Аҟәа. Жәабранмза 11, 2025 шықәса. Аԥсныпресс. Урыстәылатәи Афедерациа агәабзиарахьчара Аминистрра аҟны иҟоу ахәыҷқәа ргәабзиара ахьчаразы Амилаҭтә медицинатә ҭҵаара-дырратә Центр адгыларала Аԥсны раԥхьаӡа акәны, жәабранмза  12, асааҭ 9 инаркны аԥснытәи ашколхәыҷқәа рдиспансеризациа мҽхакы ҭбаала амҩаԥгара иалагоит, ҳәа агәабзиарахьчара Аминистрра аҿы имҩаԥгаз абрифинг аҿы адырра ҟаиҵеит Аԥсны агәабзиарахьчара аминистр инапынҵақәа назыгӡо Едуард Быҭәба.

Уи иажәақәа рыла, Урыстәылатәи Афедерациа агәабзиарахьчара Аминистрра аҟны иҟоу ахәыҷқәа ргәабзиара ахьчаразы Амилаҭтә медицинатә ҭҵаара-дырратә Центр аҟынтәи иаахьеит Аԥсныҟа 10-ҩык аспециалистцәа: ахәыҷтәы  уролог-андролог, ахәыҷтәы хирург, аневролог, аотоларинголог, аофтальмолог, апсихиатр, аендокринолог, апедиатр, аультрабжьытә диагностика аспециалист, акардиолог.

Аҟәа. Жәабранмза 11, 2025 шықәса. Аԥсныпресс. Алхрақәа рымҩаԥгара аҽазыҟаҵара иазкын Аҳәынҭқарра Ахада инапынҵақәа назыгӡо Валери Бганба имҩаԥигаз аилатәара.

Алхратә комиссиа Хада ахантәаҩы Дмитри Маршьан иҟаиҵаз адыррақәа рыла, жәабранмза 14 – 15 ауха алхрақәа рымш аҽны иаатуа  35 округ рахь абиуллетеньқәа нагахоит.  

АКХ ахантәаҩы иажәақәа рыла, адокументқәа зегьы аҭыԥхадатә комиссиақәа рхантәаҩцәа ирыҭахоит, дара, ахәҭакахьала, доусы ручасткақәа рҿы еихыршоит.

«Уи жәабранмза 14 – 15 ауха имҩаԥыслоит. Иахәҭоу аусшәҟәқәа зегьы ахьышьҭаҵахо 35 округ аҭыӡҭыԥқәа азинхьчаратә усбарҭақәа ирыҭахоит урҭ рыхьчара алыршаразы», – ҳәа адырра ҟаиҵеит Дмитри Маршьан.

Жәабранмза 14 инаркны аҩныҵҟатәи аусқәа Рминистрра ирӷәӷәоу аусура арежим ахь ииасуеит, ҳәа иазгәеиҭеит атәыла аҩныҵҟатәи аусқәа рминистр Роберт Киут.

«Зынӡа аус рулоит 940-ҩык инарзынаԥшуа  аҩныҵҟтәи аусқәа Рминистрра аусзуҩцәа, урҭ рахьынтә  717-ҩык алхырҭаҭтә ҭыԥқәа рахь еихшахоит, 223-ҩык –  арезерв аҿы иаанхоит», – ҳәа иҳәеит аминистр.    

Амилициа аусзуҩцәа аучасткақәа рҿы азинеиҿкаара ахылаԥшра арҭалоит, иара убас ашәҟәқәа ииазго алхратә комиссиа алахәылацәа мҩаԥыргалоит.

Алхратә ҭыԥхадақәа рааигәара иҟоу араионқәа рҿы аҩныҵҟатәи аусқәа Рминистрра аппарат Хада ахатәы еилазаара аҟынтәи иназыцҵоу амчқәа радыԥхьалара аҳасабала аҷаԥшьаратә нариадқәа рхыԥхьаӡара иацҵоуп. Амилициа аусдҵауаа ашьыжь асааҭ 7 инаркны алхратә ҭыԥқәа зегьы рҿы абжьыҭиреи абиуллетеньқәа рыԥхьаӡареи хыркәшахаанӡа аус рулоит. 

