Аҟәа. Цәыббрамза 22, 2022 шықәса. Аԥсныпресс. Цәыббрамза 20 рзы Аԥснытәи аҳәынҭқарратә музеи аконференц-зал аҟны «Аԥсны ҳаамҭазтәи адунеи аҟны: ақәыӷәӷәареи ашәарҭареи» ҳәа атема ала астол гьежь  мҩаԥысит. Уи Аԥсны Анаукақәа Ракадемиа аԥҵара  25 - шықәса ахыҵра инамаданы  имҩаԥысуа аусмҩаԥгатәқәа рҳәаақәа ирҭагӡаны ААР ала еиҿкаахеит.

Аконференциа аҿы ихадоу ажәахәқәа хԥа ирыԥхьеит. «Ҳаамҭазтәи аԥсҭазаара еиҿкаашьа аконтекст аҿы Аԥсны агеополитикатә ҭагылазаашьа» атема ала ажәахә даԥхьеит афилологиатә наукақәа рдоктор, апрофессор, Аԥсны Анаукақәа Ракадемиа академик, Аԥсны Аҳәынҭқарра Ахада иҟны иҟоу астратегиатә ҭҵаарақәа Рцентр аиҳабы Виачеслав Чыркба. Аполковник, атәылахьчара Аминистрра арратә зыҟаҵара Аусбарҭа аиҳабы Давид Бжьаниа  ажәахә «Аԥсны арратә шәарҭадара: ашәарҭарақәа, ақәмақаррақәа, апроблемақәа» даԥхьеит.  «Аԥсни Урыстәылеи рекономикатә еизыҟазаашьақәа Аԥсны амилаҭтә економика амодернизациа афактор аҳасабала»  атема ала ажәахә даԥхьеит  аекономикатә наукақәа рдоктор, апрофессор, Аԥсны Анаукақәа Ракадемиа аекономикеи азини Ринститут адиректор Заур Шьалашьаа.

Аҟәа. Цәыббрамза 22, 2022 шықәса. Аԥсныпресс.  Цәыббрамза  28  инаркны жьҭаарамза  2 аҟынӡа Аҟәа ақалақь аҟны 1992-1993 шш. Аԥсны Аџьынџьтәылатәи еибашьра аҿы Аиааира агара азгәаҭара инамаданы, ахацәа-аветеранцәа ркомандақәа рыбжьара амҵәышәмпыл азы Иааарту атурнир мҩаԥыслоит, ҳәа иаанацҳауеит Аԥсны аҿари аспорти русқәа рзы аҳәынҭқарратә Еилакы апресс-маҵзура.

Атурнир аҿы аԥсуа спортсменцәа реиԥш рхы аладырхәраны иҟоуп урыстәылатәи ақалақьқәа Новосибирск, Волгоград, Ростова-на-Дону, Черкесск, Новороссиск, Славианск-на-Кубани, Ессентуки рҟынтәи аспортсменцәагьы.

Аҟәа. Цәыббрамза 22, 2022 шықәса. Аԥсныпресс. Аҳәынҭқарра Ахада Ашәарҭадара амаҵзура аилатәара мҩаԥигеит.

Иахьа имҩаԥысит Аԥсны Аҳәынҭқарра  Ахада Аслан Бжьаниа хантәаҩра ззиуаз  Ашәарҭадара амаҵзура аилатәара. Аилатәараҟны иалацәажәеит ишьақәгылаз  адәныҟаполитикатә ҭагылазаашьа уадаҩ инамаданы, ареспублика ашәарҭадара азҵараа.

Аҳәынҭақарра Ахада дазыӡырҩит Аԥсны Аҳәынҭқарра Арбџьар мчқәа рыштаб Хада Аиҳабы, Атәылахьчара аминистр актәи ихаҭыԥуаҩ Васили Лунев иажәахә. Уи  иуадаҩхаз  аҭагылазаашьаҿы арбџьар мчқәа реидкылара иазкын.

