Аҟәа. Хәажәкырамза 7, 2025 шықәса. Аԥсныпресс. Аҟәа ақалақь,Тарас Шамба ихьӡ зху апарк аҿы Аџьынџьтәылатәи еибашьра Дуӡӡа аҿы Аиааира агара Амш 80-шықәса ахыҵра азгәаҭара иазку жәларбжьаратәи акциа «Агәалашәара абаҳча» аҳәаақәа ирҭагӡаны Аԥсны Афырхацәа раллеиа ашьаҭа ркит.

Зынӡа еиҭарҳахеит 80-шьапы рҟынӡа азеиҭынҵла, афотиниа, аосмантус, акамелиа, акаллистемон ҵлақәа. Аллеиа Аџьынџьтәылатәи еибашьра Дуӡӡа аҿы иҭахаз афырхацәа ргәалашәара иазкуп.

Аусмҩаԥгатә ихы алаирхәит Аԥсны Ахада инапынҵақәа назыгӡо Бадра Гәынба. Уи еизаз дрыдныҳәало Аџьынџьтәылатә еибашьра Дуӡӡа алахәылацәа ргәалашәара аиқәырхара аҵак ду шамоу азгәеиҭеит:

«Раԥхьа иргыланы ишәыдысныҳәалоит Аџьынџьтәылатәи еибашьра Дуӡӡа аҿы Аиааира агара Амш 80-шықәса ахыҵра. Ари аибашьра иалахәын Асовет Еидгылаҿы аҭынчра ахьчара зхы ақәызҵаз Аԥсны ауааԥсыра. Иахьа ҳара урҭ ргәалашәара ҳацуп, зыбзоурала аринахысгьы аҿиареи аизҳазыӷьареи ҳалшо аибашьцәа дуқәа рыхьӡқәа ҳахьчоит», — ҳәа инаҵшьны иазгәеиҭеит Бадра Гәынба.

Иара еизаз иргәалаиршәеит Аԥсны иалҵыз 22-ҩык Асовет Еидгыла Афырхаҵа ҳәа иаҳараку ахьӡ шранаршьаз.

Аҳәынҭқарра Ахада Урыстәылатәи Афедерациа анапхгара Аԥсны ишьақәыргылоу асовет солдатцәа рфырхаҵара анаунагӡатәра иазку аобиектқәа реиҭашьақәыргылара аганахьала иҟанаҵаз адгылара азы иҭабуп иҳәеит. Иара иазгәеиҭеит иарбоу ацхыраара иабзоураны Лаҵарамза 9 рзы амемориалтә комплексқәа зегьы шеиҭашьақәыргылахо.  

Владислав Ардӡынба ихьӡ зху Аҳәынҭқарратә Арратә Ахьӡ-Аԥша амузеи адиректор Мзиа Беииа, 2025 тәи ашықәс акыр зҵазкуа арыцхә ала иалкаахоит, ари ашықәс азы Аџьынџьтәылатәи еибашьра Дуӡӡа аҿы Аиааира агара Амш – 80-шықәса ахыҵра азгәарҭоит ҳәа инаҵшьны иазгәалҭеит.  Асовет жәлар усҟан иаадырԥшыз афырхаҵара, ахацәнымырхара, агәаӷьра ҳаамҭазтәи еиԥш еиҵагылараны иҟоу абиԥарақәа рзы хра злоу ҿырԥшыганы иҟалоит ҳәа илҳәеит.

Аҟәа. Хәажәкырамза 9, 2025 шықәса. Аԥсныпресс. Хәажәкырамза  9 рзы Аҟәа ақалақь аҿы Аҳәынҭқарратә хьчара Амаҵзура аиҵбыратә гәыԥ аспециалистцәа разыҟаҵара ацентр ахь ҿыц арра инанагаз аруаа рырратә ҭоуба ашьҭаҵара иадҳәалаз аныҳәатә усмҩаԥгатә мҩаԥысит, ҳәа адырра ҟанаҵоит Аԥсны Аҳәынҭқарратә хьчара Амаҵзура апресс-маҵзура.

Асолдаҭцәа Рыԥсадгьыл аҿаԥхьа аҭоуба ашьҭаҵара ацеремониа ихы алаирхәит Аҳәынҭқарратә хьчара Амаҵзура аштаб аиҳабы Алхас Жьиба.

Аҟәа. Хәажәкырамза 8, 2025 шықәса. Аԥсныпресс. Аԥсны иҟоу Урыстәыла аус ацура азы Ахаҭарнакра аусзуҩцәа аволонтиорцәа рыцырхырааны аҳәса Жәларбжьаратәи аҳәса Рымшныҳәа – Хәажәкырамза – 8 рыдырныҳәалеит.

Жәларбжьаратәи аҳәса Рымш – аҳәса есымша иҳарҭо агәыблреи ақьиареи агәцаракреи амчи ахшыҩи ртәы ҳгәалазыршәо акыр зҵазкуа ныҳәоуп. Уи зегьы иҳабжьнагоит аҳәса анреи адгылареи агәцаракреи рыла иаадырԥшуа афырхаҵара азы ҳаҭыр рықәҵара шхымԥадатәиу. Абри аныҳәамш ауп изызкыз акциа «Шәара шәзы, бзиа иаабо!”

