Аҟәа. Ԥхынҷкәынмза 13, 2023 шықәса. Аԥсныпресс.  Гагра араион асанитартә ҳақьым хада Емине Иазычба атуризм аминистр Ҭеимураз Хышба илҭаз адырррақәа рыла,  ԥхынгәымза 12  рзы аӡрыжәтәи амшынӡи ргәаҭара мҩаԥган.

«Акурорт Пицунда аплиаж аҟынтәи амшынӡы аиуеи, иара убас акорпусқәа зегьы рҟынтәи аӡрыжәтә аиуеи алабораториатә гәаҭаразы иган.   Агәаҭарақәа рымҩагарала ишеилкаахаз ала, акурорт аҿы амшынӡи аӡрыжәтәи  ишьақәыргылоу анормақәа ирықәшәоит, ачымазарақәа зырҿио абактериақәеи авирусқәеи аарԥшӡам», - ҳәа илҳәеит Емине Иазычба.

Аҟәа. Ԥхынгәымза 11, 2023 шықәса. Аԥсныпресс. Аҟәа ақалақь, Воронов имҩа ала иҟоу ԥыхьатәи аҽыкәабарҭа №3 ахыбра ахаангьы аҭоурых-культуратә ҭынха аобиектқәа рсиа иалагалаӡамызт, ҳәа Аԥсныпресс аинтервиу аҭо иҳәеит Аԥсны аҭоурых-культуратә ҭынха ахьчаразы Аҳәынҭқарратә усбарҭа аиҳабы Гарик Сангәылиа. 

Ааигәа асоциалтә ҳақәа рҿы иаладырҵәеит ақалақьтә ҽыкәабарҭа ахыбра ақәгара зныз авидео. Уи акәша-макәша имаҷымкәа еиуеиԥшым ацәажәарақәа хылҿиааит.

«Ари аҽыкәабарҭа акыр ҵуеит априватизациа мҩаԥгеижьҭеит, уи хазхаҭалатәи ауаа рнапаҿы иааргахьан. Аибашьра ашьҭахь 3-4 шықәса раҟара  иара аус ауан, анаҩс зынӡа аусурагьы иаҟәыҵит», - ҳәа иҳәеит Гарик  Сангәылиа.

Аҟәа. Ԥхынгәымза 13, 2023 шықәса. Аԥсныпресс. Аԥсны Иҷыдоу аҭагылазаашьақәа рзы Аминистрра иатәу шәагаала имаҷу аӷбақәа рзы Аҳәынҭқарратә Инспекциа аусзуҩцәа амшын аӡымҽхак аҿы ааигәа иҟалаз амшцәгьақәа раан хабарда ибжьаӡыз аԥҳәас лыԥшаара иаҿуп, ҳәа адырра ҟанаҵоит ахылаԥшырҭа апресс-маҵзура.

Аамҭак ала Гәдоуҭа араион аҟынтәи аиқәырхаҩцәа аҟәара иаԥну аҵакыра аҿы аԥшаарақәа мҩаԥыргоит.

Аҟәа. Ԥхынгәымза 13, 2023 шықәса. Аԥсныпресс. Ареспубликатә Унитартә Наплакы «Амшынеиқәафымцамч» афымцалашарала аиқәыршәара иазку аобиектқәа реиҭашьақәыргылара иазку аусурақәа нарыгӡоит. Абри азы Аԥсныпресс акорреспондент диҿцәажәо адырра ҟаиҵеит Гагра араион Ареспубликатә Афымцатә Станциа аиҳабы Аслан Аиба.

«Лӡаа ақыҭан еиҭашьақәыргылатәуп 12 шьаҟа, иара убас звольҳараку афымцацәаҳәа анагара аанханы иҟоуп. Мышкы иалагӡаны арҭ аусурақәа зегьы хыркәшахоит», - ҳәа адырра ҟаҵеит Аслан Аиба.

Аҟәа. Ԥхынгәымза 13, 2023 шықәса. Аԥсныпресс. 2023 шықәса актәи азыбжазы Аԥсны аҳәынҭқарратә шәарҭадара Амаҵзура аусзуҩцәеи Аԥсны иҟоу Урыстәылатәи Афедерациа ашәарҭаразы афедералтә Маҵзура Аҳәаахьчаратә Усбарҭеи рыла 400-ҩык инарзынаԥшуа аҳәаахьчаратә режим еилазгаз раанкылара алыршахеит. Абри атәы аанацҳауеит Аԥсны аҳәынҭқарратә шәарҭадара Амаҵзура апресс-маҵзура.

Аԥсны административтә зинеилагарақәа рзы Азакәанеидкыла ахәҭаҷ 190 «Аҳәаахьчаратә зона аҿы аҳәаахьчаратә режим аилагара»; ахәҭаҷ 1901 «Аԥсны Аҳәынҭқарра аҳәынҭқарратә ҳәаа арежим аилагара"; ахәҭаҷ 1902 «Аԥсны Аҳәынҭқарра аҩныҵҟатәи амшынтә ҵакырақәеи атерриториалтә мшыни рзы аҳәаахьчаратә режим аилагара»; рзы иаанкылоу атәылауаа административтә хьырхәра иақәыршәоуп.

