Аҟәа. Абҵарамза 30, 2022 шықәса. Аԥсныпресс. Атәыла Анапхгара аҿы ахәыҷы иира азы асоциалтә шәатәқәа реизырҳара азы аӡбамҭа рыдыркылеит.

Ажьырныҳәамза 1, 2023 шықәса инаркны ахәыҷы иира аан, ани аби, ма руаӡәк аус иуазар, 22 000 мааҭ рҟынӡа инаӡо зныктәи аԥаратә цхыраагӡа роуеит, ахәыҷы иҭаацәа аус рымуазар, усҟан иарбоу аԥаратә цхыраагӡа   –  17 000 мааҭ рҟынӡа инаӡоит.

Аҟәа. Абҵарамза 30, 2022 шықәса. Аԥсныпресс.  Аминистрцәа Реилазаара аҿы 2022-2023 шш. ҭагалани аӡыни рзы аԥсыӡкра аамҭа азы аԥсыӡкранхамҩатә усура ахылаԥшра аҭара азы ауснагӡатәқәа рышьақәырӷәӷәара азы Ақәҵара рыдыркылеит.

Аԥсны ақыҭанхамҩа Аминистрра атәыла Анапхгара аҟынтәи 2022-2023 шш. ҭагалани аӡынреи рзы аԥсыӡкра аамҭа азы аԥсыӡкранхамҩатә усуразы аквотақәа разоужьра азы  азин аҭоуп: 

– Акамшьиа акреи аԥсыӡтә шыланы алагареи аԥсыӡшша алхреи  иазку аусура назыгӡо аиуристтә хаҿы змоу Аилазаарақәа ааба (Аҳәаанырцәтәи аинвестициақәа рыла аус зуо Зҭакԥхықәра ҳәаақәҵоу Аилазаара «Хамса», Еилаху Анаплакы «Абхазморпром», Зҭакԥхықәра Ҳәаақәҵоу Аилазаара «БлэкСииФиш», Зҭакԥхықәра Ҳәаақәҵоу аилазаара «Апсыдз Бат и Бек»,  Зҭакԥхықәра Ҳәаақәҵоу Аилазаара Еилаху Анаплакы «Сухумский рыбокомбинат плюс», Зҭакԥхықәра Ҳәаақәҵоу Аилазаара Еилаху Анаплакы «Сухумский рыбокомбинат», Зҭакԥхықәра Ҳәаақәҵоу Аилазаара «Сухумское рыболовецкое хозяйство»,  Зҭакԥхықәра Ҳәаақәҵоу Аилазаара Еилаху Анаплакы «Сухумское рыболовецкое хозяйство N1») (18 аԥсыӡкыгатә ӷбақәа зхы иазырхәо);

 – Аԥсыӡкыгатә ӷбақәа ҩба  рхархәарала аус зуа урыстәылатәи аԥсыӡкратә наплакқәа (урҭ рыцыԥхьаӡа  рҭагӡара 240 регистратә тонн иреиҳамзароуп); 

– Аԥсыӡкыгатә ӷбақәа 10 рхархәарала  аҩныҵҟатәи аџьармыкьа иарбоу аалыҵ ала аиқәыршәара азы аԥсыӡкранхамҩатә усура назыгӡо (акамшьиа, аҵыхәшәыгә акра)  Аԥсны аиуристә хаҿқәеи хазхаҭалатәи ахаҿқәеи аусдкылаҩцәеи.

Аҟәа. Абҵарамза 30, 2022 шықәса. Аԥсныпресс.  Абҵарамза 30 рзы Аԥсны Анапхгара аҳәынҭқарратә хықәкытә Программа «Анхарҭаҭыԥ  - 2025» апроект шьақәнарӷәӷәеит. Уи анагӡара азы аҳәынҭқарратә биуџьеҭ аҟынтәи 180 миллион мааҭ азоужьра азԥхьагәаҭоуп. Иарбоу аԥаратә хархәагақәа реицҵалыҵ 2023, 2024, 2025 шықәсқәа рзы еихшахоит,  есышықәса 60 миллион мааҭ азоужьхалоит.

Апрограмма алахәылацәас иҟалар алшоит:

Аԥсны жәлар рџьынџьтәылатәи еибашьра аҿы ахәрақәа зауз, актәи агәыԥ аинвалидцәа.

