Аҟәа. Жьҭаарамза 12, 2023 шықәса. Аԥсныпресс. Иахьа 97-шықәса ихыҵра азгәеиҭоит аԥснытәи ашьапылампыл ааӡамҭа, илегендатәу аспортсмен, зыхьӡ нагоу азыҟаҵаҩ, аклуб «Спартак» аҭоурых аҿы иреиӷьу абомбардир, Асовет Еидгыла ачемпион, Урыстәылатәи ашьапылампылтә еидгыла апрезидент ихаҭыԥуаҩ Никита Симониан.

Аҟәа. Жьҭаарамза 12, 2023 шықәса. Аԥсныпресс. Аԥсныҟа иааит Башириантәи атуристцәа ргәыԥ. Ареспублика Башкортосҭанынтәи иааз  абыргцәа рзы апроект «Башкириатәи ашықәснҵыра ду» Атуризм» агеографиа арҭбаара аҳәаақәа ирҭагӡаны Аԥсныҟа аԥышәаратә тур еиҿкаахеит.

Аилыркааратә тур  46-ҩык рыла еилоу агәыԥ рзы амҩаԥгара азԥхьагәаҭоуп.  

Аԥсны рыҟазаара хәымш ирылагӡаны Башкириантәи «араӡнытә» туристцәа  иаҭаараны иҟоуп аӡиа Риҵа, Сталин идача, Афон Ҿыц аҭыԥԥшӡарақәа рбоит, иара убас, жәаҳәарада Амшын Еиқәа аԥшаҳәаҿы рыԥсы ршьараны иҟоуп.

Аҟәа. Жьҭаарамза 12, 2023 шықәса. Аԥсныпресс. Аԥснынтәи Урыстәылаҟа експортла ацитрустә шәырқәа раԥхьатәи апартиақәа рдәықәҵара иалагеит 2023 шықәса, цәыббрамза анҵәамҭазы.  Усҟан мацара ииаган 3 кьылак рҟынӡа инаӡо ахкқәа.  

Жьҭаарамза 7 инаркны еиҳа идуу апартиақәа рдәықәҵара иалагеит. Аԥсны аҳәынҭқарратә ҳазылхратә Еилакы адыррақәа рыла, иахьазы Урыстәылаҟа експорт ҳасабла идәықәҵоуп  8 101 кьыла амандарин.

Аҟәа. Жьҭаарамза 12, 2023 шықәса. Аԥсныпресс. Иахьа 97-шықәса ихыҵра азгәеиҭоит аԥснытәи ашьапылампыл ааӡамҭа, илегендатәу аспортсмен, зыхьӡ нагоу азыҟаҵаҩ, аклуб «Спартак» аҭоурых аҿы иреиӷьу абомбардир, Асовет Еидгыла ачемпион, Урыстәылатәи ашьапылампылтә еидгыла апрезидент ихаҭыԥуаҩ Никита Симониан.

«Ҳара ҳидныҳәалоит ашьапылампыл зыԥсы ҭоу алегенда, изеиӷьаҳшьоит агәабзиара, агәамч, иусураҿы аихьӡара дуқәеи ақәҿиарақәеи!» -  ҳәа адырра ҟанаҵоит аҿари аспорти русқәа рзы Аҳәынҭқарратә Еилакы апресс-маҵзура.

Аҟәа. Жьҭаарамза 12, 2023 шықәса. Аԥсныпресс. Аԥсны аԥыза-министр Алеқсандр Анқәаб «Аԥсны атәылауаа жьҭаарамза-ԥхынҷкәынмза, 2023 шықәсазы арратә уалԥшьа анагӡарахь ааԥхьара рыҭара азы Ақәҵара инапы аҵаиҩит.

Аԥыза-министр иқәҵара инақәыршәаны, Аԥсны атәылахьчара Аминистрра аҭакԥхықәра адуп: - жьҭаараза-ԥхынҷкәынмза, 2023 шықәсазы  Аԥсны атәылауаа Аԥсны Арбџьармчқәа рҿы арратә уалԥшьа анагӡаразы ааԥхьара амҩаԥгара алыршара;

- арратә маҵзура ахь ааԥхьара иадҳәалоу аусмҩаԥгатәқәа рымҩаԥгара азеиԥш напхгараҭареи ахылаԥшреи рыҭара;

арратә уалԥшьа ахь ааԥхьара ахыркәшара арыцхә инаркны  15-мшы ирылагӡаны жьҭаарамза-ԥхынҷкәынмза,  2023 шықәа рзы арратә уалԥшьа анагӡаразы ааԥхьара амҩаԥысразы аихшьаалақәа ирыдҳәалоу аинформациа аминистрцәа Реилазаара ахь анашьҭра  алыршазароуп.  

