Аҟәа. Абҵарамза 22, 2025 шықәса. Аԥсныпресс.  Аԥсны Анаукақәа Ракадемиа аекономикеи азини Ринститут аҿы абҵарамза 21 азы имҩаԥысит аинститут актәи адиректор, аекономикатә наукақәа рдоктор, Анаукақәа Ракадемиа академик, апрофессор Заур Иван-иԥа Шьалашьаа игәалашәара иазкыз аихшьаалатә наукатә сессиа.

Анаукатә сессиа аалыртит аинстит адиректор  Фатима Камкиа.

Аҟәа. Абҵарамза 23, 2025 шықәса. Аԥсныпресс. Аҟәа араион Басла ақыҭа Ахадара ԥыхьатәи аусҳәарҭаа ахыб аԥсахра иадҳәалаз аиҭашьақәыргыларатә усурақәа хыркәшахеит.

Аҟәа. Абҵарамза 22, 2025 шықәса. Аԥсныпресс. Иахьа, абҵарамза 22 рзы,  Аԥсны урыстәылатәи аинтернет-проект «СВОИ» аестафета  аднакылеит. Аҟәа ақалақь агәаҿы иаатит уаанӡа Шәача ақалақь аҿы ицәыргаз еихьӡылоу еиҭаҵуа аекспозициа, ҳәа адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы апресс-маҵзура.

Апроект архив аҿы еизгоуп 2,5 нызықь инареиҳаны Урыстәыла зегьы аҟынтәи аҭоурыхқәа – уи афырхаҵара, ашьҭибахара, аидгылара, амилаҭбжьаратәи аиҩызара, уҳәа 80 шықәса ирылагӡаны абиԥарак аҟынтәи даҽа биԥарак ахь ииасуа аҵак дуқәа ирызку ажәабжьқәа роуп. Аекспозициа Алада Кавказтәи Нхыҵ-Кавказтәи афедералтә округқәа рҿы, иара убас Аԥсны инхо ауааԥсыра рҭоурыхқәа алалеит.

Аҟәа. Абҵарамза 23, 2025 шықәса. Аԥсныпресс. Аԥснытәи акоманда Аԥсны адомино Афедерациа Раԥхьатәи апредизент  Артур Габуниа игәалашәара иазку апрофессионалтә домино азы  Жәларбжьаратәи атурнир акомандатә зшьа аҿы актәи аҭыԥ ааннакылеит. Абри азы адырра ҟанаҵоит Аԥсны аҿари аспорти русқәа рзы аҳәынҭқарратә Еилакы. Акоманда аилазаараҿы иҟан Алмас Габуниа, Инал Аргәын, Саид Ашәбеи Инал Какобеи.

Аҩбатәи аҭыԥ аҿы  игылоуп - Венесуела акоманда.

Ахԥатәи аҭыԥ ааннакылеит аԥсуа команда. Уи аилазаараҿы иҟан Сандро Ҳаразиа, Гәыдиса Кобахьиа, Георги Кьышьмариеи Аинар Ԥлиеи.

Хаҭалатәи азшьа аҿы актәи аҭыԥ ааникылеит Хоакин Мартинес (Доминикана), аҩбатәи аҭыԥ ааникылеит Гектор Оспино (Венесуела), ахԥатәи аҭыԥ ааникылеит Аинар Ԥлиа (Аԥсны),  аԥшьбатәи аҭыԥ ааникылеит Саид Ашәба (Аԥсны), ахәбатәи аҭыԥ – Клаудио Урибе (Доминикана).

Хазы игоу аҳамҭала аџьшьара лыҭан Маги Круз (Еиду Америкатәи Аштатқәа) – уи аҳәса рыбжьара иреиӷьу аспортсменка ҳәа далкаахеит.

Аицлабрақәа мҩаԥысуан Афон Ҿыц ақалақь аҿы абҵарамза 21 – 23 рзы. Зынӡа урҭ рхы аладырхәит  Венесуела,   Доминикатәи ареспублика,  Аԥсны, Пуерто-Рико, Еиду Америкатәи Аштатқәа, Аԥсны рҟынтәи  80 – ҩык инарзынаԥшуа аспортсменцәа.

Атурнир аԥхьахәтә фонд –  3 млн. мааҭ рҟынӡа инаӡоит.   

Аҟәа. Абҵарамза 21, 2025 шықәса. Аԥсныпресс. Сандро Аџьынџьал — иԥсадгьыл гәакьа Аԥсны аԥшӡара иазышәаҳәо ажәеинраалақәа зыҩуа апоет қәыԥш иоуп.

Аԥснытәи аҳәынҭқарратә университет аушьҭымҭа, иара аҭоурыхтә факультет далгеит, аха игәаҵаҿы есымша алитературатә рҿиаразы аҭыԥ ыҟан.

