Аделегациа аилазаараҿы иҟоуп Ахада Иусбарҭа анапхгаҩы актәи ихаҭыԥуаҩ Дмитри Шамба, аԥыза-министр ихаҭыԥуаҩ Џьансыхә Нанба, акультура аминистр ихаҭыԥуаҩ Динара Смыр ҳәа аанацҳауеит атәыла ахада ипресс-маҵзура.

Аҭаараан аганқәа ихадоу ахырхарҭақәа рыла аусеицура аҿиара азҵаарақәа жәпакы ирылацәажәараны иҟоуп.

Апрограмма иазԥхьагәанаҭоит Башкортосҭан ахада Ради Хабиров официалла иԥылареи инарҭбаау аилацәажәареи.

Иара убасгьы Аԥснытәи аделегациа аҭаауеит Урыстәылеи Аԥсни ркультуратә центр, Аҵараиурҭабжьаратәи кампус, ареспублика анапхгараҭаратә Центр, атехнопарк «Зубово», еилнакаауеит арегион иналукааша анаплакқәа русурашьа.

Волгоградтәи аобласт аҿы имҩаԥысит Урыстәылазегьтәи арра-патриоттә хәмарра «Зарница 2.0» афинал. Асасцәа дыруаӡәкхеит Урыстәыла Ахада Иусбарҭа анапхгаҩы актәи ихаҭыԥуаҩ Сергеи Кириенко.

Иара жәларбжьаратәи аицлабра иалахәу Аԥснытәи акоманда дрыҿцәажәеит, ирзеиӷьеишьеит аманшәалара ҳәа аанацҳауеит Аԥсны Аминистрра апресс-маҵзура.

Аԥснытәи акоманда ахәмаррахь иашьҭит ареспублика аҵара Аминистрра. Аҷкәынцәа аҽазыҟаҵареи, алеишәеи, акомандаҿы аусуреи бзиа аадырԥшит.

Аҵара аминистр Хана Гәынба ашкол «Альфа» анапхгара иҟарҵаз аҳәамҭақәа ахҳәаа рылҭеит, инаҵшьны иазгәалҭеит агәаҭара еиҳа еиҿкаау аусуразы агәацԥыҳәара шанаҭо.

Аиҟәыҭхаразы ацәажәарақәа иашам: Аусбарҭа адиалог азы иаартуп. Аҵыхәтәантәи шықәсыки бжаки рыҩнуҵҟа «Альфа» аҟынтәи арҵага шәҟәқәа, ма аметодикатә материалқәа рзы зыҳәарак мааицт, аурокқәа рҿы арҵаҩцәа ахкьыԥхьаақәа рхы иадырхәар акәхоит. Аофициалтә зыҳәа ыҟазар аминистрра иаразнак иахәҭоу алитература анаҭоит.

Акадрқәеи адокументқәеи: ашкол арҵаҩцәа ААУ аҟны иҟоу азанааҭтә дырра аизырҳаразы Ацентр аҿы акурсқәа ирхысыр рылшоит. Акрыфара ахаҭабзиаразы азҵаарақәа ыҟаӡам, аха азиншьақәыргыларатә документқәа азакәан инақәыршәаны еиқәыршәатәуп — аусбарҭа азинтә ҟәша уи аҿы ацхыраара иазыхиоуп. Аҵара алҵшәақәа: Урыстәылатәи аҵараиурҭақәа рҭаларазу иахьа алшарақәа зегьы ыҟоуп, убри аҟнытә ари аусура ахаҭабзиара рбага хадаӡам.

«Ари агәаҭара хықәкыс иамоуп ахатәы школ "Альфа" Аԥсны Аҳәынҭқарра иаку аҵарадырра асистемахь аинтеграциа азура ауп».

Ахатәы школ «Альфа» адиректор Фатима Дауҭиа 26 шықәса рыҩнуҵҟа раԥхьатәи мҽхакы ҭбаала аусбарҭа агәаҭара аихшьаалақәа ахҳәаа алҭеит. Анапхгаҩы ажәа рылҭеит аилагарақәа зегьы шдыриашо азы, иагьазгәалҭеит аҳәынҭқарреи дареи русеицураҿы асистематә проблемақәа шыҟоу.  

