Аҟәа. Лаҵарамза 7, 2025 шықәса. Аԥсныпресс.  Аԥсны Аҳәынҭқарра Ашәахтәқәеи аизгақәеи рминистрреи, Аҟәа ақалақьи егьырҭ аинспекциақәеи 2025 шықәса, ԥшьымз ирылагӡаны инарыгӡаз аусура алҵшәақәа реихшьаала инақәыршәаны, Аԥсны абиуџьет иалагалоуп 1млрд. 687 млн. 416,7,5 мааҭ. Убри  аан аплан ишьақәнаргылон 1 млрд. 543 млн. 148,6 нызықь мааҭ. Аплан нагӡоуп 109% рыла.

Аҟәа. Лаҵарамза 5, 2025 шықәса. Аԥсныпресс. Аҳәынҭқарра Ахада ицын Ахада ихаҭыԥуаҩ  Бигәаа Беслан, Аԥыза-министр Делба Владимир, Ахада Иадминистрациа Анапхгаҩы Ешба Беслан. Аплантациақәа Ҭоумышь аҳаблаҟны иҟоуп.

Атәыла анапхгара Аԥсны Аџьынџьтәылатә еибашьраан Аԥсадгьыл ахақәиҭтәра зхы ақәызҵаз рбаҟа иаҭааит.  Иҳәатәуп, аҳабла ауааԥсыра рыхьӡала иргылоу амемориалтә ӷәы дара рымчала 1994 шықәсазы ишышьақәдыргылаз.

Аҟәа. Лаҵарамза 7, 2025 шықәса. Аԥсныпресс. 1941 – 1945 шш. Аџьынџьтәылатәи еибашьра Дуӡӡа аҿы Аиааира агара Амш 80-шықәса ахыҵра аламҭалазы Ашәҟәы «Аԥсны Афырхацәа». Аџьынџьтәылатәи еибашьра Дуӡӡа аудиоверсиа» Аԥсны иҟоу аурысцәа Рхеилак аофициалтә саит аҿы ианылеит. 

«Аудиошәҟәы аиқәыршәаҩыси аҭыжьҩыси иқәгылеит Урыстәыла асоциалтә программақәа рзы Амилаҭтә фонд. Афонди Аԥсны иҟоу аурысцәа Рхеилаки  аинформациатә усеицуразы аиқәшаҳаҭра рыбжьарҵеит», — ҳәа еиҭеиҳәеит Ауаажәларратә Еиҿкаара «Аԥсны иҟоу аурысцәа Рхеилак» ахантәаҩы Роман Риазанцев.

Аҟәа. Лаҵарамза 6, 2025 шықәса. Аԥсныпресс. Акциа «Ԥсра зқәым аполк» Аҟәа ақалақь аҿы лаҵарамза 9 рзы имҩаԥгахоит.

Аныҳәатә аиасра алахәылацәа аҽеидкылара иалагоит Ахақәиҭра Ашҭаҿы асааҭ 10:30 рзы ԥыхьатәи аминистрцәа Рхеилак ахыбра азааигәара.  

«Ԥсра зқәым аполк» аколонна абри амаршрут ала имҩаԥысуеит:  Ахақәиҭра Ашҭа инаркны Гәлиа имҩаду ала Леон ипроспект аҟынӡа; Леон ипроспект инаркны Амҳаџьырра Рыԥшаҳәа аҟынӡа; Амҳаџьыраа рымшаҳәеи адиоскураа Рыԥшаҳәеи инаваршәны Идырым Асолдаҭ ибаҟа  аҟынӡа.

Аҟәа. Лаҵарамза 6, 2025 шықәса. Аԥсныпресс.  Бадра Гәынба Ауаҩы изинқәа рзы азинмчы змоу Қьышьмариа Анас дидикылеит.

Аԥсны Аҳәынҭқарра Ахада Гәынба Бадра Аԥсны Аҳәынҭқарраҟны иҟоу Ауаҩы изинқәа рзы азинмчы змоу Қьышьмариа Анас дидикылеит. Аиԥылараан азҵаарақәа жәпакы инарҭбааны ирылацәажәеит.

Анас Қьышьмариа Аҳәынҭқарра Ахада адырра илҭеит аҵыхәтәантәи ашықәс азы имҩаԥгоу аусура, иара убас АА аҟны Ауаҩы изинқәа рзы азинмчы змоу иҿаԥхьа иқәгылоу иуадаҩу азҵаарақәа рзы. 

Бадра Гәынба аиԥылараҟны адырра иоуит Аԥсны абахҭақәа ргәаҭарақәа рылҵшәақәа рзы. Аиԥылара иалахәыз алацәажәеит атәылауаа аԥсихиатриатә цхыраара рыҭара иацу апрблемақәа, аҭаацәара-бзазаратә мчымхарақәа ирыдҳәалоу азҵаарақәа, иара убас Урыстәылатәи Афедерациа адгьылҵакыраҟны атәылауаа асоциалтә цхыраагӡақәа роура инамадны иҟоу ауадаҩрақәа.

Аҟәа. Лаҵарамза 6, 2025 шықәса. Аԥсныпресс. Лаҵарамза 10 рзы Москва имҩаԥысраны иҟоуп Аԥсны Аҳәынҭқарра Ахада Гәынба Бадреи Урыстәыла Ахада Владимир Путини реиԥылара.

