Аҟәа. Мшаԥымза 29, 2025 шықәса. Аԥсныпресс. Санкт-Петербург ақалақь аҿы ихыркәшахеит аиубилеитә X Жәларбжьаратәи амилаҭтә культурақәа Рфестиваль «Невские встречи». Ари акыр зҵазкуа ахҭыс абар шьҭа жәантәны адунеи зегьы аҟынтәи аҟыбаҩ злоу ауаа еиднакылеит, убри аан атрадициақәа рыхкырцәара аиқәырхареи аӡыргареи рганахьала алагала ду ҟанаҵоит.

Аҟәа. Мшаԥымза 29, 2025 шықәса. Аԥсныпресс. 2025 шықәса, мшаԥымза 25 - 28 рзы Урыстәылатәи Афедерациа аҳҭнықалақь Москва имҩаԥысуан  домино азы II Урыстәыла Ачемпионат.

Ари зыхьӡ нагоу аицлабра рхы аладырхәит Урыстәылатәи Афедерациа еиуеиԥшым арегионқәа рҟынтәи, иара убас Ареспублика Белоруси, Ареспублика Аԥсни рҟынтәи 150-ҩык инарзынаԥшуа аспортсменцәа. Аԥснытәи аспортсменцәа Ачемпионат рхы аладырхәит Аԥсны адомино Афедерациа ҩызас иҟоу Урыстәыла домино Афедерациа апрезидент Борис Борзови Афедерациа апрезидент ихаҭыԥуаҩ  Алеқсеи Кончакови рааԥхьарала.

Аҟәа. Мшаԥымза 29, 2025 шықәса. Аԥсныпресс. Ироуз аоперативтә информациа ахархәарала Аинформациа-коммуникациатә технологиақәа зинда рхархәара аҿагылара аиҿкааразы Аусбарҭеи Аҳәынҭқарратә ҳазалхратә Еилакы Аҳазалхратә Ҭыԥи русзуҩцәеи, аҳазалхратә ҭыԥ «Ԥсоу» аоперативтә ҟәшеиҵа аусзуҩцәеи, иара убас Аҳәынҭқарратә шәарҭадара Амаҵзура аусзуҩцәеи, Аҩада Ешыра имҩаԥыргаз аоперативтә усмҩаԥгатә аан ирыԥшааит акриптовалиута арҳара иазку 22 аппарат. Аппаратқәа зегьы убри амҭазы афымцацәаҳәа иаҿакын, аусура иаҿын, ҳәа адырра  ҟанаҵоит Аԥсны Аҳәынҭқарратә ҳазалхратә Еилакы апресс-маҵзура.  

Аҟәа. Мшаԥымза 28, 2025 шықәса. Аԥсныпресс. Аԥсны аԥыза-министр Владимир Делба Ареспублика Башкортосҭан аԥыза-министр Андреи Назаров ииубилеи идиныҳәалеит.

Адныҳәалараҿы, ахәҭакахьала иҳәоуп:

Ҳаҭыр зқәу Андреи Геннади-иԥа, шәиубилеи инамаданы гәык-ԥсыкала иҟаҵоу адныҳәаларақәа шәыдышәкыл.

Ҳара ахәшьара ҳаракы аҳҭоит Шәара Аԥсны аганахьала иаашәырԥшуа ахшыҩхышьҭреи ҳажәларқәа рыбжьара иҵаулоу аиҩызаратәии аимабзиаратәи аизыҟазаашьақәа рыҿиара аҿы хаҭала шәлагалеи.

Аҟәа. Мшаԥымза 28, 2025 шықәса. Аԥсныпресс. 2025 шықәса мшаԥымза 26–27 рзы Аҟәа ақалақь, С.У.Багаԥшь ихьӡ зху аспорт Ахан аҿы 2010 шықәса рзы иизи урҭ иреиҵбууи рыбжьара анапылампыл азы Иаарту атурнир мҩаԥысит. Аицлабрақәа 1941-1945 шш. Аџьынџьтәылатәи еибашьра Дуӡӡа аҿы Аиааира агара амш 80-шықәса ахыҵра иазкын.

Аҟәа. Мшаԥымза 28, 2025 шықәса. Аԥсныпресс. Аԥснытәи Аҳәынҭқарратә Университет аҿы аԥсуа-қырҭуатә еиҿцәажәаратә процесс аҭоурых иазку адокументалтә цикл «Уи шаҟаз атәы» актәи ахәҭа ддырбеит.

