«Агәра ганы сыҟоуп ҳаиашьаратә еизыҟазаашьақәа аԥеиԥш ду шрымоу. Аахыҵ Уаԥстәылеи Аԥсни рыжәларқәа ажәытәра адагьы еиднакылоит азеиԥш гәҭакқәа» – иҳәеит Гаглоев.

Атәылақәа рыҿиараҿы аԥыжәара змоу хырхарҭаҭаны иаликааит Урыстәылатәи Афедерациеи дареи русеицура, ари алхра ҳаамҭа иақәшәоит, истратегиатәуп ҳәа ахиҳәааит. Иазгәеиҭеит, Урыстәыла ареспубликақәа рзы аҭынчреи аҭышәынтәалареи ирхыҵхырҭаны ишыҟо. Гаглоев игәаанагарала Урыстәылатәи Афедерациа иабзоураны иалыршахеит адәныҟатәи ашәарҭарақәа раԥырҟәҟәаара, Москва иҟанаҵо адгылара иҭышәынтәалоу аекономикатә еизҳара шьаҭас иамоуп.

«Урыстәылеи ҳареи ҳаиҩызара арегион аҿы аҭышәынтәалареи, ашәарҭадареи рзы ихадоу факторуп, иара убас Аахыҵ Уаԥстәылеи Аԥсни жәларбжьаратәи рпозициақәа арӷәӷәоит», – ҳәа инаҵшьны иазгәеиҭеит иара.

Аҳәынҭқарра ахада иара убасгьы дазааҭгылеит ҩ-ганктәи аусеицура шымҩаԥысуа. Аӡбахә иҳәеит ҵыԥх цәыббрамзазы инапы зҵаҩыз, абизнес азы алшара ҿыцқәа аазыртуа баџьда ахәаахәҭразы аиқәшаҳаҭра. Гаглоев иҳәеит уажәтәи афорум аҿы Аахыҵ Уаԥстәылеи Аԥсни рҳазалхратә еилакқәа рыбжьара аинырразы аиқәшаҳаҭра шрыбжьарҵо. Иара иажәа хыркәо иазгәеиҭеит афорум астратегиатә ҵакы шамоу, уи апрограмма ихадоу ахырхарҭақәа ишыруасхыру.