Аҟәа ақалақьи араионқәеи рхадарақәа ԥхықәраны ирыдуп:

- Лаҵарамза 6, 2014 шықәсазы ирыдыркылаз  «Арратә ҭакԥхықәреи арратә маҵзуреи рзы» Аԥсны Аҳәынҭқарра Азакәан No3498-c-V инақәыршәаны, ааԥхьаратә комиссиақәа раԥҵара;

- ааԥхьаратә комиссиақәа иахәҭоу атерриториа, ауадақәеи амазареи атранспорти абылтәи-ахьшьтәи рыла еиқәыршәазароуп, иара убас  арра ирго ареспубликатә аизгаратә пункт рахь рнагара алыршазароуп;

- ақыҭақәеи апаселкақәеи рхадацәеи егьырҭ арра-зыҟаҵаратә усура азы аҭакԥхықәра зду ахаҿқәеи арра иргараны иҟоу араионтә ааԥхьаратә комиссиақәеи Аҟәа ақалақь ааԥхьаратә комиссиеи реилатәарақәа рахь рнеира алыршара азы аҭакԥхықәра рыдҵоуп.

Аҩныҵҟатәи аусқәа Рминистрра иаԥхықәроуп:

- Аԥсны Аҳәынҭқарра атәылауаа Аԥсны Арбџьармчқәа рҿы арратә уалԥшьа анагӡаразы ааԥхьара иадҳәалоу аусмҩаԥгатәқәа рымҩаԥгара азы ареспубликатә, араионтә ааԥхьаратә комиссиақәеи Аҟәа ақалақь ааԥхьаратә комиссиеи реилазаарақәа ирылагалазароуп ахылаԥшырҭа ахаҭаранакцәа;

- арратә уалԥшьа анагӡара иацәхьаҵуа ахаҿқәа рыԥшаара иазку аусмҩаԥгатәқәа рынагӡара алыршазароуп.

Агәабзиарахьчара Аминистрра иаԥхықәроуп:

Аҟәа. Жьҭаарамза 11, 2023 шықәса. Аԥсныпресс. Аԥсны Аҳәынҭқарра Ахада агәра ганы дыҟоуп Аҟәатәи аҳаирбаӷәаза аартра аныҟалалак ашьҭахь  ареспублика иаҭаарц зҭаху Башкортоҭантәи атуристцәа рхыԥхьаӡара акыр ишацло.  

«Сара ус ишыҟало азы агәра ганы сыҟоуп. Ҳара ҳҳаирбаӷәаза излауо ала ирласны аартра алыршазарц ҳҭахуп. Сгәыӷуеит, уи аартра ашьҭахь хара имгакәа Уфеи Аҟәеи ишиашо еимаздо авиареисқәа шыҟало», - ҳәа агентра «Башинформ» аҟынтәи азҵаара аҭак ҟаҵо иазгәеиҭеит Аслан Бжьаниа.

Аҟәа. Жьҭаарамза 11, 2023 шықәса. Аԥсныпресс. Жьҭаарамза 10 рзы Башкортосҭанҟа аофициалтә визитла дцеит Аԥсны Аҳәынҭқарра Ахада Аслан Бжьаниа.  Уфа ақалақь аҳаирбаӷәаза аҿы уи диԥылеит арегион Ахада  Ради Хабиров.

Аслан Бжьания Ареспублика Башкортосҭан Амш азгәаҭара иазку аныҳәатә усмҩаԥгатәқәа ихы рылаирхәуеит.

Аҟәа. Жьҭаарамза 11, 2023 шықәса. Аԥсныпресс.  Иахьа, жьҭаарамза 11 рзы, Ареспублика Амш азы Аԥсны Ахада Аслан Бжьаниеи Башкорҭосҭан Ахада Ради Хабирови ашәҭқәа шьҭарҵеит башкириатәи апоет, ауаажәларратә усзуҩы Шаихзаде Бабичи амилаҭтә фырхаҵа Салаваҭ Иулаеви рбаҟа амҵан.