Хҩык, ма еиҳаны ахәыҷқәа змоу аҭаацәа;

Ахәыҷы-инвалид, ма дхәыҷы аахыс иинвалиду ахәыҷы ныҟәгатәыс измоу ауаа;

Заби зани зыԥхаз зықәра наӡам ахаҿқәа;

Зани заби зыԥхаз, 18 шықәса инаркны 30 шықәсанӡа зхыҵуа ауаа;

Аҟәа. Абҵарамза 30, 2022 шықәса. Аԥсныпресс.  Аминистрцәа Реилазаара аинформациатә ресурсқәеи адыррақәа реизакқәеи раԥҵара азы ахылаԥшратә кыраамҭатәи ахықәкытә Программа шьақәнарӷәӷәеит.

Апрограмма адыррақәа аус рыдулара азы Аҳәынҭқарратә Центр аԥҵареи аинформациатә шәарҭадара азы аспециалистцәа разыҟаҵареи азԥхьагәанаҭоит. Апрограмма ахықәкы хадақәа иреиуоуп аҳәынҭқарратә информациатә  ресурсқәеи адыррақәа реизакқәеи реиқәыршәареи рыҵәахреи рхархәареи, иара убас рыхьчреи иазку Иаку асистема аԥҵара.

Апрограмма  ахықәкы хадақәа иреиуоуп:

Аҟәа. Абҵарамза 30, 2022 шықәса. Аԥсныпресс. Аминистрцәа Реилазаара «2022 шықәсазы Аԥсны Атәанчаҩратә Фонд абиуџьеҭ азы» Азакәан аиҭакрақәа ралагалара иақәшаҳаҭхеит.

Аусшәҟәы адгалара мҩаԥигеит Афонд ахантәаҩы Денис Гәылариа.

«Аиҭакрақәа ралагалара афонд ахашәалахәқәеи ахарџьқәеи хазы игоу апараметрқәа ркорректировка ахымԥадатәра иадҳәалахеит», – ҳәа иҳәеит Денис Гәылариа.  

Аҟәша «Абиуџьетбжьаратәи аиҭаҵрақәа» ала аицҵалыҵ 140 млн. мааҭ рҟынтәи 160 млн. мааҭ рҟынӡа ашьҭыхра азы адгалара ҟаҵоуп.  Иарбоу 20 млн. мааҭ еиуеиԥшым акатегориақәа ирыҵанакуа атәанчаҩцәа ахәцҵақәа рызшәара ахь идәықәҵахоит.  

Иара убас 37 млн.  118 нызықь мааҭ рыла аҟәша «Асоциалтә политика» ала ахарџьқәа  рыцҵара азы адгалара ҟаҵоуп.

«2022 шықәса жәымз ирылагӡаны иахыԥхьаӡалоуи ииагоуи атәанчахәқәеи ахәцҵақәеи реицҵалыҵқәа, иара убас ишәамкәа иаанханы иҟаз атәанчхәқхеи ахәцҵақәеи реицҵалыҵ ашәареи  ранализ ишаҳнарбаз ала, иарбоу аҟәша хазы игоу апунктқәа рыла ахарџьқәа реизҳара ахымԥадатәра шьақәгыланы иҟоуп», – ҳәа иазгәеиҭеит Денис Гәылариа.

Аҟәа. Абҵарамза 30, 2022 шықәса. Аԥсныпресс. Аминистрцәа Реилазаара ашықәсҿыцтәи аныҳәақәа рзы Аԥсны иахьаҵанакуа амзаҵлақәеи аԥсаҵлақәеи рыԥҟареи, иара убас адац змам аԥсаҵлақәа Урыстәылатәи Афедерациа аҟынтәи раагареи рзы ақәиҭымтәра алагалара азы Ақәҵара рыдыркылеит.

Абнатә нхамҩа азы аҳәынҭқарратә Усбарҭа, аекологиа азы аҳәынҭқарратә Еилакы, аҩныҵҟатәи аусқәа Рминистрра агәырҵлақәа рыхьчара арӷәӷәареи, Иаку аҳәынҭқарратә абнатә фонд иахьаҵанакуа, апаркқәа, аскверқәа рҿы аԥсаҵлақәа хаҳәатәала аԥҟареи изакәанымкәа рыҭиреи рыԥхьырҟәҟәаареи рзы адҵа рыҭоуп.

Аҟәа. Абҵарамза 30, 2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа, Кәыҵниа Алхас Алеқсеи-иԥа Урыстәылатәи Афедерациа иҟоу аҷыдалкаатә зинмчы змоу Аԥсны Аҳәынҭқарра Ацҳаражәҳәаҩыс иҟаҵара азы Аусԥҟа инапы аҵаиҩит.  

