Аҟәа. Рашәарамза 11, 2025 шықәса. Аԥсныпресс. Ауаҩы аҳауада дышхәхарҭам еиԥшҵәҟьа, атеатр актирцәагьы агастрольқәа рыда изыҟалаӡом. Ф.А.Искандер ихьӡ зху Аҳәынҭқарратә аурыс драматә театр иахьцахьоу, лаҵарамзазтәи агастрольқәеи агастрольтә спектакльқәеи, абжьааԥнытәи атеатралтә ԥсҭазаареи, иара убас ахәаԥшцәа рылкаақәеи, уҳәа дрыхцәажәеит Аурыс драматә театр (РУСДРАМ) адиректор Хада Иракли Хьынҭәба.

Аҟәа. Рашәарамза 10, 2025 шықәса. Аԥсныпресс. Аԥыза-министр ихаҭыԥуаҩ, аҩныҵҟатәи аусқәа рминистр Роберт Кьиут рашәарамза 10 рзы Автоҳәынҭинспекциа ақалақьтә усбарҭақәеи аҩныҵҟатәи аусқәа араионтә ҟәшақәеи рхатәы еилазаара алархәны аилатәара мҩаԥигеит.  Аилатәара иара убас ихы алаирхәит иарбоу ахырхарҭа ахылаԥшра азҭо аминистр ихаҭыԥуаҩ Беслан Ҷкадуа.

Аҩныҵҟатәи аусқәа Рминистрра анапхгаҩцәеи аинспекторцәеи Автоҳәынҭинспекциа изаамҭанытәиу аусура иалацәажәеит. Аха, аилатәараҿы ишеилкаахаз ала,  ихадоу зҵаараны иқәгылан аилатәара иалахәыз ахатәы еилазаара ргәырҽанӡамкәа имҩаԥгаз ззин ыҟам анаркотикатәи апсихотроптәи амаҭәашьарқәа рыдкыларазы рмедицинатә гәаҭара.

«Шәара иахьа шәнапы иануп адуцәа рыԥсҭазаара еиԥш ахәыҷқәагьы рыԥсҭазаара. Ҳара иахьа амҩақәа рҿы иҳамоу астатистика еиԥш уаҳа даҽа хырхарҭак аҿы иҟаӡам. Рыцҳарас иҟалаз, маҷк арԥсыҽра амҩақәа рҿы ӷәӷәала азинеилагара цәырнагоит. Шәара ижәдыруеит, ааигәаӡа  Аҳәынҭқарра Ахада аминистррақәеи ахылаԥшырҭақәеи, аҩныҵҟатәи аусқәа русбарҭақәагьы уахь иналаҵаны, аусзуҩцәа зегьы ззин ыҟам амаҭәашьарқәа рыдкыларазы рмедицинатә гәаҭара амҩаԥгаразы Аусԥҟа шыҭижьыз», – ҳәа иҳәеит аминистр. Уи иажәа иацҵо хаҭала иареи Беслан Ҷкадуеи зегьы раԥхьа иарбоу агәаҭара ишахысуа, анаҩс иаанхаз зегьы иахысуеит ҳәа иҳәеит.

Аҟәа. Рашәарамза 10, 2025 шықәса. Аԥсныпресс. Ақыҭанхамҩа аминистр аԥснытәи аусдкылаҩцәа гәыԥҩык ицны Очамчыра араион Кындыӷ ақыҭан иҟоу ацха арыцқьареи аихырԥсареи рзы азауад даҭааит. Аҭаара хықәкыс иаман анаплакы изаамҭанытәиу аҭагылазаашьа аилкаареи уи аиҭарҿыцразы иҟаҵатәу аусмҩаԥгатәқәа рылацәажәареи. Абри азы адырра ҟанаҵеит ақыҭанхамҩа Аминистрра апресс-маҵзура.

Беслан Џьопуа аҭыԥантәи аҭыжьыҩцәа адгылара рыҭареи ауааԥсыра рҿы ацха аахәаразы аҭагылазаашьақәа раԥҵареи иамоу аҵакы ахадара азгәеиҭеит.

Аҟәа. Рашәарамза 11, 2025 шықәса. Аԥсныпресс.  Ааекономикатә политикеи ареформақәеи аинформациатә технологиақәеи рзы апарламенттә Еилакы аусуратә еилатәара аҿы «Ареспублика Аԥсны ақалақьргыларатәи аргыларатәи азакәанеидкыла аиҭакрақәа ралагаларазы» азакәан апроект иалацәажәеит.  Азакәанеидкыла аиҭакрақәа ралагаларазы азакәанԥҵаратә аԥшьгара ҟаҵо дықәгылеит Аилак ахантәаҩы Резо Занҭариа.