Аҟәа. Цәыббрамза 21, 2022 шықәса. Аԥсныпресс.  Атуристтә аамҭахәҭа абжьакӡаратә еихшьаалақәа рыҟаҵара иазкын атәыла атуризм аминистр Ҭеимураз Хьышба атуризм Аминистрра  аситема иаҵанакуа аҳәынҭқарратә унитартә наплакқәа рдиректорцәа алархәны имҩаԥигаз аусуратә еилатәара. Абри атәы аанацҳауеит атуризм Аминистрра апресс-маҵзура.

Аилатәара рхы аладырхәит Апансионатқәа Реидгылара «Акурорт Пицунда» адиректор Фрикан Гәынба, Афонҿыцтәи аҳаԥы Акомплекс адиректор ихаҭыԥуаҩ Дамеи Смыр, апансионат «Аиҭар» адиректор Ҭемыр Адлеибеи амилаҭтә туристтә Еилазаара «Атурист»  адиректор Руслан Кокосқьериа, иара убас атуризм аминистр ихаҭыԥуаҩцәа  Дмитри Занҭариеи Асҭамыр Барцыци.

Аҟәа. Цәыббрамза 20, 2022 шықәса. Аԥныпресс.  Аԥсны Аҳәынҭқарра Ахада Аслан Бжьаниа Алан Гаглоев Аахыҵ-Уаԥстәылатәи Асоветтә Демократиатә Республика аҳәынҭқарратә суверенитет азы Адекларациа адкылара амш идиныҳәалеит.

Адныҳәаларатә шәҟәы аҿы ахәҭакахьала иазгәаҭоуп:

Ҳаҭыр зқәу Алан Едуард-иԥа,

Ҳаҭырқәҵарала сшышәзыҟоу азгәаҭаны, Аахыҵ- Уаԥстәыла Ареспублика ажәлар зегьы нашәыдкыланы, гәык-ԥсык ала ишәыдысныҳәалоит Аахыҵ-Уаԥстәылатәи Асоветтә Демократиатә Республика аҳәынҭқарратә суверенитет азы Адекларациа адкылара ҟалеижьҭеи 32 шықәса аҵра.

1990 шықәса цәыббрамза 20 аҳәынҭқарра аҭоурых аҟны акырӡа зҵазкуа рыцхәуп, ажәлар рфырхаҵареи ракреи символра рзыруеит.

Аҟәа. Цәыббрамза 20, 2022 шықәса. Аԥсныпресс. Шәачатәи амилаҭтә парк аҿы алышькьынтыр ацгәыԥшқақәа ҩба ахьӡқәа роуит.

«Алышькьынтыр ацгәыԥшқақәа руак иахьӡырҵеит Терек. Уи Нхыҵ Кавказ иҟоу зегьы раасҭа иԥшӡоу, адуу аӡиас ахьӡ ауп. Аԥсны иҟоу иблахкыгоу аӡиа иаҵәа Риҵа ахьӡала ахьӡ арҭеит егьи ацгәыԥшқа, - ҳәа Ҟәбинатәи ажәабжьқәа рахь адырра ҟарҵеит  Кавказ алышькьынтырқәа рпопулиациа аиқәырхара Ацентр аҟынтәи.

Алышькьынтыр ацгәыԥшқақәа ран ахылаԥшра бзиа рынаҭоит. Урҭ ргәы бзиоуп, ргәалаҟазаарагьы  зеиӷьаҟам ала иҟоуп, активла ихәмаруеит, рааигәа-сигәа иҟоу зегьы ирызҿлымҳауп, аволиерқәа ртерриториа ҭырҵаауеит, ран алаԥш рхуп. Цәыббрамзазы Ацентр аспециалистцәа арҭ ацгәыԥшқақәа рыкапан гәарҭеит. Урҭ фба-фба кьыла рҟынӡа иҟоуп.

