Акомиссииа анапхгаҩы, Ареспублика Аԥсны адгьылхархәареи акадастри рзы Аҳәынҭқарратә усбарҭа анапхгаҩы Адамыр Аҳәба аԥыза-министр инагӡаз аусуразы адырра ииҭеит.

Анапхгарабжьаратәи акомиссиа ажьырныҳәамза 1, 2020 шықәса инаркны ԥхынҷкәынмза  31, 2023 шықәсанӡа адгьылтә ҵакырахәҭақәа рыҭара аҭагылазаашьақәа рынагӡара азы агәаҭаратә усмҩаԥгатәқәа мҩаԥнагеит.   

Имҩаԥгаз аусуразы инарҭбаау аҳасабырба, адгьылхархәаҩцәа рыбжьара аихшарала ирыҭаз адгьылтә ҵакырахәҭақәа зегьы изаамҭанытәиу ахархәаразы адыррақәагьы уахь иналаҵаны, Аҳәынҭқарра Ахада иахь инашьҭуп.