«Анаҩс ҳара абиуллетеньқәа Алхратә комиссиа Хада ахь анагара ашәарҭадара еиқәҳаршәоит», - ҳәа иҳәеит Роберт Киут.

Аҩныҵҟатәи аусқәа Рминистрра аусзуҩцәа иара убас Урыстәылатәи Афедерациа алхратә ҭыԥқәа рахь идәықәҵахоит. Дара абиуллетеньқәа рытранспортировка иацзаауеит.

Аҟәа. Жәабранмза 11, 2025 шықәса. Аԥсныпресс. Аԥсны Арбитражтә ӡбарҭа ԥхынҷкәынмза 6, 2024 шықәса рзы Зҭакԥхықәра Ҳәаақәҵоу Аилазаара Еилаху Анаплакы «Аҟәатәи Аӡфымцатә Станциа» (ООО СП «Сухум-ГЭС») Аҟәа араион Ахадара аганахьала Аҟәа араион аҿы Аҟәатәи Аӡфымцатә Станциа аҟынтәи астанцеиҵа «Аҟәа – 1» («Сухум-1») аҟынӡа зхаҳәатәала иргылаз, 19,6 км. рҟынӡа инаӡо, зымчхара 110 кВт рҟынӡа инаӡо афымцамҩангага ацәаҳәа ахатәра азхаҵара азы иаланаҵаз азыҳәара ала азыӡба аднакылеит. Аӡбарҭа иарбоу афымцамҩангагатә цәаҳәа Зҭакԥхықәра Ҳәаақәҵоу Аилазаара Еилаху Анаплакы «Аҟәатәи Аӡфымцатә Станциа» (ООО СП «Сухум-ГЭС») ахатә мазараны азхаҵара азы аӡбамҭа аднакылеит.

Аӡбаратә усеилыргара ахԥатәи ахаҿы иаҳасабала ахатә дҵақәыргыларада иадыԥхьалан Ареспубликатә унитартә Наплакы «Амшынеиқәафымцамч».

Аҟәа. Жәабранмха 11, 2025 шықәса. Аԥсныпресс. Аминистрцәа Реилазаара аҿы имҩаԥысит ахәыҷра аполитика аганахьала актуалра злоу азҵаарақәа рылацәажәара иазкыз аусуратә еиԥылара.

Аиԥылара ихы алаирхәит Аҳәынҭқарра Ахада инапынҵақәа назыгӡо Валери Бганба. Ахәыҷы изиқәа рыхьчаразы Азинмчы змоу Мактина Џьынџьалԥҳа, иара убас Ахәыҷы изинқәа рыхьчаразы Азинмчы змоу Иусбарҭа азиндырҩы  Екатерина Лиаховецкаиа.

Аиԥылара аҿы аиҳарак ахшыҩзышьҭра аҭан абарҭ азҵаарақәа:

– Афымцалашарала аиԥҟьара аныҟоу аамҭазы аҵареи анхареи рҭагылазаашьақәа арманшәаларазы ашкол-интернатқәа адизельтә генераторқәа рыла реиқәыршәара.

Аҟәа. Жәабранмза 11, 2025 шықәса. Аԥсныпресс. Зыхьӡ нагоу аспортсменцәа Михаил Чачба ихьӡ зху гәдоуҭатәи ахәыҷтәы-қәыԥштә спорттә школ ааӡамҭацәа, ақәԥаҩ ҿарацәа рзы амастер-класс мҩаԥыргеит. Гәдоуҭаҟа иааит Урыстәыла зҽаԥсазтәыз аспорт азҟаза, Европа хынтә ачемпион, адунеи хәынтә ачемпион, аолимпиатә чемпион, зхы иақәиҭу аиқәԥара азы Урыстәыла еизгоу акоманда азыҟаҵаҩ хада Хаджимурат Гацалов, абырзен-аурымтә қәԥара азы Урыстәыла аспорт азҟаза, Европа ачемпион, аолимпиатә чемпион, Ҟабарда-Балкариатәи Ареспублика Апарламент аспорт азы акомитет ахантәаҩы Мурат Карданов, абырзен-аурымтә қәԥара азы Урыстәыла аспорт азҟаза, Европа хынтә ачемпион, аолимпиатә чемпион  Асланбек Хуштов.