Аинформациатә вакуум: 26 шықәса ҵуеит ашкол аминистрра аҟынтәи аҵаразы иаҭаху амаҭәарқәеи ашәҟәқәеи, арҵагатә цхыраагӡақәеи аиуӡомызт. Аԥсышәала арҵага шәҟәқәа ҩынтәны иҳараку ахә ахыршәаауеит. Дауҭиа ажәалагала ҟалҵеит Аԥсны аҵара аминистррахь ахатәы школқәа рзы хазы акуратор дҟарҵарц.  

Афинанстә еидара: Аусбарҭа акоммерциатә тарифқәа рыла ахә ашәоит азинҷыда ада. Убри аан мышкала 800 мааҭ ҳәа ашкол еиқәнаршәоит ахәыҷқәа асааҭ 9:00 инаркны 17:00-нӡа рыҟазаара, ҩынтә акрыфара, 6-7 урок, ахәыҷы изы 17-ҩык рҟынӡа аспециалистцәа русура.  

Аҵара ахаҭабзиара ҳаракы: агхақәа арҵаҩцәа ирхарам, анапхгара формала иҟарҵаз агхақәа роуп. Азыҟаҵара бзиа шьақәнарӷәӷәоит аушьҭымҭацәа Аԥсни Урыстәылеи иреиҳау аҵараиурҭақәа иахьҭало.  

«Ашкол анаскьагара, анаҩс астандартқәа ирықәшәом ҳәа азнеира ианеиҵаха ииашам ҭагылазаашьоуп. Аус еицаҳур зегьы ҳарҽеиуеит», - лҳәеит Дауҭиа.

Лара иаарԥшыз аилагарақәа ртәы лҳәеит, ашкол анапхгара рзы урҭ раԥыхразы иаҭаху рылалҳәеит.  

Шамба лажәақәа рыла, аинспекциа амҩаԥгараан иазгәаҭан аилагарақәа жәпакы — ашколтә документқәа иашамкәа амҩаԥгареи аусзуҩцәа рџьатә зинқәа реилагареи инадыркны амазара азы азиншьақәыргыларатә документқәа рыҟамзаареи амцарцәаратәи асанитартәи шәарҭадара анормақәа рықәымныҟәареи рҟынӡа.

Иаарԥшыз аилагарақәа рфактқәа зегьы аофициалтә ԥҟара аҳасабала еиқәыршәоуп, уи анагӡара ахылаԥшра ӷәӷәа амоуп.

Имҩаԥылгеит аҵара аминистр Хана Гәынба.

Аколлегиа аилатәараан ареспублика аҵаратә усҳәарҭақәа жәпакы рҿы имҩаԥгаз акомплекстә гәаҭарақәа рылҵшәақәа рзы аҳасабырба ӡырыргеит. Урҭ рхыԥхьаӡараҿы иҟоуп аҳҭнықалақь абжьаратә школқәа №3, №7, иара убас Аҟәа иҟоу ашкол «Альфа».

Аиԥылара алахәылацәа ҷыдала ахшыҩзышьҭра арҭеит аҵареи абызшәатә зыҟаҵареи рхаҭабзиара аизырҳара ирызкыз азҵаарақәа. Ишьақәырӷәӷәахоит ирҿыцу астандартқәеи аҵаҩцәа рдыррақәа рыҩаӡара ахәшьара аҭаразы аҭахрақәеи. Аԥсахрақәа ирыҵаркуеит 4-тәи аклассқәа рҿы аԥсуа бызшәа арҵара, 6-тәи 7-тәи аклассқәа рҿы аԥсуа литература, иара убас аурыс бызшәа иаурысым ашколқәа рҿы (4-тәи, 6-тәи, 7-тәи аклассқәа рзы).

Арҵагатә материал ҿыцқәеи апрограммақәеи шьақәырӷәӷәатәуп: аҩбатәи акласс аҵаҩцәа рзы арҵага шәҟәы «Алитературатә ԥхьара», иназыцҵоу аҵарадырра асистемазы — ашколхәыҷқәа аҽыбӷаҟазара дырҵара иазырхоу иҷыдоу апрограмма «Абҩарҵәыра».

2025-2026 аҵарашықәс азы Аминистрра аусура инарҭбаау анализи аихшьаалақәеи дырзааҭгылеит аминистр Хана Гәынба.

Аделегациа аилазаара иалоуп адәныҟатәи аусқәа рминистрра  астратегиатә усеицура Адепартамент аиҳабы Џьамал Бганбеи Мрагылара Ааигәеи Африкеи Рдепартамент аиҳабы Артур Гагәылиеи.