2016 шықәсазы иҭыҵит уи раԥхьатәи иажәеинраалақәа. Убри нахыс иара икалам иҵыҵит атематикала  еиуеиԥшым ажәеинраалақәа жәпакы. 2020 шықәсазы абаҩхатәра злоу апоет зхыԥша дуу урыстәылатәи алитературатә премиа «Поэт года» аиуразы дықәдыргылеит. Ари ахҭыс аҳаҭыр азы иҭыжьын еихьӡылоу альманахқәа. Урҭ Сандро Аџьынџьал иажәеинраалақәагьы анылеит.

Аҟәа. Абҵарамза 21, 2025 шықәса. Аԥсныпресс. Амультфильм «Ампахьшь-шана» аԥхьарбара мҩаԥысуеит иахьа Аҳәынҭқарратә филармониа аҿы.

Абызшәатә политика азы Аҳәынҭқарратә усбарҭа ахантәаҩы, апоетесса Гәында Кәыҵниа Аԥсныпресс акорреспондент диҿцәажәо амультфильм аус адулара шымҩаԥысуаз атәы еиҭалҳәеит.

Ампахьшь шана иахҳәаау алакә лара Гәында Кәыҵниа лхаҭа илыҩит. 2012 шықәсазы «Ампахьшь-шана» акьыԥхь абеит.

Амультфильм ахронометраж – 12 минуҭ иҟоуп. Амультфильм арежиссиор – Џьамбул Жорданиа. Еиуеиԥш аԥшшәқәа зныԥшуа ари амультфильм асахьақәа аԥсы рхарҵоит амультипликатор, асахьаҭыхыҩ  Асҭамыр Кәыҵниа  инапы ҟазақәа, амультфильм иацу амузыка уи аинтереси ахшыҩҵаки аҵаны иҟанаҵоит. Аперсонажцәа абжьы рхаҵара нарыгӡеит апрофессионалтә актирцәа, урҭ рхыԥхьаӡараҿы дыҟоуп  Сырбеи Сангәылиа.

Аҟәа. Абҵарамза 21, 2025 шықәса. Аԥсныпресс. Урыстәыла аҳәынҭқарра Ахада иҟны иҟоу агрантқәа Рфонд адиректор хада Илиа Чукалин ихантәаҩрала абҵарамза 18 рзы имҩаԥысыз аексперттә хеилак аилатәара аҿы  аконкурс «Аԥсны арҿиаҩцәа» аҿы аиааира згаз алкаахеит.

Нанҳәамза 7, 2025 шықәса рзы Аԥсны Аҳәынҭқарра Ахада Бадра Гәынбеи Урыстәылатәи Афедерациа Ахада Иусбарҭа анапхгаҩы актәи ихаҭыԥуаҩ Сергеи Кириенкои ихацдыркыз  аконкурс ахь зынӡа Ареспублика Аԥсны араионқәа зегьы рҟынтәи инашьҭын 186 проект.

Аҟәа. Абҵарамза 23, 2025 шықәса. Аԥсныпресс. Иахьа Диузџьа ақалақь аҿы имҩаԥысит Ҭырқәтәыла иҟоу Аԥсуа культуратә хеилакқәа рфедерециа Аизара ду. Аизара ду аҟны Афедерациа ахада ҿыцс далхын Иауз Аҭрышба. Уи икандидатура адгылара арҭеит Аизара иалахәыз аделегатцәа реиҳараҩык. Иауз Аҭрышба Аԥсны Аџьынџьтәылатә еибашьра далахәын.

Аԥсны Аҳәынҭқарра Ахада  Гәынба Бадра ҭелла  Аҭрышбба Иауз идиныҳәалеит Афедерациа анапхгаҩыс иалхра, изеиӷьеишьеит ақәҿиарақәа ҳауаажәлар рхаҭарнакцәа инапы ианырҵаз аус анагӡараҿы. Абри азы адырра ҟанаҵоит Аҳәынҭқарра Ахада ипресс-маҵзура. 

Аҟәа. Абҵарамза 21, 2025 шықәса. Аԥсныпресс. Ахьӡ-Аԥша апарк аҿы Аџьынџьтәылатәи еибашьраан хабарда ибжьаӡыз ргәалашәаа аллеиа аадртит.

Акциа мҩаԥнагеит «Аԥсны анацәа аҭынчреи асоциалтә иашареи рзы» анацәа рхеилак.

Аҟәа. Абҵарамза 21, 2025 шықәса. Аԥсныпресс. Абҵарамза 2 рзы аполеоботаник, абиологиатә наукақәа ркандидат, Жәларбжьаратәи аботаникатә еилазаареи Европазегьтәи аполеоботаникатә еилазаареи рлахәыла Алеқсандра Константин-иԥҳа  Шьаҟрыл (20.11.1925 – 22.12.2009) диижьҭеи шәы-шықәса ҵит.

Уи лира Амш аҽны Чачба имҩала игылоу,  лара дахьынхоз аҩны аҿы амемориалтә ӷәы шьақәдыргылеит.