Аҟәа. Рашәарамза 10, 2025 шықәса. Аԥсныпресс.  Аконкурс “Аԥсны акоманда” афиналист Инал Аргәын ақыҭанхамҩа аминистр ицхырааҩыс дҟаҵоуп.

Инал Аргәын 2015 шықәса рзы қәҿиарала иҵара хиркәшеит Урыстәылатәи аҳәынҭқарратә социалтә Университет аҿы «аменеџьер» изанааҭ ала. Изанааҭтә усура аамҭа иалагӡаны иара  Урыстәылатәи Афедерациа ақыҭанхамҩатә наплакқәа рҿы аԥышәа ду ирҳаит, уи иабзоураны идгалахо аҳәынҭқарратә маҵзура аҿы иҿыцу ахыдҵақәа еффективла рынагӡара илшоит.

Аҟәа. Рашәарамза 10, 2025 шықәса. Аԥсныпресс. Аҳәынҭқарра Ахада Бадра Гәынба иҭижьыз Аусԥҟа ала, астатистика аусхкы аҿы  шықәсырацәа инеиԥынкыланы русуреи зыҩаӡара ҳараку рзанааҭдырреи рзы «Ареспублика Аԥсны зҽаԥсазтәыз астатистика аусзуҩ» ҳәа аҳаҭыртә хьӡы ранашьахеит:

Аҟәа. Рашәарамза 10, 2025 шықәса. Аԥсныпресс. Чита ақалақь аҿы  XII Баикалнҭыҵтәи  жәларбжьаратәи акинофестиваль аркра ацеремониа хыркәшахеит, ҳәа адырра ҟанаҵоит ИА ChitaMedia.

Иреиӷьу асценари азы априз, иара убас ахәаԥшцәа ргәазыҟазаара априз аиуит афильм «Ахаҵеи аԥҳәыси» («Мужчина и женщина»), асценари автор, арежиссиор Владимир Котт, Урыстәыла.

Аҟәа. Рашәарамза 10, 2025 шықәса. Аԥсныпресс. Рашәарамза 12 – 15 рзы Аҟәа ақалақь аҿы, С.Ҷанба ихьӡ зху Аԥсуа драматә театр аҿаԥхьа иҟоу аплошьад аҿы имҩаԥыслоит таитәи абокс азы Иаарту Жәларбжьаратәи атурнир «Гьаргь Аиааирагаҩ Ихраҿа», ҳәа адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы. Аицлабрақәа Аџьынџьтәылатәи еибашьра Дуӡӡа аҿы Аиааира агара Амш 80-шықәса ахыҵра иазкуп.

Аҟәа. Рашәарамза 10, 2025 шықәса. Аԥсныпресс. Аԥсны агәабзиарахьчара аминистр Едуард Быҭәба Шәача имҩаԥысуа Жәларбжьаратәи аконференциа «Абиологиатә шәарҭадара Аглобалтә шәарҭарақәа. Апроблемақәеи аӡбарақәеи» аҿы Урыстәыла ахархәаҩцәа рзинқәа рыхьчареи ауаҩы иеизҳазыӷьареи ахылаԥшразы Афедералтә маҵзура анапхгаҩы, – аҳәынҭқарратә асанитартә ҳақьым хада Анна Попова дылԥылеит.

Аҟәа. Рашәарамза 10, 2025 шықәса. Аԥсныпресс.  Урыстәыла ашәарҭадара Афедералтә Маҵзура аусзуҩцәеи Аԥсны Аҳәынҭқарратә шәарҭадара Амаҵзура аусзуҩцәеи реицхыраарала жәларбжьаратәи аҳаирбаӷәаза «Аҟәа» аҿы имҩаԥгаз арперативтә уснагӡатәқәа ирылҵшәаны даанкылан  1980 шықәсазы ииз Урыстәылатәи Афедерациа атәылауаҩ. Игәҩароу аҳаирбаӷәаза иахьаҵанакуа аус зуа аргыларатә еилазаара анџьнырс дыҟан, ҳәа адырра ҟанаҵоит Аԥсны Аҳәынҭқарратә шәарҭадара Амаҵзура апресс-маҵзура.

Аҟәа. Рашәарамза  9, 2025. Аԥсныпресс. Арҭ амшқәа рзы,  рашәарамза 6 -13, 2025 шықәса рзы, Шәача ақалақь акинемотографиатә ԥсҭазаара иацентрны иҟалеит. Уи иаднакылоит  II Жәларбжьаратәи Евразиа атәылақәа ркино афестиваль «Евразия-Кинофест». 

Ари ахҭыс ду еиднакылеит адунеи 26 тәыла рҟынтәи – Бразилиеи Аладатәи Африкатә Республикеи инаркны Монголиеи Сербиеи рҟынӡа атәылақәа рҟынтәи акинематографистцәеи  акино абзиабаҩцәеи. Иара убри ала акультуратә еимадара азы акыр зҵазкуа аплошьадка аҳасабала Шәача астатус шьақәнарӷәӷәеит.  

