Азакәан апроект иазгәанаҭоит абарҭ атәанчахәқәа рышәагаа абасеиԥш аизырҳара:
I агәыԥ иаҵанакуа Аџьынџьтәылатә еибашьра Ду аветеранцәа рзы — 6500 мааҭ, II агәыԥ — 4500 мааҭ, III агәыԥ азы — 3800 мааҭ;
Аџьынџьтәылатә еибашьра Ду алахәылацәа рзы — 2500 мааҭ;
Аџьынџьтәылатә еибашьра Ду аҿы иҭахаз рҭаацәа рзы — 5000 мааҭ;
I, II, III агәыԥқәа ирыҵаркуа 1979-1989 шықәсқәа рзы Афганистан имҩаԥысуаз арратә усмҩаԥгатәқәа рветеранцәа — 3000 мааҭ;
Афганистан аибашьраҿы иҭахаз рҭаацәа рзы – аусуратә лшара змам аҭаацәара рхаҭарнакцәа рыцыԥхьаӡа рзы — 3000 мааҭ;
I, II, III агәыԥқәа ирыҵанакуа Асовет Ар аҿы арратә маҵзура ахысраан иинвалидхаз рзы — 3000 мааҭ.
Атәанчахәы ашьҭыхра 80-ҩык аҵанакуеит. Ари аус азы иаҭаххоит 3,57 миллион мааҭ, аԥара азоужьхоит Атәанчахәытә фонд аҟынтәи.
