«Ҳара зегьы хықәкык ауп иҳамоу, уи – ҳауаажәлар реизҳазыӷьаразы атәыла арҿиароуп. Абри инамаданы аҳәынҭқарратә усбарҭақәеи Аԥсны Аҳәынҭқарраҟны иҟоу Ауаҩы изинқәа рзы азинмчы змоу иинститути констркутивла русеицуреи реимадареи шьақәыргылалатәуп», –   иҳәеит Гәынба Бадра. Ахада иаҵшьны иҳәеит аинформациа аимдареи актуалра змоу азҵаарақәа рышьҭыхреи иамоу аҵакы атәы. 

Анас Қьышьмариа илҳәеит атәыла анапхгареи аусбарҭеи конструктивла русеицура дшазхиоу. Иазгәалҭеит Ахада Аԥсны ауаҩы изинқәеи ихақәиҭрақәеи рызҵаарақәа рзы адырра иҭара иамоу аҵакы.

«Ауаҩы изинқәа рзы азинмчы змоу аинститут, егьырҭ аҳәынҭқарратә еиҿкаарақәагьы реиԥш, атәылауаа рзинқәа рыхьчара иазкызароуп.  Иҳәатәуп, Урыстәылатәи Афедерациа анапхгара хшыҩзышьҭра ду шанаҭо ари азҵаарагьы Ауаҩы изинқәа рзы азинмчы змоу аус ицурагьы. Ҳара ҳусура аиҿкаараан аҵыхәтәантәи аҩышықәса рыҩныҵҟала урыстәылатәи ҳколлегацәеи ҳареи ҳусеицура алҳаршеит», – лҳәеит Қьышьмариа Анас. Иара убас иазгәалҭеит Аԥсны азинхьчаратә усбарҭақәеи Ауаҩы изинқәа рзы азинмчы змоу аинститути рыбжьара аусеицура лыҵшәа аманы ишымҩаԥысуа.