Аҟәа. Жьҭаарамза 18, 2023 шықәса. Аԥсныпресс. Аԥсныҟа иааит амилаҭтә политикеи адинхаҵара азҵаарақәеи рзы аминистр актәи ихаҭыԥуаҩ Арсен Махмудов напхгара зиҭо Даӷьсҭантәи аделегациа.   

Аделегациа иаԥылеит Аԥсны акультура аминистр Даур Ақаҩбеи И. Папасқьыр ихьӡ зху Амилаҭтә библиотека адиректор Борис Ҷолариа.

Ԥхынҷкәынмза 17 рзы даӷьсҭантәи аделегациа иалахәу Аҟәа ақалақь аҿы игылоу ашәҟәыҩҩцәа Баграҭ Шьынқәбеи  Дырмит Гәлиеи рбаҟақәа амҵан ашәҭ шьыҵәрақәа шьҭарҵеит, иара убас Д.Гәлиа иҩны-амузеи иаҭааит. Дара рзы еиҿкаахеит Аԥсны аҳҭнықалақь аҿы аныҟәара.  

Ахаша, жьҭаарамза 18 рзы, Даӷьҭан ахаҭарнакцәа Аԥсны аҳәынҭқарратә Университет аҿы имҩаԥысраны иҟоу жәларбжьаратәи афорум «Гамзатови Аԥсни: амилаҭи   азеиԥшуаҩытәсареи рыбжьара» рхы аладырхәуеит.   

Аҟәа. Жьҭаарамза 18, 2023 шықәса. Аԥсныпресс.  Атәыла ахьчареи ашәарҭадареи ирызку актуалра злоу азҵаарақәа ирызкхеит ахаша, жьҭаарамза 18 рзы имҩаԥысыз апрофильтә парламенттә Еилакы инарҭбаау аусуратә еилатәара.

Аилак ахантәаҩы Ҭемыр Шергелиа имҩаԥигоз аилатәара рхы аладырхәит Жәлар Реизара- Апарламент Аиҳабы Лаша Ашәба, адепутатцәа, атәылахьчара аминистр Владимир Ануа, амилаҭтә шәарҭадареи атәылахьчареи рзы аминистр ихаҭыԥуаҩ Рауль Лолуа.

Жәлар Реизара-Апарламент апресс-маҵзура иҟанаҵо адыррақәа рыла, аилатәара аҿы Кавкази, иааизакны адунеи аҿы ишьақәгыло аҭагылазаашьа инамаданы, аҳәынҭқарра ашәарҭадареи атәылахьчареи рганахьала изаамҭанытәиу аусура анализ мҩаԥган..

Аилатәара иалахәыз аринахысгьы аҳәынҭқарра атәылахьчаралшара аиқәыршәара азҵаарақәа рыла аусеицура ишазхиоу азгәарҭеит.

Аҟәа. Жьҭаарамза 18, 2023 шықәса. Аԥсныпресс. Аҩныҵҟатәи аусқәа Рминистрра ауаажәларратә шәарҭадаразы Аусбарҭа «Ахәыҷқәа амҩақәа рҿы ашәарҭадара иадгылоит» ҳәа акциа мҩаԥнагеит, ҳәа адырра ҟанаҵоит аҩныҵҟатәи аусқәа Рминистрра апресс-маҵзура.  

Ашколхәыҷқәа Аҳәынҭинспекциа аусзуҩцәа ирыцны амҩатә машәыртә хҭысқәа рыԥхьырҟәҟәаара иазкны имҩаԥысуаз апрофилактикатә усмҩаԥгатәқәа рхы аладырхәит. Ахәыҷқәа амашьынарныҟәцаҩца рнапы иадыркуан амҩатә ԥҟарақәа рықәныҟәара, апассаџьырцәеи ашьаҟауааи ршәарҭадара аиҷаҳара рзы ааԥхьарақәа зну абӷьыцқәа.  

Аҟәа. Жьҭаарамза 18, 2023 шықәса. Аԥсныпресс. Жьҭаарамза 18 рзы Аҟәа ақалақь аҿы иалагеит Зымаха-зышьаха еибгам аинвалидцәа рыбжьара ашьапылампыл-маҷ  азы XI Жәларбжьаратәи атурнир.

Атурнир рхы аладырхәуеит Барнаул, Кемерово, Владикавказ, Чечентәи Ареспублика, Аԥсны аҟынтәи хә-командак.  

Жьҭаарамза 18 рзы Барнаули Кемерови ркомандақәа рыбжьара ахәмарра мҩаԥысит.  Аматч асчион 5:2 ҳәа Барнаул акоманда аиааирала ихыркәшахеит.  

