Ари акомандақәа аҩбатәи реиԥылара ауп. Актәи аиԥылара 2023 шықәсазы Даӷьсҭан  имҩаԥысит, уи хыркәшахеит асчиот 4:0 ҳәа Ашьапылампылтә милаҭтә лига аиааирала.

Аматч Аԥсны амҩаԥгара – жәларбжьаратәи арена аҿы рыҟазаара арҭбаара хықәкыс измоу Амедиалига азы астратегиатә шьаҿаны иҟоуп. Ааигәа имҩаԥысыз Ашьапылампылтә милаҭтә лига Ахраҿаду афинал Минск ақалақь аҿы имҩаԥысит, араҟа аиааира згаз  Ашьапылампылтә Клуб «ФК 10» Аладатәи Кореиа ахь атурне  азаалаҳәара ҟанаҵеит.

Аԥсны аԥыза-министр ихаҭыԥуаҩ, аҿари аспорти русқәа рзы Аҳәынҭқарратә Еилакы ахантәаҩы инапынҵақәа нызыгӡо Ҭарашь Ҳагба аматч ареспублика аҿы ашьапылампыл апопуриализациеи аҭыԥантәи ашьапылампыласыҩцәа рыспорттә ҟазара ашьҭыхреи рзы акыр аҵак ду аҵоуп ҳәа иазгәеиҭеит.

«Ҳаспортсменцәа Ашьапылампылтә милаҭтә Лигеи (ФНЛ) Амедиалигеи (МФЛ) еизгоу ркомандақәа рылахәхара – ари еиҳау аҩаӡараҿы рпотенциал аарԥшразы зеиӷьаҟам лшароуп. Агәра ганы сыҟоуп, ари аматч ашьапылампыл абзиабаҩцәа зегьы рзы ныҳәаны ишыҟало, уи анырра бзиа шырнаҭо», – ҳәа аҳәамҭа ҟаиҵеит Ҭарашь Ҳагба.

Аматч мҩаԥгахоит амедиатә ԥҟарақәа рыла: акомандақәа 25 минуҭ иҭагӡоу атаимқәа ҩба  рыла имҩаԥысуеит.

Ас еиԥш иҟоу аиндаҭларақәа рҭоурых аҿы раԥхьаӡа акәны иалагалахоит азгәыбылҩцәа аиҭахара ҟамларц азы аихшьаалатә лҵшәа ианырыртә алшара рызҭо  амеханизм. Афаворит изы абжьыҭараҿы еиҳа абжьқәа зауа акоманда афиналтә лҵшәа ахь 0,5 агол абонус аиуеит. Убас ала, аҩ-командак еиҟараны ампылқәа амбақәа иҭадыршәзаргьы, атабло аҿы аиааира згаз азгәыбылҩцәа рыбжьыҭарала далкаахоит.

Аиԥылара алагаанӡа ахәаԥшцәа уагәылазхало буллитальти асериа рзыԥшуп. Традициала ишаԥу еиԥш, 11-метр рҟынтәи ампыл асра амыцхәрас, ахәмарыҩцәа амба аҟынтәи 25 метра бжьаны рыҽдырласуеит, аӡәи-аӡәи реиҿагылара аформат аҿы аеффектра злоу ампыл аҭаршәра алыршаразы рҽазыршәалоит. Буллитальти аҿы аиааира згаз акоманда аԥыжәарала ахәмарра иалагои. Иаҵахаз акоманда адәы ахь «џьокер» иқәҵара азин аиуеит. «Џьокер» – ахәмарҩы, зыхьӡ макьана аматч аиҿкааҩцәа макьаназы идырзом.

Егьырҭ иҿыцу алагалақәа:

• «Аӡбаратә челленџь»: акоманда аимак-аиҿак зҵоу амомент авидеоеиҭахәаԥшрала ахәаԥшразы аҳәара ақәыргыларазы акоманда азин.
• «Азамат иаутқәа»: шьапыла аганахьтәи ацәаҳәа аҟынтәи иалкаау азонақәа рҿы ампыл алагалара.
• «Ампыл ҟаԥшь»: ампыл ҟаԥшь азыҳәара ашьҭахь х-минуҭк иалагӡаны акоманда ампыл амба иҭанаршәзар, уи амба иҭаршәу ҩ-мпылк ираҟарахоит.