Аҟәа. Цәыббрамза 20, 2022 шықәса. Аԥсныпресс. Аԥсны Аҳәынҭқарра агәабзиарахьчара аминистр Едуард Быҭәба Москваҟа иусуратә ҭаара аҳәаақәа ирҭагӡаны, Афедералтә ҳәынҭқарратә биуџьеттә усбарҭа                       «Академик Е.И. Чазов ихьӡ зху Амилаҭтә медицинатә ҭҵаарадырратә акардиологиатә центр» адиректор хада, Урыстәылатәи Афедерациа Анаукақәа Ракадемиа академик Анатоли Боицов диԥылеит.

Едуард Быҭәбеи Анатоли Боицови Аԥсны ауааԥсыра агәы-датә чымазарақәа рганахьала амедицинатә цхыраара рыҭара аганахьала аусеицуразы еиқәшаҳаҭхеит.  Ацентр аҳақьымцәа аԥснытәи рколлегацәа аконсультативтә цхыраара рыҭара иазхиоуп, ателемедицина алшарақәа рхархәаралагьы уахь иналаҵаны.

Аҟәа. Цәыббрамза 20, 2022 шықәса. Аԥсныпресс. Урыстәылатәи Афедерациа Иҷыдоу аҭагылазаашьақәа рзы Аминистрра иатәу аҳәынҭқарратә былрацәыхьчаратә маҵзура Академиа аҿы аҵара иахысуа ааҩык аԥснытәи акурсантцәа аҭоуба шьҭарҵеит. Ацеремониа мҩаԥысуан Москва ақалақь, ҳәа адырра ҟанаҵоит Аԥсны Иҷыдоу аҭагылазаашьақәа рзы Аминистрра апресс-маҵзура.  

Акурсантцәа рахь иҟаиҵаз адныҳәаларатә шәҟәы аҿы Аԥсны Иҷыдоу аҭагылазаашьақәа рминистр Лев Кәыҵниа ас еиԥш акыр зҵазкуа ахҭыс рыдныҳәало имариам раԥхьаӡатәи рзанааҭтә мҩа аҿы аихьӡарақәеи ақәҿиарақәеи рзеиӷьаишьеит.

Аҟәа. Цәыббрамза 20, 2022 шықәса. Аԥсныпресс.  Ахәылбыҽха, цәыббрамза 19 рзы Аҟәа ақалақь, Кольцеваиа амҩала игылаз ацхыраагӡатә хыбра амца акит, ҳәа адырра ҟанаҵоит Аԥсны Иҷыдоу аҭагылазаашьақәа рзы Аминистрра апресс-маҵзура.

Амцакразы адырра Иҷыдоу аҭагылазаашьақәа рзы Аминистрра аԥыԥшырҭатә пункт ахь иҟалеит асааҭ 20 рзы. Амцарцәаҩцәа иаразнак ала амцакра ахьыҟалаз аҭыԥ ахь инеины амца арцәара рылдыршеит.

Аҟәа. Цәыббрамза 19, 2022шықәса. Аԥсныпресс. Аԥсны Аҳәынҭқарра Ахада Аслан Бжьаниа Аԥсны Аҳәынҭқарраҟны иҟоу Урыстәылатәи Афедерациа ахәаахәҭратә хаҭарнак Залина Кобесова дидикылеит.

Ҳазҭоу ашықәс цәыббрамза 1 азы змаҵура анагӡара иалагаз Залина Кобесова аԥсшәа лаҳәо, аҳәынҭқарра Ахада иҳәеит лыҵшәа змоу аусура дшазыԥшу.

«Агәра згоит аекономикатә хырхарҭақәа рыла ҳусеицура акырӡа ишеиӷьхо.  Ҳаизыҟазаашьақәа рырҿиараҿы адгылара ҟаҳҵалоит», - иаҵшьны иҳәеит Аслан Бжьаниа.