Аҟәа. Жәабранмза 11, 2025 шықәса. Аԥсныпресс. Алхратә комиссиа Хада ахантәаҩы Дмитри Маршьан Ашәарҭадара Ахеилак алахәылацәа жәабранмза 15 рзы имҩаԥысраны иҟоу Аҳәынҭқарра Ахада иалхрақәа ишазыҟаҵоу азы адырра риҭеит.

Аҟәа. Жәабранмза 12, 2025 шықәса. Аԥсныпресс.  Урыстәылатәи Афедерациа агәабзиарахьчара Аминистрра аҟны иҟоу ахәыҷқәа ргәабзиара ахьчаразы Амилаҭтә медицинатә ҭҵаара-дырратә Центр адгыларала Аԥсны раԥхьаӡа акәны, Аҟәатәи 10-тәи Ашьхарыуаа рышкол ала ашколхәыҷқәа рдиспансеризациа мҽхакы ҭбаала амҩаԥгара иалагеит. Аԥсны агәабзиарахьчареи аҵареи рминистрцәа рнапынҵақәа назыгӡо Едуард Быҭәбеи Инал Габлиеи адиспансеризациа шымҩаԥысуа рыблала ирбарц азы Аҟәатәи ашьхарыуаа рышкол №10 иаҭааит.

Аҟәа. Жәабранмза 12, 2025 шықәса. Аԥсныпресс. Апеспубликатә Унитартә Наплакы «Аԥснытәи аҳәынҭқарратә абылтәытә еилазаара» аусура азы аинформациа аларҵәара инамаданы Аԥсны аекономика Аминистрра адырра ҟанаҵоит:

«2020 шықәса инаркны  2023 шықәса анҵәамҭанӡа Аминистрра ахаҭарнакцәа Аԥсны аԥыза-министр 27.07.2020ш. иҭижьыз  Аҳәынҭқарратә Еилазаара «Аԥсныбылтәы» анефтҵәахырҭа аҿы анефт аалыҵқәа зинда рыиагара алмыршара азы ауснагӡатәқәа реиҿкаара азы» Ақәҵара № 70-р анагӡаразы  Ешыра ақыҭан иҟоу анефтҵәахырҭа аҿы инеиԥынкыланы аинвертаризациақәа ирылахәхон, адебитортә уал аларҟәра аганахьала аус  анагӡара мҩаԥысуан.

Аҟәа. Жәабранмза 12, 2025 шықәса. Аԥсныпресс. Аҳәынҭқарра Ахада инапынҵақәа назыгӡо Валери Бганбеи атәыла аԥыза-министр актәи ихаҭыԥуаҩ, афымцамчи атранспорти рминистр инапынҵақәа назыгӡо Џьансыхә Нанбеи Арбитражтә ӡбарҭа Аҟәа араион аҿы Аҟәатәи Аӡфымцатә Станциа аҟынтәи астанцеиҵа «Аҟәа – 1» («Сухум-1») аҟынӡа зхаҳәатәала иргылаз, 19,6 км. рҟынӡа инаӡо, зымчхара 110 кВт рҟынӡа инаӡо афымцамҩангага ацәаҳәа аҳәынҭқарратә мазараны азхаҵара азы иаднакылаз аӡбамҭа иадҳәалоу аҭагылазаашьа иалацәажәеит. Валери Бганба иазгәеиҭеит иара Аԥсны афымцамчи атранспорти Рминистрра ала Ареспубликатә Унитартә Наплакы «Амшынеиқәафымцамч» шьаҭанкылатәи аинвентаризациа амҩаԥгаразы  Ақәҵара инапы шаҵаиҩыз.  

«Хымԥада еилкааны ишьақәыргылатәуп «Амшынеиқәафымцамч» абаланс аҿы иҟоу зегьы, уи астатус зеиԥшроу. Рыцҳарас иҟалаз, ҳара иахьа иаабоит иарбоу аусбарҭа апозициақәак ацәыӡра ишаҿу. Араҟа зыӡбахә ҳамоу атәыла аенергетикатә шәарҭадара ауп. Ареспубликатә Унитартә Наплакы «Амшынеиқәафымцамч» аҿы аусқәа реиҿкаареи рҭышәынтәалареи ахәҭаны иҟоуп», –  ҳәа иҳәеит  Валери Бганба.

