Занаҵтәи аусҭҵаара ишышьақәнаргылаз ала, ԥхынгәымза 17, 2024 шықәса, 13 сааҭи  30 минуҭи инарзынаԥшуа, Џьансыхә Адлеиба  Апарламент ахыбра азааигәара азинхьчаратә усзуҩцәа рганахь абџьар рханы дхысит.

Џьансыхә Адлеиба ишьҭазаара рылаҳәан. Имҩаԥгаз аоператив-ԥшааратә усмҩаԥгатәқәа рыла амилициа аусзуҩцәа Џьансыхә Адлеиба дааныркылеит.

Аҟәатәи ақалақьтә ӡбарҭа аӡбаҩ Милана Џьынџьалԥҳа лхантәаҩрала Џьансыхә Адлеиба Аԥсны Ашьаустә Закәанеидкыла ахәҭаҷ  207, ахәҭа  1 иазԥхьагәанаҭо ацәгьоуразы ахара идуп ҳәы аӡбамҭа аднакылеит. Уи ахьырхәра аҳасабала ҭакрада хы-шықәса, урҭ рахьтә ҩышықәса азгәаҭарала ихақәиҭра иалхәдаара изалхуп, ҳәа аанацҳауеит аӡбарҭа апресс-маҵзура.