Аҟәа. Ԥхынҷкәынмза 26, 2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа аԥыза-министр Александр Анқәаб ииубилеи идиныҳәалеит.

Аҳәынҭқарра Ахада Аиҳабыра Анапхгаҩы изеиӷьеишьеит агәабзиара, аихьӡарақәа инапы злаку аҳәынҭқарратә усураҿы.

Аԥсны Аҳәынҭқарра Ахада Иусԥҟала аԥсуа ҳәынҭқарра ашьақәгылареи аҿиареи рыҟны илагаламҭа дуи активла ауаажәларра-политикатә усура алахәреи рзы Анқәаб Александр Золотинск-иԥа ианашьоуп «Ахьӡ-Аԥша» аорден I аҩаӡара.

Аҟәа. Ԥхынҷкәынмза 26, 2022 шықәса. Аԥсныпресс. Имҩаԥысит Аԥсны Аҳәынҭқарра Ахадеи урыстәылатәи аԥсуа наплакҩцәеи рыбжьара иаарту аиҿцәажәара

Урыстәылатәи Афедерациаҟны иҟоу Аԥсны Аҳәынҭқарра Ацҳаражәҳәарҭаҟны имҩаԥысит Аԥсны Аҳәынҭқарра Ахадеи урыстәылатәи аԥсуа наплакыҩцәа рхаҭарнакцәеи злахәыз  иаарту аиҿцәажәара.

Аиҿцәажәараан Ахада абизнес-уаажәларра ахаҭарнакцәа рҟынӡа инеигеит аҳәынҭқарра имҩаԥнаго аекономикатә хырхарҭазы аинформациа, иара убас ирылацәажәан иактуалтәу аполитикатә мышхәаԥштә аҟны иқәгылоу атемақәа.

Аҟәа. Ԥхынҷкәынмза 17, 2022 шықәса. Аԥсныпресс. Владимир Амаршьан ихьӡ зху абокси аиқәԥареи атлетика хьанҭеи рзы ареспубликатә ахәыҷтәы-қәыԥштә спорттә школ аҿы имҩаԥысит атлетика хьанҭа азы Аоеспублика Аԥсны ачемпионат. Атурнир рхы аладырхәыит  Гагра, Гәдоуҭа, Аҟәа ақалақьқәа рҟынтәи 40-ҩык инареиҳаны аспортсменцәа.

Атурнир аихшьаалақәа рыла, актәи азеиԥшкомандатә ҭыԥ ааныркылеит Аҟәатәи аспортсменцәа, аҩбатәи аҭыԥ – гагратәи аспортсменцәа, ахԥатәи аҭыԥ ааныркылеит Гәдоуҭа ақалақь аспортсменцәа.

Актәи аҭыԥқәа ааныркылеит: Едуард Акобиан, Герасим Галстиан, Саид Хишба, Уасил Ҳаразиа, Альберт Меликиан, Зураб Ҭарба, Дамир Ԥкьын, Нарсоу Шерозиа, Арсен Манукиан, Едуард Григориан, Дмитри Шацких, Л. Кадариа.

Аҩбатәи аҭыԥқәа ааныркылеит: Данил Ярцев, Дамир Хишба, Данил Гармелиа, Данил Буиуклиан, Артиом Џьыкырба, Саид Анқәаб,  Саид Акәыциа, Арноу Анқәаб, А. Мархолиа.  

Аџьазтә аԥхьахә игеит Альберт Шамба. 

Аҟәа. Ԥхынҷкәынмза 17, 2022 шықәса. Аԥсныпресс. Владимир Амаршьан ихьӡ зху абокси аиқәԥареи атлетика хьанҭеи рзы ареспубликатә ахәыҷтәы-қәыԥштә спорттә школ аҿы имҩаԥысит атлетика хьанҭа азы Аоеспублика Аԥсны ачемпионат. Атурнир рхы аладырхәыит  Гагра, Гәдоуҭа, Аҟәа ақалақьқәа рҟынтәи 40-ҩык инареиҳаны аспортсменцәа.

Атурнир аихшьаалақәа рыла, актәи азеиԥшкомандатә ҭыԥ ааныркылеит Аҟәатәи аспортсменцәа, аҩбатәи аҭыԥ – гагратәи аспортсменцәа, ахԥатәи аҭыԥ ааныркылеит Гәдоуҭа ақалақь аспортсменцәа.

Актәи аҭыԥқәа ааныркылеит: Едуард Акобиан, Герасим Галстиан, Саид Хишба, Уасил Ҳаразиа, Альберт Меликиан, Зураб Ҭарба, Дамир Ԥкьын, Нарсоу Шерозиа, Арсен Манукиан, Едуард Григориан, Дмитри Шацких, Л. Кадариа.

Аҟәа. Ԥхынҷкәынмза 17, 2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа иҟаиҵаз адҵала Аԥснынтәи Донбассҟа идәықәҵоуп изаамҭанытәиу агуманитартә цхыраара.

Уажәы 100 тоннак амандарин ала рыла ишьақәгылоу аидара Аԥсны жәлар рыхьӡала Ашықәс ҿыц азы Херсонсктәи, Донецктәи, Лугансктәи, Запорожсктәи аобласт аҟны инхо ахәыҷқәа ирызкуп.

Уи аԥхьа Аҟәа Ахақәиҭра ашҭаҿы Иҷыдоу аҭагылазаашьақәа рзы Аминистрра агуманитартә колонна дәықәҵан. Актәи апартиа Донбасс инеиуеит ԥхынҷкәынмза 19 рзы.