Аҟәа. Хәажәкырамза 8, 2025 шықәса. Аԥсныпрсс. Хәажәкырамза 8 рзы Аԥсны аҿари аспорти русқәа рзы Аҳәынҭқарратә Еилки Аҟәа ақалақь Ахадара аҿари аспорти русқәа рзы Аусбарҭеи Аԥсны ашахматқәа Рфедерациеи адгыларала имҩаԥысит традициала еиҿкаахо Ареспубликатә ахәыҷтәы реитингтә шахматтә еицлабрақәа «Алашара – иқәыԥшу агәыӷрақәа!».

Аҟәа. Хәажәкырамза 8, 2025 шықәса. Аԥсныпресс. Аԥсны аԥызаа-министр Владимир Делба аҳәса Хәажәкырамза 8 аныҳәа рыдиныҳәалеит.

Адныҳәалара аҿы, ахәҭакахьала иазгхәаҭоуп:

«Ҳаҭыр зқәу аҳәса! Ишәыдышәкыл Хәажәкырамза 8 азы адныҳәаларақәа!

Аҟәа. Хәажәкырамза 8,2025 шықәса. Аԥсныпресс. Аԥсны Аҳәынҭқарра Ахада ин.н. Гәынба Бадра Хәажәкырамза 8 -Жәларбжьаратәи аҳәса рымш азы адныҳәалара ҟаиҵеит.

Акыр иаԥсоу ҳанацәа, ҳахәшьцәа!

Гәык-ԥсык ала ишәыдысныҳәалоит ааԥын ныҳәамш - Жәларбжьаратәи аҳәса рымш! Абри аҽны даҽа аамҭанык еиԥшымкәа, гәыла-ԥсыла, ҳаҭырла  ҳрыдныҳәалоит рҟәыӷаразы, ргәыбылразы, рыразразы акыр иаҳзаԥсоу ҳанацәа, ҳахәшьцәа, ҳҩызцәа.

Аҟәа. Хәажәкырамза 8, 2025 шықәса. Аԥсныпресс. Лаша Ашәба Хәажәкырамза 8 – Аҳәса рымш азы адныҳәалара ҟаиҵеитАԥсны Жәлар Реизара – Апарламент Ахантәаҩы Ашәба Лаша Хәажәкырамза 8 – Аҳәса рымш азы аҳәса дрыдныҳәалеит.

Адныҳәалараҿы, ахәҭакахьала иазгәаҭоуп:

Акыр иаԥсоу ҳанацәа, ҳаҳәшьцәа, ҳҩызцәа!

Аҟәа. Хәажәкырамза 7, 2025 шықәса. Аԥсныпресс. Аԥсны аԥыза-министр инапынҵақәа назыгӡо Владимир Делба аԥыза-министр ихаҭыԥуаҩ, атәыла атранспорти афымцамчи рминистр инапынҵақәа назыгӡо Џьансыхә Нанбеи Ареспубликатә Унитартә Наплакы «Аԥсны Аихамҩа» адиректор Хада Арсоу Ҷыҭанааи  алархәны аусуратә еилатәара мҩаԥигеит.

Аиԥылара иалахәыз акурорттә аамҭахәҭа алагара инамаданы Аԥснытәи Аихамҩа аусура аиӷьтәра алыршареи лаҵарамза  1, 2025 шықәса инаркны афымцадәыӷба «Ласточка» Шәачантәи Аҟәаҟа аушьҭреи ирыдҳәалоу азҵаарақәа ирылацәажәеит.   

Аҟәа. Хәажәкырамза 7, 2025 шықәса. Аԥсныпресс.  Аԥсны Нхыҵ Уаԥстәылеи ҳаамҭазтәи апоетцәа ражәеинраалақәа наҟ-ааҟ аԥсышәалеи ауаԥс бызшәалеи еиҭагахоит. Абри азы Аинформациатә Маҵзура «ТААС» аинтервиу аҭо илҳәеит Залина Басиева.

«Ари Нхыҵ Уаԥстәыла ашәҟәыҩҩцәа Реидгылеи Ареспублика вмилаҭтә газеҭ «Аԥсны» арадактор Хада Ахра Анқәаби еицынарыгӡо апроект ауп.  Ҳаамҭазтәи ауаԥс поетцәа рырҿиамҭақәа аԥсшәахь еиҭагахоит, ахәҭакахьала аԥсуа рҿиамҭақәа – ауаԥс бызшәахьы», - ҳәа илҳәеит лара.

Аҟәа. Хәажәкырамза 7, 2025 шықәса. Аԥсныпресс.  Қырҭтәыла аизыҟазаашьақәа рҭышәынтәаларазы уажәы аку уашьҭан аку, аха уеизгьы Аԥсны азханаҵароуп, ишакәхалакгьы ҳгәылацәа реалла иҟоу аҭагылазаашьа рыдыркылар акәхоит». Абас ТАСС аинтервиу аҭо   иҳәеит ҿыц Аԥсны Ахадас иалырхыз Бадра Гәынба

«Қырҭтәыла акәзар, ҳәарада аԥсуа-қырҭуатә еизыҟазаашьақәа рыӡбаразы ихымԥадатәны иҟоу Қырҭтәыла Аԥсны азхаҵареи, иара убас амч ахархәара мап ацәкра азы азакәантә усшәҟәқәа рнапаҵыҩреи ашьҭахь мацара ауп ианзалыршахо. Ҳара еилаҳкаар ахәҭоуп, Қырҭтәыла аиашазы ас еиԥш ашьаҿақәа рыҟаҵара ишазхиоу. Иахьа аума уаҵәы аума ҳгәылацәа реалла иҟоу аҭагылазаашьа рыдыркылар акәхоит», - ҳәа иҳәеит иара.