Аҟәа. Рашәарамза 9, 2025 шықәса. Аԥсныпресс. Аԥсны апрокурор Хада Адгәыр Агрба аиустициа абжьгаҩ еиҳабы Ҭраԥшь Алиас Леонид-иԥа апрокурор Хада ихаҭыԥуаҩыс иҟаҵаразы азԥхьанагара Апарламент ахь идәықәиҵеит.

Ҭраԥшь Алиас Леонид-иԥа диит цәыббрамза 27, 1990 шықәса рзы Гәдоуҭа ақалақь аҿы.  

2007 шықәсазы Гәдоуҭатәи абжьаратәи ашкол  №4 далгеит. Иара убри ашықәсан дҭалеит Урыстәылатәи Афедерациа атәылахьчара Аминистрра иатәу Арратә  университет, уи далгеит  2012 шықәсазы азанааҭ «Азиндырра» («Юриспруденция») ала.  

Хәажәкырамза 12, 2013 шықәса рзы апрокуратура аусбарҭақәа рахь, Аԥсны арратә прокуратура ахь иадкыларала, азакәанԥҵара апропагандеи асистематизациеи рзы апрокурор Хада ицхырааҩ имаҵураҭыԥ ахь дрыдыркылеит.  

Нанҳәамза 19, 2013 шықәсазы Аԥсны арратә прокуратура ахь иадкыларала, Гәдоуҭа араион апрокурор ицхырааҩыс дҟаҵан.

Рашәарамза 30, 2014 шықәса рзы Апрокуратура Хада Аусеилыргаратә усбарҭа аусеилыргаҩ еиҳабы имаҵураҭыԥ аҿы дшьақәырӷәӷәан.  

Жәабранмза 1, 2016 шықәса рзы Апрокуратура Хада Аусеилыргара аусбарҭа аусеилыргаратә ҟәша аусеилыргаҩ еиҳабыс дҟаҵан.

Ԥхынҷкәынмза 2, 2016 шықәсазы Апрокуратура Хада Аусеилыргара аусбарҭа аусеилыргаратә хәҭа аусеилыргаҩ еиҳабыс дҟаҵан.

Ԥхынгәымза 4, 2018 шықәсмазы  Апрокуратура Хада Аусеилыргара аусбарҭа апрокурор-акриминалистс дҟаҵан.

Нанҳәамза 29, 2019 шықәсазы  Апрокуратура Хада Аусеилыргара аусбарҭа апрокурорс дҟаҵан.

Ԥхынҷкәынмза 27, 2019 шықәса инаркны иахьа уажәраанӡа Аҟәа ақалақь апрокурор ихаҭыԥуаҩыс аус иуеит.

Аҟәа. Рашәарамза 9, 2025 шықәса. Аԥсныпресс. Аԥсны аҵара аминистр Хана Гәынбеи Москватәи Аҳәынҭқарратә жәларбжьаратәи аизыҟазаашьақәы Ринститут (Ауниверситет) (МГИМО) апрофессор, ателедырраҭара «Умницы и Умники» автор, уи амҩаԥгаҩ Иури Виаземскии еиԥылеит.

Аԥсны аҵара аминистр Хана Гәынба Иури Виаземски бзиала шәаабеит ҳәа иаҳәо иазгәалҭеит: «Бзиала шәаабеит Аԥсныҟа. Ҳара гәахәара дула иҳадаҳкылеит шәаара.Шәбара ҳаигәырӷьоит.  Ҳара Шәара абар акыр шықәса инаиԥынкыоаны имҩаԥыжәго ателепроект ахшыҩзышьҭра аҭаны ҳахәаԥшуеит. Ари апроект аҟыбаҩ злоу аҿари абаҩхатәра злоу ашкол аҵаҩцәеи рзы акыр аеффективра злоу, акырӡа зҵазкуа адгылара аинструментны иҟоуп.  Ари аамҭа зегьы иалагӡаны Шәара шәыпроект иабзоураны иаарԥшын хыԥхьаӡара рацәала аҟыбаҩ злоу ахәыҷқәа. Уи, аиашазы акыр зҵазкуа усуп ҳара ҳзы», -ҳәа илҳәеит Хана Гәынба.

Аҟәа. Рашәарамза 9, 2025 шықәса. Аԥсныпресс. Аԥсны Аҳәынҭқарратә ҳазалхратә Еилакы аҳазалхзратә Ҭыԥ «Ԥсоу» азинхьчаратә ҟәшеиҵа аусзуҩцәеи Аҳәынҭқарратә шәарҭадара Амаҵзура Гагра араионтә ҟәша аусзуҩцәеи лаҵарамза  31 рзы иаанкыланы игәарҭеит автомашьына «Мерседес Спринтер». Уи аԥсҟы икын 1982 шықәса рзы ииз  Аԥсны атәылауаҩ Адлеиба Алхас Уарлам-иԥа.