Аҟәа. Мшаԥымза 25, 2025 шықәса. Аԥсныпресс.  Аԥсны амчратә усбарҭақәа Рассоциациа аҩныҵҟатәи аусқәа Рминистрреи Иҷыдоу аҭагылазаашьақәа рзы Аминистрреи аҵара Аминистрреи рыцхыраарала Очамчыра ақалақь аҿы ашәарҭадаразы аинтерактивтә урок мҩаԥнагеит.  

Ашколхәыҷқәа лабҿаба ирбеит есыҽны дара ршәарҭадара зыхьчо ауаа аус шыруа атәы.

Аҟәа. Мшаԥымза 25, 2025 шықәса. Аԥсныпресс.  Аԥсны амчратә усбарҭақәа Рассоциациа аҩныҵҟатәи аусқәа Рминистрреи Иҷыдоу аҭагылазаашьақәа рзы Аминистрреи аҵара Аминистрреи рыцхыраарала Очамчыра ақалақь аҿы ашәарҭадаразы аинтерактивтә урок мҩаԥнагеит.  

Ашколхәыҷқәа лабҿаба ирбеит есыҽны дара ршәарҭадара зыхьчо ауаа аус шыруа атәы.

Аҟәа. Мшаԥымза 25, 2025 шықәса. Аԥсныпресс. Гагра ақалақь аҿы хҩык аботулизм рыдырбалеит.

Асанитар-епидемиологиатә Маҵзура заанаҵтәи адыррақәа рыла, ичмазаҩхаз ауаа ирфаз амшынаалыҵ рԥырхагахеит, ҳәа адырра ҟанаҵоит Аԥсны агәабзиарахьчара Аминистрра апресс-маҵзура.  

Аботулизм ҳәа адиагноз ззықәыргылаз хҩык ауаа Шәачатәи иҷыдоу амедусбарҭақәа рахь идәықәҵахеит. Урҭ иахәҭаз амедицинатә цхыраара рыҭахеит, уажәазы дара илрҩаахьеит, рҭагылазаашьа шәарҭаӡам. Уаҳа аботулизм иадҳәалоу ахҭысқәа аарԥшӡам.

Аҟәа. Мшаԥымза 25, 2025 шықәса. Аԥсныпресс. Ҟарачы-Черқесстәи Ареспублика Ахада Рашид Темрезов Ареспублика Аԥсны ҳамҭас иаиҭеит ирласу амедицинатә цхыраара амашьына.

Аԥсны анапхгара аӡбамҭа ала агәабзиарахьчара аминистр Едуард Быҭәба ари амашьына Гәдоуҭа араион ақыҭақәа руааԥсыра рымаҵ аура азы иазоуижьит.

Аҟәа. Мшаԥымза 25, 2025 шықәса. Аԥсныпресс. Аҟәа ақалақь аҿы Аԥсни Урыстәылеи рыбжьара ҩ-тәылауаҩрак амазаара азҵаарақәа рҭышәныртәаларазы Аиқәшаҳаҭра ашьақәырӷәӷәаразы ашәҟәқәа реимдареи ашьақәырӷәӷәаратә шәҟәқәа реимдареи рзы Аԥкаанҵа анапаҵаҩра мҩаԥысит.

Аҟәа. Мшаԥымза 25, 2025 шықәса. Аԥсныпресс. Аԥсны Аҳәынҭқарра адәныҟатәи аусқәа рминистрра астратегиатә усеицура аҟәша аиҳабы Џьемал Бганба аҳәамҭа ҟаиҵеит.

Аԥсны Аҳәынҭқарра адәныҟатәи аусқәа рминистрра Аԥсны Аҳәынҭқарра атәылауаа адырра рнаҭоит, Урыстәылатәи Афедерациеи Аԥсны Аҳәынҭқарреи ирыбжьарҵаз, ҩ-тәылауаҩрак аиура азҵаарақәа рыӡбаразы аҳәынҭқаррабжьаратә еиқәшаҳаҭра иахьа инаркны амчра шаиуа. Аԥсны адәныҟатәи аусқәа рминистрра, Аԥсны Аҳәынҭқарра атәылауаа азхьанарԥшуеит аиқәшаҳаҭра аԥҟарақәа инарықәыршәаны, Аԥсны Аҳәынҭқарра атәылауаа Урыстәыла атәылауаҩра аиура ирмариоу апроцедурала иахысырц азы Урыстәыла Ахада Иусԥҟа шьаҭаны ишыҟоу.

Аҟәа. Мшаԥымза 25, 2025 шықәса. Аԥсныпресс. Аҳәынҭқарра Ахада АА ААР Иҷыдоу аотриад быжь-шықәса ахыҵра иазку аныҳәатә усмҩаԥгатә далахәын.

«Аҩызцәа аофицерцәа!

