Иҳаҩсыз амчыбжь иалагӡаны Урыстәыла Иҷыдоу аҭагылазаашьақәа рзы Аминистрра аспециалистцәа гәыԥҩык Аԥсны зегьы иахьҵанакуа аус руан. Урыстәылатәи аспециалистцәа ареспублика иахьаҵанакуа Аԥсны Иҷыдоу аҭагылазаашьақәа рзы Аминистрра араионтә ҟәшеиҵақәа иаҭааит, аԥснытәи рколлегацәа есыҽнытәи русура иазҿлымҳан, иахәаԥшит абылра-цәыхьчаратә ҟәшақәа ртехникатә ҭагылазаашьа зеиԥшроу, ашьха иаԥну аҭыԥқәеи амшыни рҿы аусура иаҵоу аҷыдарақәа еилыркааит, - ҳәа адырра ҟанаҵоит Аԥсны Иҷыдоу аҭагылазаашьақәа рзы Аминистрра апресс-маҵзура.
«Инарҭбаау апрофессионалтә анализ аҩганк рҟынтәи аԥсеиқәырхаҩцәа иҷыдоу аҭагылазаашьақәа рыԥхьырҟәҟәаареи рыхҟьаԥҟьақәа рықәгареи рзы аусура аиӷьтәра азы конкретла аԥхьа инагӡатәу ауснагӡатәқәа ралкаара азы аҭагылазаашьа рнаҭеит», - ҳәа иазгәаҭоуп адырраҭара аҿы.