Аҟәа. Ԥхынгәымза 13, 2023 шықәса. Аԥсныпресс. Ареспубликатә Унитартә Наплакы «Аԥснытәи аихамҩа» Гагра араион аҿы ааигәа иҟалаз аԥсабаратә рыцҳара ахҟьа-ԥҟьақәа зегьы рықәгара мҩаԥнагеит.

Иҟаз амшцәгьа иахҟьаны ааха роуит аихамҩа аучасткақәа жәпакы. Уи азы аихамҩатә еимадара аамҭала иаанкылахеит.  

Аҟәа. Ԥхынгәымза  12, 2023 шықәса. Аԥсныпресс.  Аԥсны атәылахьчара Аминистрра апресс-маҵзура амассатә информациа  ахархәагақәа рхаҭарнакцәа, аблогерцәеи ауаажәларратә журналистцәеи рахь аҳәара ҟанаҵоит ахылаԥшырҭа аусура иазкны адырраҭарақәа рыҟаҵараан агәҭакиашареи аҳаҭырқәҵареи аадырԥшларц.

«Ҵыбыргуп, иахьа Аԥсны акәша-мыкәша, иара адунеи зегьы аҿы ишьақәгыланы иҟоу ауаажәларра-политикатә ҭагылазаашьа аҿы ҳара зегьы даара агәҽанызаареи аобиективреи хымԥада иааҳарԥшлароуп. Иахьа  Аԥсны иазку иарбанызаалак аинформациа атәыла аҿагылаҩцәа рганахьала ҳреспублика азы хра злам ахархәара аиур алшоит.

Аҟәа. Ԥхынгәымза 12, 2023 шықәса. Аԥсныпресс. Ԥхынгәы 11-12, 2023 шықәсазы имҩаԥысит Жәларбжьаратәи Женеватәи аиҿцәажәарақәа 58-тәи рраунд. Аиҿцәажәарақәа ирылахәын Аԥсны Аҳәынҭқарра, Аахыҵ Уаԥстәыла, Урыстәылатәи Афедерациа, ЕАА рхаҭарнакцәа, ЕЕи ЕАРи, ОБСЕи рыцхантәаҩлара.

Аԥсны Аҳәынҭқарра Адәныҟатәи аусқәа рминистр Иракли Ҭыжәба зхадараҿы дыҟаз аԥснытәи аделегациа иалахәын: Аԥсны АШәМ ахантәаҩ ихаҭыԥуаҩ Заал Хәарцкьиа, Аԥсны ААР аусзуҩцәа Лаша Аҩӡба, Артур Гагәылиа.

Аҟәа. Ԥхынгәымза 12, 2023 шықәса. Аԥсныпресс. Москва Анапхгара Ацқьа Иоанн Ахьҿы ихьӡ зху Камантәи аберҭыԥ азы ауахәаматә маҭәахәқәа раахәара иазкны аԥара азоунажьит.

Ацқьа Иоанн Ахьҿы ихьӡ зху Камантәи аберҭыԥ азы ауахәаматә маҭәахәқәа раахәара иазкны аԥара азоужьра азы асертификат аберҭыԥ аиҳабы, аигумен Игнати (Киут) ииҭеит Москва ақалақь жәларбжьаратәии адәныҟаекономикатәи аимадарақәа рзы Адепартамент анапхгаҩы ихаҭыԥуаҩ – аконтрактә маҵзура анапхгаҩы Игорь Ткач.

«Ҳара Аԥсны Аиашахаҵаратә ныхабаақәа рзы ауахәаматә маҭәахәқәа раахәара иазкны  Москва Анапхгара аминистр Сергеи Евгени-иԥа Чериомин инапы зҵаиҩыз асертификат еиқәҳаршәеит.  Хара имгакәа уи шәара шныхабаа ахь иааргараны иҟоуп», - ҳәа иҳәеит Игорь Ткач.

Аҟәа. Ԥхынгәымза 12, 2023 шықәса. Аԥсныпресс.  Аԥсны атуризм аминистр Ҭеимураз Хышба ааигәа иҟаз амшцәгьақәа рыхҟьаԥҟьақәа Апансионатқәа Реидгыла «Акурорт Пицунда» аҿы рықәгара азҵаарақәа рыла аусуратә еилатәара мҩаԥигеит. Абри атәы аанацҳауеит атуризм Аминистрра апресс-маҵзура.

«Акурорт амаҵзурақәа ирӷәӷәоу арежим ала аус руеит, аномерқәа реиҭашьақәыргылареи аплиажқәа реилыргареи мҩаԥыргоит», - ҳәа иазгәаҭоуп адырраҭара аҿы. 

Афымцалашарала аиқәыршәарагьы еиҭашьақәыргылоуп.

Уажәы апансионатқәа Реидгыла «Акурорт Пицунда» аҿы инхоит 2228-ҩык.