Урыстәыла акциа рҽаԥыршьраны иҟоуп Херсонск, Донецк, Луганск, Запорожсктәи аобласт аҟны аволонтиортә центрқәа аартны измоу урыстәылазегьтәи ауаажәларратә еиҿкаара «Молодаиа гвардиа» аволонтиорцәа.

Аҟәа. Ԥхынҷкәынмза 17, 2022 шықәса. Аԥсныпресс. Гал ақалақь акультура Аҩны аҟны иҟоу ахореографиатә ахәыҷтәы ансамбль «Самырзаҟан» Москва ақалақь аҿы имҩаԥысуаз жәларбжьаратәи ахореографиатә фестиваль-конкурс «Диагональ» аҿы гран-при анашьахеит.  Абри азы адырра ҟаҵоуп асоциалтә каҭақәа рҿы иҟоу ансамбль адаҟьа аҟны.

Ансамбль «Самырзаҟан» инанагӡеит «Аланаа рыкәашара», «Ашьхарыуаа рыкәашара», иара убас «Аԥсуа ныҳәатә кәашара».

Ансамбль асахьаркыратә напхгаҩы – Беслан Кобалиа. Ахореографцәа – Паата Хубулаа, Каха Цкәитариа, Зука  Џьынџьолиа, Викториа Баркаиа.

Аҟәа. Ԥхынҷкәынмза 23, 2022 шықәса. Аԥсныпресс. Жәлар Реизара-Апарламент аҿы имҩаԥысит аекономикатә политикеи ареформақәеи аинформациатә технологиқәеи рзы Аилак изаамҭанытәиу аилатәара.

Аилак аҟны иалацәажәеит Аԥсны Аҳәынҭқарра Ақалақьргыларатәи аргыларатәи Закәанеидкыла апроект. Ари апроект алацәажәара анаҩс Аилак алахәцәа азыӡба рыдыркылеит абри азакәан апроект Аԥсны Жәлар Реизара-Апарламент изаамҭанытәиу асессиа аилатәара амш азҵаара алаҵаразы, ахԥатәи аԥхьараан адкылара рабжьыргарц.

Иазгәаҳҭаԥ, 2017 шықәса хәажәкырамза 2 аҟнытә Аԥсны Жәлар Реизара-Апарламент Ақәҵарала азыӡба шрыдыркылаз ари азакәан апроект аԥхьарақәа ԥшьба рыҟны рыхаԥшразы. Аҩбатәи аԥхьараан  иара рыдкылан 2017 шықәса хәажәкырамза 2 рзы. 

Аилатәара амш азҵаара инақәыршәаны адепутатцәа ахәаԥшит «Аккредитациазы» азакәан апроект. Уи аззырхиаз ргәаанаграла, ари азакәан адкылара иалнаршоит атауар ашәарҭадареи ахаҭабзиареи ахә ашьара иадҳәалоу аџьармыкьатә еизыҟазаашьақәа акыр анырра анаҭоит.

Аҟәа. Ԥхынҷкәынмза 25, 2022 шықәса. Аԥсныпресс.  Аҟәатәи астадион «Динамо» аҿы 10 - 16 шықәса зхыҵуа ашьапылампыласыҩ қәыԥшцәа рԥышәахгара мҩаԥысит. Зынӡа аԥышәахгара рхы аладырхәуеит 300 – ҩык инарзынаԥшуа аспортсменцәа.

Аԥышәахгара Аҟәа ақалақь аҿы ҩымш имҩаԥыслоит, даҽа мышкы – Гагра ақалақь аҿы. Аԥышәахгара мҩаԥнагоит анаука, амедицина, аспорт аҿиара ацхыраара аҭара иазку икоммерциатәым аиҿкаара «Академия талантов».

Зтехникатә ҟазшьарбақәеи зыццакра-мчратә лшарақәеи иреиӷьу академиақәа рыстандартқәа ирықәшәо аспортсмен қәыԥшцәа зегьы рԥышәахгара аихшьаалақәа рыла инарҭбаау алкаа ҟаҵахоит.

Аҟәа. Ԥхынҷкәынмза 25, 2022 шықәса. Аԥсныпресс.  Гәдоуҭатәи аиқәԥаҩцәа Ԥхынҷкәынмза 23-24 рзы Кисловодск ақалақь аҿы имҩаԥысуаз арԥарцәа рыбжьара иаарту ашықәҿыцтәи атурнир аҿы аԥхьахәтә ҭыԥқәа ааныркылеит, ҳәа адырра ҟанаҵоит аҿари аспорти рзы аҳәынҭқарратә Еилакы.

Азыҟаҵаҩцәа Дауҭ Лазбеи Адам Цәеибеи актәи ҭыԥки аҩбатәи х-ҭыԥки ааныркылеит.

Аҟәа. Ԥхынҷкәынмза 24, 2022 шықәса. Аԥсныпресс. Аԥсны Жәлар Реизара – Апарламент Аиҳабы Лаша Ашәба Приднестровиатәи Молдавиатәи Ареспублика Иреиҳаӡоу Асовет Ахантәаҩы Александр Коршунов Приднестровиатәи Молдавиатәи Ареспублика Аконституциа амш идиныҳәалеит. 

Адныҳәаларатә цҳамҭа аҿы, ахәҭакахьала иазгәаҭоуп:

«Ҳаҭыр зқәу Александр Виктор-иԥа, Аԥсны Жәлар Реизара – Апарламент ахьӡала ишәыдысныҳәалоит Приднестровиатәи Молдавиатәи Ареспублика Аконституциа амш.