«Абаза-ТВ» анапхгаҩы Руслан Ҳашыг ари аусумҭа ателехәаԥшратә команда ду аҭҵааратә усураны иуԥхьаӡар алшоит ҳәа иазгәеиҭеит:

«Иҳаҩсыз ашықәс аҩныҵҟа ҳара аԥсуа-қырҭуатә еиҿцәажәаратә процесс аҭоурых иазку адокументалтә фильмқәа рцикл аҭыжьра ҳнапы алакын. Афильмқәа зегьы сааҭк-сааҭк ирҭагӡоуп. Уаҟа еизгоуп Аԥсны ҳаамҭазтәи адипломатиатә ҭоурых аҿы акыр зҵазкуа ахҭысқәа».

Аҟәа. Мшаԥымза 28, 2025 шықәса. Аԥсныпресс. Аҟәатәи аспортсменцәа 2010-2017шш. рзы ииз арԥарцәа рыбжьара имҩаԥысуаз зхы иақәиҭу аиқәԥаразы Иаарту Арегионбжьаратәи атурнир STAV-OPEN аҿы араӡны медалқәа ҩбеи аџьаз медалқәа фбеи ргара рылшеит. Атурнир мҩԥысуан мшаԥымза 26 – 27 рзы Ставрополь ақалақь аҿы.

Аҟәа. Мшаԥымза 28, 2025 шықәса. Аԥсныпресс.   2025 шықәса I аԥшьбара азы Аԥсны иҟоу Урыстәыла Афедералтә шәарҭадара Амаҵзуреи Аԥсны Аҳәынҭқарратә шәарҭадара Амаҵзуреи  Аҳәаахьчаратә Усбарҭақәа русзуҩцәа рыла Қырҭтәылеи Аԥсни рҳәааҿы 110-ҩык  инареиҳаны аҳәааеилагаҩцәа аанкылан. Абри азы адырра ҟанаҵоит Аԥсны Аҳәынҭқарратә шәарҭадара Амаҵзура апресс-маҵзура.

Иаанкылаз атәылауаа  административтә хьырхәра иақәыршәоуп.

Аҟәа. Мшаԥымза 28, 2025 шықәса. Аԥсныпресс. Атәыла агәабзиарахьчара аминистр Едуард Быҭәба Аԥсны амедицинатә цхыраара лас аусзуҩцәа зегьы рзанааҭтә ныҳәа рыдиныҳәалеит.

Адныҳәалараҿы, ахәҭакахьала иазгәаҭоуп:

«Шәара аус рацәаны ижәуеит, иарбан аамҭазаалакгьы, уахи-ҽни шәазыхиоуп ҳуааԥсыра реиқәырхара. Шәара шәнапы иануп ауааԥсыра рыԥсҭазаара. Амедицинатә цхыраара  лас аҿы аус зуа дарбанызаалакгьы, амҩақәҵаҩ, амашьынарныҟәцаҩ, афелшер, аҳақьым, аҟәша аиҳабы, уҳәа зегьы ахачҳареи, ауаҩы иахь ақьиареи арыцҳашьареи рылоуп, уаҳагьы ари аус узынагӡарым.

Аҟәа. Мшаԥымза 28, 2025 шықәса. Аԥсныпресс. Аԥсны Жәлар Реизара-Апарламент Аиҳабы Лаша Ашәба зхадараҿы дыҟоу аделегациа, Аџьынџьтәылатәи еибашьра Дуӡӡа аҿы Аиааира агара Амш 80-шықәса ахыҵра иазку Аидгыларатә  ҳәынҭқарра Жәларбжьаратәи афорум «Аҭынха ду —еицаҳзеиԥшу аԥеиԥш» алахәхаразы Волгоградҟа инеит.

Аделегациа аилазаараҿы иҟоуп: Жәлар Реизара-Апарламент Аиҳабы ихаҭыԥуаҩцәа Фазлыбеи Аҩӡбеи Асҭамыр Аршбеи, Урыстәыла иҟоу Аҷыдалкаатә зинмчы змоу Аԥсны ацҳаражәҳәаҩ Алхас Кәыҵниеи Апарламент Аппарат анапхгаҩы Вадим Бжьаниеи.