Анаҩс Аслан Бжьаниеи Ради Хабирови ашәҭқәа шьҭарҵеит аинрал Минигали Шаимуратови рбаҟа амҵан, иара убас «шаимуратоврахь» ирыдыркылаз 905 –ҩык ашколхәыҷқәа акрызҵазкуа арыцхә рыдырныҳәалеит.

Аслан Бжьаниа ари аусмҩаԥгатә азы игәаанагара иҳәеит. «Схәыҷра сгәаланаршәеит, санпионерыз, санкомҿарыз ашықәсқәа. Арҭ атрадициақәа еиҭа иахьышьҭышәхыз сгәы иахәеит. Избан акәзар ара, уажәы ирызҳауеит Урыстәыла ду, милаҭрацәала еилоу Башкорҭосҭан ажәлар рыхьчара иазхиоу абиԥара», - иҳәеит иара.

Аҟәа. Жьҭаарамза 11, 2023 шықәса. Аԥсныпресс. Аԥсны аԥыза-министр Алеқсандр Анқәаб  аԥыза-министр ихаҭыԥуаҩцәа  аекономика аминистр Кристина Озгани афинанқәа рминистр Владимир Делбеи алархәны аилатәара мҩаԥигеит.

Аилатәара аҿы Ареспубликатә Унитартә Наплакы «Амшынеиқәафымцамч» Аԥсны абанкқәа рҿаԥхьа 2016 шықәса инаркны ишьақәгылаз акредиттә ҭакԥхықәрақәа уахь иналаҵаны,  афымцамч ахархәара аиҵатәра азы Амҩақәҵагатә хсаалага анагӡара, ахәҭакахьала ахархәара зауз афымцамч азы ахәԥса ашьҭыхра, уҳәа актуалра злоу азҵаарақәа жәпакы ирылацәажәеит.

Кристина Озган Ареспубликатә Унитартә Наплакы «Амшынеиқәафымцамч» аҿы афымцахархәаҩцәа рхыԥхьаӡара аилкаареи иара убри инақәыршәаны иҟоу ауал алкаареи рзы аинвентаризациа амҩаԥгара шалыршаз азы аинформациа ҟалҵеит. «Амшынеиқәафымцамч» ари аусура хнаркәшароуп ԥхынҷкәынмза 15, 2023 шықәса аҟынӡа.  

Аекономика Аминистрра иара убас анапхгаратә республикатә наплакқәеи аусбарҭақәеи иара Аминистрра аусзуҩцәеи рыла ахархәара зауз афымцамч ахәԥса ашьҭыхра иазкны аусура мҩаԥнагоит.

Аԥыза-министр иара убас абиуџьеттә система иаҵанакуа  аусбарҭақәа, аҳәынҭқарратә абиуџьетнҭыҵтәи афондқәа, аҳәынҭқарратә усбарҭақәа ахархәара зауз афымцамч азы ирықәу ауал дырхынҳәра азы имҩаԥгахо ауснагӡатәқәа рзы адырра ирҭеит.  

Аҟәа. Жьҭаарамза 11, 2023. Аԥсныпресс. Цәыббрамза,2023 шықәсазы планла иазԥхьагәаҭаз  247,3 млн. мааҭ аан иахыԥхьаӡалаз аҳазылхратә шәатәқәа  реицҵалыҵ 388  млн. мааҭ рҟынӡа инаӡеит. Убас ала, цәыббрамзазы аплан нагӡахеит 157% рыла. Абри азы адырра ҟанаҵоит Аԥсны аҳәынҭқарратә ҳазылхратә Еилакы аофициалтә саит.

Иҳаҩсыз ашықәс цәыббрамза иаҿырԥшны уахәаԥшуазар, ҳазҭоу ашықәс азы иахыԥхьаӡалахаз аҳазылхратә шәатәқәа реицҵалыҵ  127,9 млн. мааҭ рыла еиҳахеит. (Цәыббрамза, 2022 шықәсазы  – 260,1 млн. мааҭ).