусуратә еиԥылара мҩаԥигеит. Аиҿкаара нап анаркуеит аԥснытәи аҳҭнықалақь атранспорттә инфраструктура аҿиара аус адулара. Ақалақь аиҳабы ишазгәеиҭаз ала, ари аусшәҟәы азырхиаразы аӡбамҭа рыдыркылеит ҳазҭоу ашықәс азы.

Аминистрцәа Реилазаара иаднакылаз ақәҵара «Аԥсны аҳәынҭқарра астратегиатә обиектқәа рсиазы» алацәажәара иазкын аҳәынҭқарра-зинтә политика апарламенттә еилакы аилатәара маԥысит.

Аҳәынҭқарра Ахада Бадра Гәынба Ауаажәларратә палата афбатәи ааԥхьара аусура анхыркәшаха, ԥхьаҟатәи агәҭакқәа рылацәажәаразы уи амаӡаныҟәгаҩ Гәыли Кьычбеи иареи еиԥылеит ҳәа аанацҳауеит Ахада ипресс-маҵзура.

Аминистрцәа реилазаара агәабзиарахьчаразы аҳәынҭқарратә усбарҭақәа имҩаԥырго амедицинатә цхыраара ахәԥса ахылаԥшра аҭаразы ақәҵара аднакылеит.

Аминистрцәа реилазаара ареспубликатә унитартә наплакқәа русура алҵшәа аиӷьтәра иазырхоу ақәҵара аднакылеит. Аӡбамҭа азырхоуп аҳәынҭқарратә мазара ахархәареи афинанстә ҭагылазаашьа ахылаԥшреи рырӷәӷәара.

Аԥсны аминистрцәа реилазаара ақәҵара аднакылеит, 1992-1993 шықәсқәа рызтәи Аԥсны Аџьынџьтәылатә еибашьра аинвалидцәа ахәшәқәеи амедицинатә аалыҵқәеи рыла хәыда-ԥсада риқәыршәаразы.

Хәажәкырамза 30 рзы аминистрцәа реилазаара абиуџьетнҭыҵтәи афондқәа фба 2025 шықәсазтәи рбиуџьетқәа рынагӡаразы аҳасабырбақәа шьақәнарӷәӷәеит.

Хәажәкырамза 30, рзы аминистрцәа реилазаара 2025 шықәсазтәи ареспубликатә биуџьет анагӡаразы аҳасабырба шьақәнарӷәӷәеит.