Ишәыдысныҳәалоит Аԥсны Аҳәынҭқарра Аҩныҵҟатәи аусқәа рминистрра  Ирласны анырра аҟаҵаразы Иҷыдоу аотриад быжьшықәса ахыҵра. Шәара шәыпрофессионалра ала ацәгьоура аҿагылара иазку иарбанзаалак ауснагӡатә анагӡара шәшазхиоу шьақәшәырӷәӷәеит. ААР Иҷыдоу аотриад аҟны аррамаҵура иахысуеит иарбан ҭагылазаашьак еффективла, хамеигӡарада ииашаны ақәҿыҭра зылшо. Агәра згоит ари архәҭа аринахысгьы аҩаӡара шыҳаракхо анапынҵақәа рынагӡараҟны», – иҳәеит Гәынба Бадра.

Аҟәа. Мшаԥымза 25, 2025 шықәса. Аԥсныпресс. Арӡынба В.Г. ихьӡ зху Жәларбжьаратәи аҳаирбаӷәаза «Аҟәа» официалла аартра иазку аныҳәатә усмҩаԥгатә аиҿкаареи 2025 шықәса лаҵарамза 1 азы иазԥхьагәаҭоу Москва ақалақь аҟнытә актәи ареис аареи  рызҵаарақәа инарымаданы Арӡынба В.Г. ихьӡ зху Жәларбжьаратәи аҳаирбаӷәаза «Аҟәа»  имҩаԥысит Аԥсны Аҳәынҭқарра Ахада Гәынба Бадра хантәаҩра ззиуаз аилацәажәара.

Аилацәажәараан ирыхәаԥшеит актәи ареис адкылара аҽазыҟаҵара аспектқәа зегьы, ашәарҭадара алыршара налаҵаны: Ирылацәажәеит апассаџьырцәеи аҳаирбаӷәаза аусзуҩцәеи ршәарҭадара, иара убас аҳаирбаӷәаза зыԥну адгьылҵакыраҟны ауаажәларратә зинлеишәа ралыршара;

Аҟәа. Мшаԥымза 24, 2025 шықәса. Аԥсныпресс. Аԥсны акультура аминистрра Аԥсны Раԥхьатәи Ахада Владислав Арӡынба изку иреиӷьу амузыкатә усумҭазы аицлабра алԥшааратә тур алагара рыланаҳәеит.

Аицлабра рхы аладырхәыр рылшоит апрофессионалтә композиторцәа реиԥш амузыка абзиабаҩцәагьы. Ирыдыркылоит џьаргьы инармыгӡац аоригиналтә вокалтә композициақәа.

Аусумҭақәа жьҭаарамза 1, 2025 шықәса аҟынӡа аелектронтә цҳамҭа ала инашьҭызар ҟалоит, мамзаргьы хаҭала акультура Амнистрра ахь инаргар алшоит.

Аҟәа. Мшаԥымза 24, 2025 шықәса. Аԥсныпресс.  Мшаԥымза 24  – Османтәи аимпериа аҿы аерман жәлар ргеноцид иалаӡыз ргәалашәара амш ауп.

Актәи адунеизегьтәи аибашьра аламҭалазы Османтәи аимпериа аҿы иқәынхон ҩ-миллион-ҩык инареиҳаны аерманцәа. Аерман ҭоурыхҭҵааҩцәа рдыррақәа рыла, 1915-1923 шықәсқәа рзы Османтәи аимпериаҿы инырҵәан 1,5 миллионҩык аерманцәа, миллионбжак рҟынӡа мчыла иԥсылманыртәит, ма еиуеиԥшым атәылақәа рахь ахҵәара рықәырҵеит.

Османтәи аимпериа аҿы рхатәы ҩнқәа ааныжьны ихҵәаны имцар ада ԥсыхәа змауз, зхәыҷқәеи дареи рыԥсҭазаарақәа еиқәырхо жәанызқьҩыла аерманцәа Аԥсныҟа иааит.  Аԥсуа жәлар арыцҳара ду иақәшәаз ауаа гәаартыла ирыдыркылеит, ирылшоз ала ацхыраара рырҭеит. Агеноцид иацәынхаз аерман жәлари урҭ рхылҵшьҭрақәеи Аԥсынтәыла ҩныс, иара убас иҿыцу ԥсадгьылны ирзыҟалеит. Урҭ иахьа аԥсуа ҳәынҭқарра аҿиара иалахәуп.

Аҟәа ақалақь аҿы Османтәи аимпериа аҿы агеноцид иалаӡыз аерманцәа ргәаладыршәоит. Агәалашәаратә усмҩаԥгатәқәа ирылагоит асааҭ 9 рзы  О. Туманиан ихьӡ зху абжьаратәи ашкол №9 ахыбраҿы. Агеноцид иалаӡыз ргәалашәара аҳаҭыр азы ацәашьқәа адыркуеит. Ашкол аҵаҩцәа  110-шықәса раԥхьа иҟалаз атрагедиатә хҭысқәа ирызку ажәеинраалақәа ирыԥхьоит.

Ашкол аҿы имҩаԥгахо амитинг ашьҭахь уи иалахәыз зегьы амшын ахь инеины агеноцид иалаӡыз ргәалашәара ахьӡала ашәҭқәа аӡы ихырҵоит.