Аҟәа. Рашәарамза 10, 2025 шықәса. Аԥсныпресс. Ақыҭанхамҩа аминистр аԥснытәи аусдкылаҩцәа гәыԥҩык ицны Очамчыра араион Кындыӷ ақыҭан иҟоу ацха арыцқьареи аихырԥсареи рзы азауад даҭааит. Аҭаара хықәкыс иаман анаплакы изаамҭанытәиу аҭагылазаашьа аилкаареи уи аиҭарҿыцразы иҟаҵатәу аусмҩаԥгатәқәа рылацәажәареи. Абри азы адырра ҟанаҵеит ақыҭанхамҩа Аминистрра апресс-маҵзура.

Беслан Џьопуа аҭыԥантәи аҭыжьыҩцәа адгылара рыҭареи ауааԥсыра рҿы ацха аахәаразы аҭагылазаашьақәа раԥҵареи иамоу аҵакы ахадара азгәеиҭеит.

Аҟәа. Рашәарамза 11, 2025 шықәса. Аԥсныпресс. Афымцадәыӷба  «Диоскурия» лаҵарамзазы иианагеит 17 нызықьҩык апассаџьырцәа, ҳәа адырра ҟанаҵоит Ареспубликатә Унитартә Наплакы «Аԥснытәи аихамҩа».  

Ҳаамҭазтәи урыстәылатәи ԥшьвагонкны ишьақәгылоу афымцадәыӷба ЭП2ДМ Аԥсныҟа раԥхьатәи ареис нанагӡеит лаҵарамза 1 азы.

Афымцадәыӷба ҿыц аушьҭра алыршахеит Аԥсны Аҳәынҭқарра Ахада Бадра Гәынба  Урыстәылатәи Афедерациа Ахада Владимир Путин иахь иҟаиҵаз аҳәара иабзоураны.

Аҟәа. Рашәарамза 11, 2025 шықәса. Аԥсныпресс. Алада Ешыра ақыҭан иҟоу, В.Г.Арӡынба ихьӡ зху абжьаратәи ашкол аҿы ареспубликатә биуџьет ахарџь ала ахәҭакахьалатәи аиҭашьақәыргыларатә усурақәа нарыгӡеит.

Аргыларатә бригада ашкол аҿыԥшыларатә ган дырҿыцит, шьаҭанкыла х-кабинетк еиҭашьақәдыргылеит: адашьма ажәытә ықәхны аҿыц шьҭарҵеит, аҭыӡқәа ршьыхит, иршәит, иҿыцу афымцамҩангагақәа наргеит. Аӡырԥхарҭа еиҭашьақәдыргылеит. Иара убас аспорттә зал аҿы асанеибаркыреи аҽеиҭакырҭақәеи дырҿыцит.  Аспорт зал аиҭашьақәыргылара ахыркәшарахь инеиуеит.

Аҟәа. Рашәарамза 11, 2025 шықәса. Аԥсныпрессс. Рашәарамза 7 рзы Аплошьад Ҟаԥшь аҿы, есышықәса имҩаԥгахо ашәҟәытә фестиваль аҳәаақәа ирҭагӡаны ихыркәшахеит адунеи ажәларқәа Рассамблееи Адунеизегьтәи ашәҟәыҩҩцәа Реиҿкаареи (WOW) алитература-рккаратә усмҩаԥгатәқәа рцикл. Урҭ традициала ишышьақәгылахьоу еиԥш, рхы аладырхәуеит «Москватәи Аԥсуа Диаспореи» «Арҿиаратә ҿар Реидгылареи» алахәыла ҿарацәа.

Аҟәа 11, 2025 шықәса. Аԥсныпресс. Аҳәынҭқарра Ахада Бадра Гәынба Аԥсны Раԥхьатәи Ахада Владислав Арӡынба ихьӡ зху ешыратәи абжьаратәи ашкол даҭааит.

Аҳәынҭқарра Ахада 1992-1993 шш. Аԥсны жәлар Рџьынџьтәылатәи еибашьра  иазку ашколтә музеи аекспонатқәа ибеит.

Бадра Гәынба арҵаҩцәа иҭабуп ҳәа реиҳәеит ас еиԥш амузеи еиҿкааны иахьрымоу азы, насгьы иазгәеиҭеит араҟа еизгоу аекспонатқәа В.Г. Арӡынба Имемориалтә комплекс аҵакыраҿы иргылахо амузеи ҿыц ахь ииаугар шалшо.

Аҟәа. Рашәарамза 10, 2025 шықәса. Аԥсныпресс. Иахьа Москва ақалақь, Жәлар Рынхамҩа Аихьӡарақәа Рцәыргақәҵа (ВДНХ) иҟоу апавилион «Аԥсны» аҿы Ареспублика Аԥсны Амилаҭтә цәыргақәҵатә Центр аҿы ареставрациатә усурақәа рхыркәшареи ахархәарахь аҭареи азҵаара азы аусуратә еиԥылара мҩаԥысит, ҳәа адырра ҟанаҵоит Аԥсны адәныҟатәи аусқәа Рминистрра а-Телеграм-канал.