Аҟәа. Лаҵарамза 5, 2025 шықәса. Аԥсныпресс. Лаҵарамза 5 рзы Аҟәа ақалақь иҟоу Москва Аҩны аҿы имҩаԥысит иааиуа Аиааира Амш иазкыз акомандатә интеллектуалтә хәмарра. Уи алахәылацәа – Аҟәеи Аԥсны араионқәеи рҟынтәи 48-ҩык ашколхәыҷқәа – Аџьынџьтәылатәи еибашьра Дуӡӡа азы рдыррақәа аадырԥшит.
Азҵаарақәа Аԥсны иалҵыз афырхацәа, хадара злоу ахҭысқәа, иара убас аибашьра аамҭа иадҳәалоу амузыкеи акинофильмқәеи ирызкын. Ахәмарра аҿы алахәылацәа иаадырԥшыр акәын аиуридициа адагьы алогикеи акоманда аҿы аусура алшареи.
Аиааира ргеит:
1-тәи аҭыԥ - Гәдоуҭа араион аҟынтәи акоманда «Багратион»;
2-тәи аҭыԥ - Ҭҟәарчал араион аҟынтәи акоманда «Аиҭаҿиара» («Возрождение»);
3-тәи аҭыԥ - Гагра араион аҟынтәи акоманда «Леонаа».
Аусмҩаԥгатә еиҿкаахеит Аҟәа иҟоу Москва Аҩны, Москва Анапхгара адәныҟаекономикатә еимадарақәа Рдепартаменти Москватәи аидгьылуаа Рыҩни иҟарҵаз адгыларала.