Жьҭаарамза 19, асааҭ 13:00 рзы имҩаԥысраны иҟоуп атурнир аофициалла аартра иазку ацеремониа. Аматчқәа мҩаԥысуеит Аинрал Дбар имҩала иҟоу ашьапылампыл-маҷ адәы аҿы (аӡҭарчы азааигәара). 

Аҟәа. Жьҭаарамза 18, 2023 шықәса. Аԥсныпресс.  Жьҭаарамза 19 рзы Аҟәа ақалақь аҿы Аԥсны аминистррақәеи ахылаԥшырҭақәеи ркомандақәа рыбжаьара ашьапылампыл-маҷ азы атурнир алагоит.

Атурнир рхы аладырхәуеит 18 команда, урҭ «илашәу» аҵәҭаԥсара аихшьаалақәа  рыла хԥа-хԥа команда рыла ишьақәгыло агәыԥқәа фба рыла еихшан, ҳәа адырра ҟанаҵоит аҿари аспорти русқәа рзы аҳәынҭқарратә Еилакы.

Агәыԥ А иалалеит Ареспубликатә Унитартә Наплакы «Амшынеиқәафымцамч», аџьынџьуаа рырхынҳәразы аҳәынҭқарратә Еилакы, аҿари аспорти русқәа рзы аҳәынҭқарратә Еилакы.

Агәыԥ В аҿы ихәмаруеит Апрокуратура Хада, аҳәынҭқарратә ҳазылхратә Еилакы, Аҳәынҭқарратә  хьчара Амаҵзура.  

Агәыԥ C аҿы ихәмаруеит агәабзиарахьчара Аминистрра, аҩныҵҟатәи аусқәа Рминистрра Аҳәынҭқарратә автоинспекциа, Ареспубликатә Унитартә Наплакы «Аԥснытәи аихамҩа».  

Агәыԥ D аҿы еиԥылоит Аҟәа ақалақь Ахадара, аекономика Аминистрра, аҩныҵҟатәи аусқәа Рминистрра.

Агәыԥ Е аҿы иақәшәеит Иҷыдоу аҭагылазаашьақәа рзы Аминистрра, атәылахьчара Аминистрреи ашәахтәқәеи аизгақәеи рзы Аминистрреи.  

Агәыԥ F аҿы ихәмарраны иҟоуп Аҳәынҭқарратә шәарҭадара Амаҵзура, Гәылрыԥшьтәи араион Ахадареи аҵара Аминистрреи.  

Аматчқәа зегьы мҩаԥыслоит Аинрал Дбар ихьӡ зху ашьапылампыл-маҷ адәы аҿы (аӡҭарчы азааигәара).

Атурнир аартра мҩаԥысуеит –  жьҭаарамза 19, асааҭ 18:00 рзы. Анаҩс атурнир аматчқәа фба мҩаԥгахоит.

Аҟәа. Жьҭаарамза 17, 2023 шықәса. Аԥсныпресс. Аԥсны Аҳәынҭқарра Ахада Ихаҭыԥуаҩ Бадра Гәынба  абазатәи ауаажәларратә усзуҩ Умар Кончеви Черкесстәи арезина иалху аалыҵқәа рзауад адиректор Хада, Черкесск Адума адепутат Карабек Тлиабичеви идикылеит, ҳәа адырра ҟанаҵоит Аԥсны Аҳәынҭқарра Ахада ипресс-маҵзура.

Асасцәа Аҳәынҭқарра Ахада Ихаҭыԥуаҩ ироуз адкыларазы иҭабуп ҳәа иарҳәеит. Урҭ Аԥсны аус ацура, ирылшо ала аиашьаратә аԥсуа жәлар ацхыраара аҭара есымша ишазхиоу азгәарҭеит.

Аҟәа. Жьҭаарамза 17, 2023 шықәса. Аԥсныпресс. Аԥсны арратә акомиссариатқәа рыҟны жьҭаарамза 1 инаркны ҭагалантәи аррахь ааԥхьара акампаниа аамҭахәҭа иалагӡаны, иаԥҵоуп атәылауаа арратә уалԥшьа анагӡаразы рааԥхьара иадҳәалоу азҵаарақәа рзы аконсультациатә пунктқәа аԥҵоуп, ҳәа адырра ҟанаҵоит атәылахьчара Аминистрра апресс-маҵзура.

Арратә комиссарцәа ақәыршаҳаҭны аконсультациатә пунктқәа русура ахь есыҽны иадыԥхьалахоит арратә комиссариатқәа ааԥхьаратә ҟәшақәа  рхаҭарнакцәа, иара убас ааԥхьаратә комиссиақәа амедицинатә специалистцәа.  

