Аҟәа. Нанҳәамза 8, 2024 шықәса. Аԥсныпресс. Нанҳәамза 16 рзы С.Ҷанба ихьӡ зху Аԥснытәи аҳәынҭқарратә драматә театр аҿы ХХІI Амузыкатә фестиваль «Хьыбла Герзмаа шәаалыԥхьоит» аҳәаақәа ирҭагӡаны имҩаԥысраны иҟоуп Аԥсни Урыстәылеи Жәлар рартистка Хьыбла Герзмааи апионинорҳәаҩы Олег Аккуратови инарыгӡо агәыҳалалратә концерт.
Автортә концерттә программа «Џьара ихараны, сгәалашәара аҿы…» («Где-то далеко, в памяти моей…») аҿы инагӡахоит 1940 – 1970-тәи ашықәсқәа рзы иҩыз ашәақәа.
Хьыбла Герзмаа аконцерт ахь абилетқәа рыҭира иаҭныххо аԥаратә хархәагақәа зегьы алимфобласттә леикоз ҳәа изышьҭоу ашьа ачымазара бааԥсы змоу Фридонна Аҩӡба лыхәышәтәразы идәықәылҵоит.
Ахәыҷы ашьахәа атрансплантациеи ахимиотерапиеи дырхысраны дыҟоуп.
Ари аҩыза апрограмма лаҵарамзазы Москва имҩаԥгахьан. Уи қәҿиара дула имҩаԥысит. Олег Аккуратови Хьыбла Герзмааи иара убас алеиб «Мелодиа» аҿы еихьӡылоу апластинка ҭарыҩит.
Аконцерт ахь абилетқәа рҭиуеит Аԥсуа театр акассақәа рҿы, иара убас онлаин абри азхьарԥш ала: https://rusdram.org/theater/performs/66a247c448028d7d541165d4
