Аҟәа. Хәажәкырамза 31, 2023 шықәса. Аԥсныпресс. Урыстәылатәи Афедерациа Аԥсны Аҳәынҭқарреи Аахыҵ Уаԥстәылатәи Ареспубликеи ганрацәала ацхыраара рынаҭалоит, арҭ аҳәынҭқаррақәа рыжәларқәа хатәгәаԥхарала иалырхыз, жәларбжьаратәи азин ала ишьаҭарку Урыстәыла ахь аинтеграциа арӷәӷәара анагӡара адгылара аҭара иацнаҵоит. Абри атәы азгәаҭоуп ахәаша, хәажәкырамза 31 рзы Урыстәылатәи Афедерациа Ахада Владимир Путин ишьақәирӷәӷәаз Урыстәылатәи Афедерациа адәныҟатәи аполитика аконцепциа ҿыц аҿы.
Урыстәылатәи Афедерациа иара убас Аԥсны Аҳәынҭқарреи Аахыҵ Уаԥстәылатәи Ареспубликеи Урыстәыла аимабзиаратә еизыҟазаашьақәа зыбжьоу аҳәынҭқаррақәа – Евразиатәи Аеконоикатә Еидгылара алахәылацәа, Ихьыԥшым Аҳәынҭқаррақәа Реиҩызара иалоу атәылақәа, иара убас Урыстәылатәи Афедерациа аганахьала аконструктивтә политика назыгӡо аҿиара иаҿу аҳәынҭқаррақәа рсоциал-економикатә ҿиара хадара злоу ахшыҩзышьра аҭарала, жәларбжьаратәи рыҿиара адгылара аҭара иазхиоуп.
