Аиқәшаҳаҭра хықәкыс иамоуп акультура, аҵараиура, аспорт, атуризм аусхккәа рыла аусеицура.
Аԥсны Аҳәынҭқарра Ахада ас еиԥш иҟоу аиқәшаҳаҭрақәа ирыҵоу ҷыдала аҵакы ахадара инаҵшьны иазгәеиҭеит.
«Урыстәылатәи Афедерациа арегионқәеи Аԥсны араионқәеи русеицзура ҳара ҳзы акраҵанакуеит. Ас еиԥш иҟоу аԥшьгарақәа ауаа реимадарақәа, аекономика аҿиара, акультура, аҵараиура аусхк иацхраауеит. Агәра згоит, иааидкыланы Аԥсни Урыстәылеи реимадара аҳәаақәа рырҭбаараҟны аиқәшаҳаҭра алагала ду шыҟанаҵо», - ҳәа иҳәеит Бадра Гәынба.
Ленинградтәи аобласт агубернатор Алеқсандр Дрозденко иҳәеит Аԥсны аус ацура арегион азы ахырхарҭа хадақәа ишыруаку.
«Аԥсни ҳареи ҳусеицура арҿиара - ҳара ҳрегион азы акраҵанакуеит. Ари аиқәшаҳаҭра аҭагылазаашьа ҿыцқәа аԥнаҵоит еиуеиԥшым ахырхарҭақәа рыла аусеицуразы - акультура аҵараиура, атуризм, ақыҭанхамҩа уҳәа рыҟны. Агәра згоит, Приозерскии Ҭҟәарчал араиони ирыбжьарҵаз аиҩызара атәылауаа рзы хәарҭа аманы ишыҟало», - ҳәа иҳәеит Алеқсандр Дрозденко.
