Урыстәылатәи аделегациа ахадараҿы дыҟан Аладатәи аҳазалхратә Усбарҭа аиҳабы актәи ихаҭыԥуаҩ Евгени Долги, аԥснытәи аган – Аҳәынҭқарратә ҳазалхратә Еилакы ахантәаҩы ихаҭыԥуаҩ Анана Гогохьиа.
Аусуратә еиԥылараҿы азҵаарақәа жәпакы ирылацәажәеит, акуроррттә аамҭахәҭазы аҳазалхратә маҵзурақәа русура аихшьаалақәа рыҟаҵарагьы уахь иналаҵаны, аҳазалхратә операциақәа рынагӡареи Арепсублика Аԥсны иалҵны импорт ҳасабла Урыстәылаҟа идәықәҵахо ашәыр-уҭраҭыхтә аалыҵ аҳазалхратә хылаԥшра аҭареи иадҳәалоу аунагӡатәқәа ирыхәаԥшит. Аԥхынтәи аамҭахәҭазы аусура аихшьаалақәа рыла, еиҳа ақәыӷәӷәара змаз аамҭазы урыстәыла-аԥснытәи аҳәаа уахыки-ҽнаки рыла иахысуан 12,7 нызықь рҟынӡа атранспорттә хархәагақәа, асезон зегьы иалагӡаны (лаҵарамза инаркны жьҭаарамзанӡа) зынӡа аҳәаа иахысит 1,5 млн. атранспорттә хархәагақәа. Иааизакны 2025 шықәса инаркны –2 млн. атранспорттә хархәагақәа.
Урыстәылатәи аган ала аԥыԥшратә аиҭакқәа рыштаттә хыԥхьаӡара ашьҭыхразы, агәаҭара ацәаҳәақәа рҿы атранспорт аиасра даҽаџьара азырхара, егьврҭ аҳәынҭқарратә ахылаԥшратә усбарҭақәа аус рыцура, уҳәа ианаамҭаз имҩаԥгаз аусмҩаԥгатәқәа ирыбзоураны Аԥсни Урыстәылеи ирыбжьоу аҳәынҭқарратә ҳәаа аҿы аиасратә ҭыԥқәа русура иадҳәалоу аҭагылазаашьа аҭышәынталара алыршахеит ҳәа иазгәаҭан.
Аиԥылараҿы ҷыдала ахшыҩзышьҭра аҭан аимпорт ҳасабла Ареспублика Аԥсны иалганы Урыстәылаҟа инашьҭхо ашәыр-уҭраҭыхтә аалыҵ агәаҭареи ашәҟәҭагалареи рызҵаара.
«Аигәыларатә ҳәынҭқаррқәа рыбжьара еиҳа-еиҳа аҿиара иаҿу ахәаахәҭра-економикатә еизыҟазаашьақәа рконтекст аҿы еиԥҟарада аҳазалхратә еиқәыршәареи аҳәаа иахысуа атауарқәеи атранспорттә хархәагақәеи ргәаҭара азы аҩганк инарыгӡо ауснагӡатәқәа ҷыдала аҵак ду амоуп, – ҳәа инаҵшьны иазгәеиҭеит Шәачатәи аҳазалхырҭа аиҳабы Иван Бурлака. – Аамҭа-аамҭалатәи адиклорациа амҩаԥгара, аԥыԥшратә аиҭакқәа амаҵурауаа рыла рырӷәӷәара, егьырҭ ахылаԥшратә усбарҭақәа аус рыцура алыршара аҳазалхратә гәаҭара амҩаԥгара аамҭа акыр иаркьаҿуеит, убри аан уи аеффективра иахәҭоу аҩаӡараҿы ааныжьра алнаршоит».
Аԥсны Аҳәынҭқарратә ҳазалхратә Еилакы ахаҭарнакцәа урыстәылатәи аҳазалхыҩцәа аиҳарак урыстәылатәи аџьармыҟьа иазырханы идәықәҵахо ашәыр-уҭраҭыхтә аалыҵ аҳазалхратә гәаҭареи аиқәыршәареи рганахьала иҳараку аҩаӡара аҿы аусура аиҿкаара азы иҭабуп ҳәа рарҳәеит.
Иахьазы Аԥснынтәи Урыстәылаҟа идәықәҵоуп 1,5 нызықь тонн рҟыӡа ацитрусттә шәырқәа, уи иҳаҩсыз ашықәс аиԥш-зеиԥшу аамҭахәҭа арбагақәа 2-нтә иреиҳауп. Активла егьи аалыҵ алагалахоит – афеихоа (500 тонна), ахәырма (77 тонна), алимонқәа (50 тонна), араса (54 тонна). Зынӡа Урыстәылаҟа идәықҵахеит 2 нызықь тонна иреиҳаны аалыҵ.
Аиԥылара иалахәыз Аԥсны иаадрыхуа ақыҭанхамҩа аалыҵ ахкқәеи амҽхаки рзы адыррақәа, аагаҩцәа хадацәа, ахәԥсатә политика, уҳәа ахылаԥшрақәа русура аҿы максималла ацхыраара алзыршо егьи аинформациа ала аимадара алыршара иалацәажәеит.
Аилатәара аихшьаалақәа ҟаҵо, уи иалахәыз аҩганк ирыбжьаҵаз аиқәшаҳаҭрақәа зегьы аҳәаа иаԥну аҳазалхратә маҵзурақәа русеицура арӷәӷәара, аҳазалхратә операциақәа рырццакреи роптимизациеи ишацхраауа азы агәаанагараҿы еиқәшаҳаҭхеит. Подводя итоги совещания, участники выразили общее мнение, что достигнутые договорённости будут способствовать укреплению сотрудничества приграничных таможенных служб, ускорению и оптимизации таможенных операций. https://yutu.customs.gov.ru/news/document/663502 Прочитано 147 раз. Последнее изменение 03.11.2025.
Источник: https://apsnypress.info/ru/home/novosti/item/17981-tamozhennye-sluzhby-rossii-i-abkhazii-obsudili-voprosy-sotrudnichestva.
© АПСНЫПРЕС