Аконсультациатә пунктқәа русура ихадоу ахырхарҭақәаны иҟоуп:

Аҟәа. Жьҭаарамза 17, 2023 шықәса. Аԥсныпресс. Аԥсны Аҳәынҭқарра Ахада Ихаҭыԥуаҩ Бадра Гәынба  абазатәи ауаажәларратә усзуҩ Умар Кончеви Черкесстәи арезина иалху аалыҵқәа рзауад адиректор Хада, Черкесск Адума адепутат Карабек Тлиабичеви идикылеит, ҳәа адырра ҟанаҵоит Аԥсны Аҳәынҭқарра Ахада ипресс-маҵзура.

Асасцәа Аҳәынҭқарра Ахада Ихаҭыԥуаҩ ироуз адкыларазы иҭабуп ҳәа иарҳәеит. Урҭ Аԥсны аус ацура, ирылшо ала аиашьаратә аԥсуа жәлар ацхыраара аҭара есымша ишазхиоу азгәарҭеит.

Аҟәа. Жьҭаарамза 17, 2023 шықәса. Аԥсныпресс. Атәыла аҩныҵҟатәи аусқәа рминистр Роберт Киут идҵа инақәыршәаны, Аԥсны ақалақьқәеи араионқәеи рымҩақәа рҿы амашьына арныҟәцаҩцәа ргәаҭаразы апрофилактикатә реидқәа мҩаԥысуеит. Урҭ аиҳарак ижәны амашьына аԥсҟы зкуа раарԥшра иазырхоуп.

Жьҭаараза 16 рзы иарбоу апрофилактикатә усмҩаԥгатәқәа  аҩныҵҟатәи аусқәа рминистр Роберт Киут хаҭала ихылаԥшрала имҩаԥысуан.  Убри аан аусмҩаԥгатә рхы аладырхәит иара убас аминистр ихаҭыԥуаҩцәа Беслан Ҷкадууеи Рашь Ҵәыџьбеи.

«Амилициа аусзуҩцәа адҵа рыҭоуп ҷыдала ахшыҩзышьҭра рырҭаларц ижәны, мамзаргьы арҩышьыгатә маҭәашьарқәа рыдкыланы амашьына аԥсҟы зку ауаа.  Ижәны иҟоу аҭыԥ аҿы рмашьынақәа рымырхуеит, 30 000 мааҭ инаӡо административтә хараԥса дыршәаны амашьынарныҟәараз азин шықәсыбжак ҳәа ирымырхуеит. Иаанкыло ахаҿы уаанӡагьы асеиԥш азы дааныркылахьазар амашьынарныҟәараз изин шықәсык ҳәа имырхуеит, 15 мшы дҭаркуеит», - ҳәа адырра ҟанаҵоит атәыла аҩныҵҟатәи аусқәа Рминистрра апресс-маҵзура.

Аҟәа. Жьҭаарамза 17, 2023 шықәса. Аԥсныпресс. Аԥсны Иреиҳаӡоу аӡбарҭа ашьауӷақәа рзы Ахашшааратә коллегиа Акоммерциатә Банк «Амра-Банк» аофис ақәларазы аӡбамҭа аԥсахит.

Жьҭаарамза 16, 2023 шықәсазы Аԥсны Иреиҳаӡоу аӡбарҭа аҿы имҩаԥысит адукатцәа  Габилаиа И.Г., Ҭаниа М.Г., Цыгба М.Е., Кеиан Р.П., Скнарина И.В.  Аҟәатәи аӡбарҭа Быҭәба Асҭамыр Славик-иԥа, Возда Вадим Едуард-иԥа, Кәыҵниа Алхас Нодар-иԥа, Ҵнариа Алиас Амиран-иԥа, Еиупов Валериан Валериан-иԥа, Ӷәынџьиа Артур Ҭемыр-иԥа рганахьала мшаԥымза 12, 2023 шықәсазы иаднакылаз ахарадҵатә зыӡба азашшратә зыҳәамҭа ахәаԥшразы Аԥсны Иреиҳаӡоу аӡбарҭа ашьауӷақәа рзы Ахашшааратә коллегиа аилатәара.  

Аус ахәаԥшра ашьҭахь, Ҭарба О.Р.(ахантәаҩы), аӡбаҩцәа:       Кәарҷиа (иҷыдоу игәаанагара ҳасаб азурала), Кәыҵниа М.З. рыла зеилазаара шьақәгылаз Иреиҳаӡоу аӡбарҭа ашьауӷақәа рзы Ахашшааратә коллегиа мшаԥымза 12,  2023 шықәсазы Быҭәба А.С.,ба,  Возба В.Е.,  Кәыҵниа А.Н., Ҵнариа А.А.,  Еиупов В.В., Ӷәынџиа А.Ҭ. иаднакылаз азыӡба ԥсахуп.