Хәымз рыла абарҭ аусмҩаԥгатәқәа нагӡан:
- Аӡыхкыра ареконструкциа мҩаԥгоуп, уи иабзоураны ӡыла аиқәыршәара амҽхак 25% рыла ашьҭыхра алыршахеит;
- Аӡфымцатә станциа ахыбра еиҭашьақәыргылоуп, агенератори атурбинақәеи реиҭашьақәыргылара амҩаԥгаразы ацҳатә шҭыхгеи акәрыҷи шьақәыргылоуп;
- Агенератор ҿыц шьақәыргылоуп, ахархәарахь ирыҭоуп;
- Аҳауа фымцацәаҳәақәа рыԥсахра мҩаԥгоуп:
- Иқәсхьоу афымцамҩангагатә цәаҳәақәа ықәганы аҿыцқәа шьақәыргылоуп;
- Ацуҭақәа Санчари Ригзеи рҿы авольтлаҟә цәаҳәақәа рҿы афымцацәаҳәақәа еиҟәыҭхоу афымцамҩангагақәа рыла аԥсахра мҩаԥган;
- Ацуҭақәа Аҩадатәии Аладатәи Битага рҿы еиҟәыҭхоу афымцамҩангагақәа ралгара иазку аусура иацҵоуп;
- Аҳәаахьчаратә арратә хәҭеи ацуҭа Санчари рҿы иҿыцу атрансформатортә станцеиҵақәа рышьықәыргылара мҩаԥысуеит;
- Аҭыԥантәи ауахәама афымцамч ала аиқәыршәаразы хазы игоу атрансформатор азоужьхеит.
Ԥсҳәытәи Аӡфымцатә Станциа анџьныр хада Дмитри Капин иҟаиҵаз адыррақәа рыла, иқәсхьаз афымцацәаҳәақәа еиҟәыҭхоу афымцамҩангагақәа рыла аԥсахра иабзоураны еиԥҟьарада афымцамч ала аиқәыршәара алыршахеит. Иара убас агенератортә еиқәыршәагақәа ирымаз ақәыӷәӷәӷара армаҷра алыршахеит, авариатә афымцалашара аҿыхрақәа еиҳа имаҷхеит.
Уажәы Ԥсҳәытәи Аӡфымцатә Станциа аусзуҩцәа аӡынтәи аамҭахәҭазы рхала еиҟәыҭхоу афымцамҩангагақәа ралгареи звольтҳараку ашьаҟақәа рышьақәыргылареи иадҳәалоу аусурақәа нарыгӡаларц азы ақыҭахь инагоуп ихымԥадатәиу аматериалқәа зегьы.
Аенергетика Аминистрра Ԥсҳәы ақыҭан аиҭашьақәыргыларатә усурақәа рымҩаԥгаразы афымцаеибыҭаҩцәа иназыцҵоу рыштаттә акқәа ралагаларала Ареспубликтә Унитартә Наплакы «Амшынеиқәафымцамч» аштаттә мшеизша ацҵара иақәшаҳаҭхеит.
Аиҭашьақәыргыларатә усурақәа аҩбатәи аетап алагара азԥхьагәаҭоуп иааиуа ашықәс лаҵарамзазы, ашьхахыҵырҭа анаатлак ашьҭахь. Аиҭашьақәыргыларатә усурақәа аҩбатәи аетап аплан абасала ишьақәгылоуп:
- Ақыҭа агәахьы авольтлаҟә цәаҳәақәа рыԥсахра;
- Звольҳараку ашьаҟақәа рыԥсахра;
- Ԥсҳәытәи Аӡфымцамтә Станциа аҿы уажәы ареконструкциа азы азауад ахь идәықәҵоу, зымчхара 315 кВт рҟынӡа инаӡо атрансформатор ашьақәыргылара;
- Афымцатә станциақәа зегьы рмодернизация: уажәы ажәытә аҭыԥан зымчхара 160 кВт иҟоу агенераторқәа ҩба шьықәыргылоуп. Иааиуа ашықс азы зымчхара 315 кВт инаӡо агенератори зымхара 160 кВт инаӡо егьи агенератори рыла афымцамчҳәаақәҵаратә обиект аԥҵара азԥхьагәаҭоуп.