Џьансыхә Нанба Аминистрра ала аусмҩаԥгатәқәак мҩаԥгоуп, урҭ рылҵшәақәа рзы аофициалтә ҳасабырба адгалара жәабранмза  10 рзы имҩаԥган ҳәа адырра ҟаиҵеит.

«Ҳара шәҟәыла Шәара адырра шәаҳҭеит имҩаԥаагаз ауснагӡатәқәа рзы, уи зегьы аусшәҟәқәа рыхкьыԥхьқәа рыла ишьақәҳарӷәӷәеит. Аҟәатәи Аӡфымцатә Станциа аҟынтәи астанеиҵа Аҟәа-1 («Сухум-1) аҟынӡа инагоу афымцамҩангагатә цәаҳәа (ЛЭП 110 кВт)  ахатә мазарахь аиагара азы Арбитражтә ӡбарҭа аӡбамҭа аҟазаара инамаданы акәзар, иазгәаҭатәуп афымцамчи атранспорти Рминистрра аҿы уи азы адырра ҳәа акагьы шыҟамыз. АУН «Амшынеиқәафымцамч» ахаҭарнакцәа роума Аҟәа араион Ахадара аума, аӡәгьы имҩаԥысуаз аӡбаратә усеилыргара азы ҳара адырра ҳаимҭаӡеит», – ҳәа иҳәеит Џьансыхә Нанба. 

Арбитражтә ӡбарҭа аӡбамҭа атәы анеилаҳкаа афымцамчи атранспорти Рминистрра аофициалтә усшәҟәы – аӡбарҭа азыӡба зну атекст, иара убас иарбоу аӡбаратә усеилыргара иадҳәалоу егьырҭ аофициалтә усшәҟәқәа раиуразы аӡбарҭа ахь азыҳәамҭа дәықәнаҵеит.

Аҟәа. Жәабранмза 12, 2025 шықәса. Аԥсныпресс. Ареспублика Аԥсны аҿари аспорти рзы Аҳәынҭқарратә  Еилаки Урыстәыла Аҳәынҭқарра Ахада иплатформа «Урыстәыла – алшарақәа ртәылеи» аусеицуразы аиқәшаҳаҭра рыбжьарҵеит.

Адокумент рнапы аҵарҩит Аҳәынҭқарратә Еилакы ахантәаҩы ихаҭыԥуаҩ Беслан Қарчааи «Урыстәыла – алшарақәа ртәыла» адиректор хада, анаԥхгараҭаратә ҟазарҭа «Сенеж» аректор Андреи Бетини.

Аиқәшаҳаҭра рыбжьарҵеит Урыстәылатәи Афедерациеи Аԥсны Аҳәынҭқарреи ртәылауаа еиуеиԥшым аусхкқәа рҟны асоциалла реизҳара ацхраара, апроектқәеи аԥшьгамҭақәеи рыдгылара, иара убас аусмҩаԥгатәқәеи, аицлабрақәеи, апроектқәеи реиҿкаареи рымҩаԥгареи, урҭ рлахәылацәа рымҩақәҵареи рзы.

«Ҳара хықәкыс иҳамоуп ҳҿар ҿиаларц – анаука, арҿиара, аҟазара, аҵарадырра, аспорт, уҳәа еиуеиԥшым ахырхарҭақәа рҿы рбаҩхатәра аадырԥшларц, рхы иадырхәаларц, уи азы иреиӷьу аҭагылазаашьақәа рзаԥҵара ҳазхиоуп.  Уи ҳхықәкы хадақәа иреиуоуп. Агәра ганы сыҟоуп, Ареспублика Аԥсны аҿари аспорти рзы Аҳәынҭқарратә  Еилаки Урыстәыла Аҳәынҭқарра Ахада иплатформа «Урыстәыла – алшарақәа ртәылеи» аусеицуразы ирыбжьарҵаз аиқәшаҳаҭра иАԥсны аҟыбаҩ злоу аҿар алархәны иҿыцу апроект шьахәқәа рынагӡара азы иҿыцу алшарақәа шцәырнаго», – ҳәа аиқәшаҳаҭра анапаҵыҩра дахцәажәо иазгәеиҭеит аҿари аспорти русқәа рзы Аҳәынҭқарратә Еилакы ахантәаҩы Ҭарашь Ҳагба.