Аҳәынҭқарра ахада Бадра Гәынба IV Жәларбжьаратәи Инал-иԥа иаԥхьарақәа ирылахәыз бзиала шәаабеит ҳәа реиҳәеит.

Аԥхьарақәа ирылахәыз бзиала шәаабеит ҳәа раҳәо, аԥсуаҭҵааратә институт адиректор Арда Ашәба иазгәеиҭеит IV Жәларбжьаратәи Инал-иԥа иаԥхьарақәа аҭоурыхтә ҭҵаарадыррақәа рдоктор, иналукааша аҭоурыхҭҵааҩ, аетнограф, алитератураҭҵааҩ, афольклорист Шьалуа Денис-иԥа Инал-иԥа диижьҭеи 110 шықәса аҵра ишазку.

Шьалуа Денис-иԥа Аԥсны аҭоурыхи аетнографиеи рҿы илагала ахә ашьара уадаҩуп. Ш.Инал-иԥа Аԥсни уи анҭыҵи инарҭбааны деицырдыруеит аԥсуаҭҵаареи Кавказҭҵаареи, аетногенези аԥсуаа ретникатә ҭоурыхи рактуалтә проблемақәа рыҭҵаара иазку ихадоу аҭҵаарадырратә усумҭақәа жәпакы дравторны. Аҵарауаҩ иусумҭа дуқәа рахь иаҵанакуеит: «Аԥсуаа» «Аԥсуаа ретнокультуратә ҭоурых азҵаарақәа», «Атрадициақәеи иахьатәи аамҭеи», «Асаӡқәа», «Аԥсуа етикет иазку аочеркқәа» уб. иҵ. Ш. Инал-иԥа иусумҭақәа анализ ҵаулоуп, ахархәара змоу ахыҵхырҭадырратә материал хкы рацәала еилоуп.

Аартра иазкыз аныҳәатә церемониа аҳәаақәа ирҭагӡаны уаанӡатәи аиԥыларақәа руак иазкыз афильм арбара мҩаԥысит. Анаҩс алахәылацәа минуҭктәи аҿымҭрала дыргәаладыршәеит уаанӡатәи апленерқәа ирылахәыз Урыстәыла Жәлар рсахьаҭыхҩы Шалуа Бедоев.

 «Ҳара гәахәарыла иҳадаҳкылоит Аԥсны шәыҟазаара, ҳтәыла аинфраструктура аҿиареи апрофильтә усбарҭақәа рыбжьара иааигәаны аинырреи ирыдҳәалоу азҵаарақәа рылацәажәаразы. Даара акраҵанакуеит ҳапрофильтә министррақәа, ҳусбарҭақәа, азинмчы змоу аусбарҭақәа аусеицура бзиа ахьрыбжьо, уи иалкаау алҵшәақәа аанашьҭуеит», - иҳәеит Аԥсны аԥыза-министр Владимир Делба.

Аиԥылараан аганқәа аинфраструктура арҿыцреи апрофильтә усбарҭақәа реинырреи ирылацәажәеит.

Аԥснытәи аҳәынҭқарратә университет аҭоурыхи жәларбжьаратәи аизыҟазаашьақәеи рфакультет астудентцәа апрофильтә практика иахысуан Сҭампыл жьҭаарамза 12-16 рзы. Аҵара еиҿкаауп Медиет Аҳәынҭқарратә университет ашьаҭала Ҭырқәтәыла иҟоу Аԥсны Аҳәынҭқарра Азинмчы змоу Ахаҭарнакра ацхыраарала.

Акыраамҭа ихьуаз ачымазара иахҟьаны иԥсҭазаара далҵит еицырдыруа аԥсуа хирург, Аԥсны зҽаԥсазтәыз аҳақьым, Аԥсны Жәлар Реизара ахәбатәи ааԥхьара адепутат, 1995-1999 шықәсқәа рзы Аԥсны агәабзиарахьчара аминистр, Аԥсны Афырхаҵа Гәыргәлиа Апполон (Даур) Алмасхан-иԥа.

Жьҭаарамза 17 рзы Риҵатәи ареликттә милаҭтә парк шьаҭаркуижьҭеи 30 шықәса ҵит. Иара аԥҵан Аԥсны раԥхьатәи ахада Владислав Арӡынба иусԥҟала жьҭаарамза 17, 1996 шықәсазы аԥсабарахьчаратә ҵакыра ашьаҭала, уи аҭоурых хацыркын 1930 шықәсазы.

Ацеремониа хацыркхаанӡа Аҳәынҭқарра ахада ААУ афоие аҿы IT-усмҩаԥгатәқәа рцәыргақәҵа даҭааит.