Аҟәа. Абҵарамза 30, 2022 шықәса. Аԥсныпресс. Аминистрцәа Реилазаара «Аԥсны Аҳәынҭқарреи Шьамтәылатәи Арабтәи Ареспубликеи рыбжьара наҟ-ааҟ ахәаахәҭратә Хаҭарнакрақәа раартра азы Аиқәшаҳаҭра» анапаҵыҩра азы аиҿцәажәарақәа рымҩаԥгара азы Ақәҵара рыдыркылеит.

Аиқәшаҳаҭра апроект адгалара мҩаԥылгеит аԥыза-министр ихаҭыԥуаҩ, аекономика аминистр Кристина Озган.  

«Ахәаахәҭратә Хаҭарнакрақәа раартра Аԥсны Аҳәынҭқарреи Шьамтәылатәи Арабтәи Ареспубликеи хазхаҭалатәи ахаҿқәеи аиуристтә хаҿы змоуи рзинқәа акала иаԥырхаганы иҟалаӡом, уи аҩганк реизыҟазаашьақәа рыҿиара иазкхоит, ахәҭакахьала, ахәаахәҭра-економикатәии анаука-техникатәии  усеицура амҩаԥгара  иадҳәалоу аиқәшаҳаҭрақәа рыбжьаҵареи рынагӡареи иазкуп.  

Аҟәа. Абҵарамза 29, 2022 шықәса. Аԥсныпресс.  Аԥсны аҩныҵҟатәи аусқәа рминистр ихаҭыԥуаҩ Беслан Ҷкадуа амҩатә шәарҭадара иазкны аусуратә еилатәара мҩаԥигеит. Аминистрра аҟны имҩаԥысуаз аилатәара ахь ааԥхьара рыҭан  аҩныҵҟатәи аусқәа русбарҭақәа атерриториалтә ҟәшеиҵақәа зегьы Аҳәынҭқарратә автоинспекциа аҟәшақәа рнапхгаҩцәа.

Аҩныҵҟатәи аусқәа Рминистрра асаит аҿы иҟоу адыррақәа рыла, аполковник Беслан Ҷкадуа иҳаҩсыз аԥшьарамшқәа раан аҭыԥ змаз амҩатә-транспорттә хҭысқәа рызҵаара дазааҭгылеит.  Амҩақәа рҿы амашәыртә хҭысқәа рыҟалара иадҳәалоу аҭагылазаашьа  азы адырра ҟаиҵеит аҩныҵҟатәи аусқәа Рминистрра аҳәынҭқарратә автоинспекциа Аусбарҭа анапхгаҩы Баҭал Агрба.

«Ҳазҭоу ашықәс азы аҳәынҭқарратә автоинспекциа аусура арӷәӷәареи амҩатә-транспорттә хҭысқәа рыпрофилактика иҳараку арбагақәеи шыҟоугьы, Аҳәынҭқарратә автоинспекциа аусура еиҳаны аусура арӷәӷәара ахымԥадатәны иҟалеит», - ҳәа иазгәеиҭеит Беслан Ҷкадуа.

Аминистр ихаҭыԥуаҩ ишазгәеиҭаз ала, раԥхьаӡа иргыланы, амҩатә ԥҟарақәа реилагара иацуп авариашәарҭаратә хҟьаԥҟьақәа, уи амашьына арццакра мыцхәы аизырҳара, ижәны, ма арҩышьыгатә маҭәашьар рыдкыланы амашьына аԥсҟы акра ауп.

Аҟәа. Абҵарамза 28, 2022 шықәса. Аԥсныпресс. Агәыҳалалратә форум «Хра злоу аусқәа раамҭа» аусура актәи амш азы урыстәылатәи аспециалистцәа аусмҩаԥгатәқәа ҩба мҩаԥыргеит. Актәи аусмҩаԥгатә мҩаԥысит аҟәатәи аспорттә школ аҿы. Араҟа аспорттә ҳақьым   Вадим Другови ареабилитолог  Пиотр Зелински-Баирони Аԥсны ашколқәа абҩарҵәыра арҵаҩцәа рзы амастер-класс мҩаԥыргеит.

Автономтә икоммерциатәым аиҿкаара  «Физическая реабилитация» (Санкт-Петербург)  адиректор Екатерина Клочкова  «Москва Аҩны» аҿы атема: «ахәыҷтәы дабла чымазареи зымаха-зышьаха аҿиараҿы хыԥхьаӡара рацәала  еиуеиԥшым апроблемақәа змоу ахәыҷқәа рымаха-шьахатә реабилитациа амҩаԥгара. Ҳаамҭазтәи азнеишьа» ала  асеминар мҩаԥылгеит.