Ари ашықәс аҩныҵҟа ҩынтәуп ҩ-ҳәынҭқаррак рхадацәа хаҭала реиԥылара мҩаԥысуеижьҭеи.

Аҟәа. Лаҵарамза 6, 2025 шықәса. Аԥсныпресс. Гәынба Бадра Аџьынџьтәылатә еибашьра дуӡӡаҟны Аиааира 80 шықәса ахыҵра иазкыз «Аспорт афестиваль» аартра далахәын. Аԥсны аҳҭнықалақь аҟны, Ахақәиҭра ашҭаҿы имҩаԥысит Аиааира Ду 80 шықәса ахыҵра иазкыз   есышықәсатәи «Аспорт афестиваль». Аныҳәатә усмҩаԥгатә еиднакылеит аспорт аветеранцәа, иахьатәи аспортсменцәа, ашколхәыҷқәа, аиҳабыра ахаҭарнакцәа, ареспублика ауааԥсыра.

Афестиваль аатит аспорт аветеранцәа рколонна злахәыз апарад-ныҟәара ала. Аԥсны Ахада Гәынба Бадра хаҭала апарад идикылеит.

Афестиваль аартра аҳәаақәа ирҭагӡаны аҳәынҭқарра Ахада аусмҩаԥгатә алахәцәеи асасцәеи рахь ааԥхьара ҟаиҵеит, ахҭыс иамоу аҭоурыхтә ҵаки уи ауаажәларра реидкылараҟны инангӡо ароли азгәаҭаны.

«Ҳаҭыр зқәу ҳаспортсменцәа! Ҳаҭыр зқәу ҳауаажәлар рхаҭарнакцәа, ари аспорт аныҳәа зхы алазырхәыз зегьы!

Ишәыдысныҳәалоит аспорт афестиваль аартра. Ҳара ҳаспорт аҭоурых аҵак ду амоуп. Ҳаспорт азҟазацәа, ахьӡырҳәага дуқәа,  ҳаспорт жәларбжьаратәи аренаҟны ахыԥша назгаз,ҭоурыхла урҭ ирымадоу абиҧара ҿыцуп шәара.

Аҟәа. Лаҵарамза 6, 2025 шықәса. Аԥсныпресс. Аҟәа ақалақь, Ахақәиҭра ашҭаҿы имҩаԥысит 1941–1945 шш. Аџьынџьтәылатәи еибашьра Дуӡӡа аҿы Аиааира агара Амш 80-шықәса ахыҵра иазку «Аспорт афестиваль».

Афестиваль аспортсменцәа шьаҿеиқәшәала рықәсрала ихацыркхеит. Раԥхьа ииасит аспорт аветеранцәа рколонна, уи ахадараҿы дгылан зыхьӡ нагоу аԥснытәи аспортсмен, аветеранцәа рыбжьара ҩынтәны адунеи ачемпион, адунеи ачемпионатқәа араӡнытәии аџьазтәии аԥхьахәгаҩы, аспорт азҟазацәа рыбжьара Урыстәыла хынттәи ачемпион, Урыстәыла Ахраҿа згахьоу, асамбо азы жәларбжьаратәи акласс аспорт азҟаза, «Ахьӡ-Аԥша» III аҩаӡара аорден занашьоу Борис Багаҭелиа.

Аҟәа. Лаҵарамза 5, 2025 шықәса. Аԥсныпресс.  В.Арӡынба ихьӡ зху Арратә Ахьӡ-Аԥша амузеи аҿы Аџьынџьтәылатәи еибашьра Дуӡӡа аҿы Аиааира агара Амш 80-шықәса ахыҵра иазкны иаатит  ацәыргақәҵа “Аиаааира акино.”

Аекспозициа иалалеит еиуеиԥшым  атематикатә ҟәшақәа, уахь иаҵанакуеит Ахьӡ-Аԥша Амемориал, Аџьынџьтәылатәи еибашьра Дуӡӡа аамҭахәҭа иаҵанакуа акино, асоветтә кино, Урыстәылатәи Афедерациа акино, Аԥсны афырхацәа, арратә операторцәеи афырхацәа-актиорцәеи рзона.

Аҟәа. Лаҵарамза 5, 2025 шықәса. Аԥсныпресс. Лаҵарамза 5 рзы Аҟәа ақалақь иҟоу Москва Аҩны аҿы имҩаԥысит иааиуа Аиааира Амш иазкыз акомандатә интеллектуалтә хәмарра. Уи алахәылацәа – Аҟәеи Аԥсны араионқәеи рҟынтәи 48-ҩык ашколхәыҷқәа – Аџьынџьтәылатәи еибашьра Дуӡӡа азы рдыррақәа аадырԥшит.

Азҵаарақәа Аԥсны иалҵыз афырхацәа, хадара злоу ахҭысқәа, иара убас аибашьра аамҭа иадҳәалоу амузыкеи акинофильмқәеи ирызкын. Ахәмарра аҿы алахәылацәа иаадырԥшыр акәын аиуридициа адагьы алогикеи акоманда аҿы аусура алшареи.