Аҟәа. Нанҳәамза 20, 2023 шықәса. Аԥсныпресс. Асоциалтә ҳақәа рҿы атуризм Аминистрра иарбоу аҭыԥ аҿы аекскурсиатә автобусқәа раанкылареи атуристцәа рҭыжьреи рзы ақәиҭымзаара инамаданы иҟанаҵаз адҵа шыҟоугьы, хыԥхьаӡара рацәара ауааи атранспорти зну афотосахьақәа  цәырҵуеит.

Риҵатәи ареликтә милаҭтә Парк адиректор Адамыр Багаҭелиа иҟоу аҭагылазаашьа азы адырра ҟаиҵеит.  

«Иуԥшьаратәи аҩхааҭшәа аҿы аҭагылазаашьа ҭышәынтәалоуп, аха апроблема макьаназы инагӡаны иӡбаӡам. Атранспорт ақәиҭымзааратә дыргақәа ахьышьақәыргылоу аҟынӡа инеиаанӡа, мамзаргьы, урҭ рнаҩс иаанкылоит. Ауаа аиҳарак шьапыла инеины инаԥшы-ааԥшуеит. Аекскурсиатә автобусқәа аҩхааҭшәа иахьаҵанакуа иаанкылаӡом. Аанкылара ақәиҭымтәра азы адҵа мышқәак раԥхьа ауп ианрыдыркыла, убри аҟнытә уи атәы макьаназы зегьы ирыздырӡом», – ҳәа иҳәеит Адамыр Багаҭелиа.

Аҟәа. Нанҳәамза 18, 2023 шықәса. Аԥсныпресс.  Аԥсны Аҳәынҭқарра аӡбаҩбцәа Рхеилак апрокуратура Хада аколлегиа аҿы апрокурор Хада аӡбаҩцәа русура инамаданы иҟаиҵаз акритикатә згәаҭарақәа рзы аҳәамҭа ҟанаҵеит.

Нанҳәамза 7, 2023 шықәсазы имҩаԥысит ҳазҭоу ашықәс актәи азыбжазы имҩаԥгаз аусура иазкыз Аԥсны апрокуратура Хада аколлегиа аилатәара.  

Аколлегиа аилатәара аҿы апрокурор Хада Адгәыр Агрба амассатә информациа ахархәагақәа рхаҭарнакцәа шыҟаз, аӡбаратә мчра акритика азиуит. Убри аан уи абас иҳәеит: «…акоррупционерцәа аузыжьҭуа аӡбаҩцәа ахьырхәра иақәыршәамзар, Ашьаустәи Ашьаусмҩаԥгаратәи Азакәанеидкылақәа аиҭакрақәеи ацҵақәеи алагаламхар, усҟан апрокуратура аганахьала аринахысгьы акоррупциатә усқәа рыла изеиԥшразаалак активра зыҟалаӡом».

Нанҳәамза 16, 2023 шықәсазы апрокурор Хада иҟаиҵаз аҳәамҭа инамаданы, Аԥсны Аҳәынҭқарра аӡбаҩцәа Рхеилак изаамҭанытәиим аилатәара мҩаԥган. Араҟа апрокурор хада иҳәамҭақәа рганахьала агәынамӡареи агәҭынчымреи аарԥшхеит.  

Аӡбаҩцәа Рхеилак аҿы Адгәыр Агрба иажәақәа аӡбаратәии азакәанԥҵаратәи амчрақәа раҳаҭыр лазырҟәо, иахәҭам цәажәарақәаны ирыԥхьаӡеит.  

«Аԥсны Аҳәынҭқарра Аконституциа ахәҭаҷ 7 аҳәынҭқарратә мчра азакәанԥҵаратәи, анагӡаратәи, аӡбаратәи рыла аихшара апринцип шьақәнарӷәӷәоит. Иарбоу амчра ахырхарҭақәа зхала иҟоу, зхыдҵақәа рынагӡараҿы ихьыԥшым амчратә структурақәоуп.  

Аҳәынҭқарра азакәан Хада ишышьақәнарӷәӷәаз ала, аӡбаратә мчра егьырҭ амчрақәа, аполитикатә партиақәеи ауаажәларратә еиҿкаарақәеи ирхьыԥшымкәа ахатәы зинмчы нанагӡоит. «Аӡбаратә мчра азы» Аԥсны Аҳәынҭқарра Аконституциатә закәан ахәҭаҷ 89 инақәыршәаны, аӡбаҩцәа  изкьысыр ҟамло, ихьыԥшым, Аԥсны Аҳәынҭқарра Аконституциа, аконституциатә закәанқәа мацара иацныҟәо, уаҳа ҽаџьара аҳасабырбатә хаҿны иҟам хаҿқәоуп.  

«Аӡбаратә мчра азы» Аԥсны Аҳәынҭқарра Аконституциатә закәан ахәҭаҷ 92 инақәыршәаны, аӡбаҩ иусура аҽалагалара ақәиҭымзаара апринцип шьақәнарӷәӷәоуп. Аӡбарҭа аҳаҭыр ақәымҵара ҟалаӡом.

Аӡбаҩ иганахьала алеишәатә аиакәымура аҭыԥ аиур, усҟан дарбанызаалак ауаҩы Аԥсны аӡбаҩцәа Рыквалификациатә коллегиа ахь азашшра дәықәиҵар алшоит»,  – ҳәа иазгәаҭоуп Аԥсны аӡбаҩцәа Рхеилак иҟанаҵаз аҳәамҭа аҿы.

Убри аан, аӡбаҩцәа Рхеилак, апрокурор Хада ила дарбанызаалак аӡбаҩ иганахьала изеиԥшразаалак алеишәатә аиакәымура аҭыԥ аман ҳәа Аквалификациатә коллегиа ахь азашшра аашьҭымызт ҳәа  инаҵшьны иазгәанаҭоит.  

Аҟәа. Нанҳәамза 18, 2023 шықәса. Аԥсныпресс /Алеқсеи Шамба/. Жәларбжьаратәи афорум “Аԥсны. Урыстәылатәи Афедерациа ала ареспублика ахьыԥшымра азхаҵара ҟалеижьҭеи 15 шықәса аҵра» аҳәаақәа ирҭагӡаны, ахәаша, нанҳәамза 18 рзы, Аԥсни Урыстәылеи рыбжьара еиуеиԥшым аспектқәа рыла аизыҟазаашьақәа ирызкны «Ԥхьаҟа анаԥшра. Аԥсны-Урыстәыла 2070» атема ала стол гьежь мҩаԥысит.

Аҟәа. Нанҳәамза 19, 2023 шықәса. Аԥсныпресс.  Ашьапылампыласыҩ қәыԥшцәа Даниил Дунамалиани Доминик Шьакаиеи  2009 шықәсазы ииз Москватәи Ар Аспроттә Клуб Хада (ЦСКА) алахәылацәа реилазаараҿы жәларбжьаратәи атурнир  UTLC Cup 2023 аҿы араӡнытә аԥхьахәқәа роуит. Абри атәы аанацҳауеит Аԥсны аҿари аспорти русқәа рзы аҳәынҭқарратә Еилакы.

Аҟәа. Нанҳәамза 19, 2023 шықәса. Аԥсныпресс. Нанҳәамза 18 рзы имҩаԥысыз Аҟәа ақалақьтә Еизара изаамҭанытәиим аизара 2023 шықәсазы  Аҟәа ақалақь абиуџьет аиҭакрақәеи ацҵақәеи рлагалара иазкын.  

Адепутатцәа ирыдгалан аҳҭнықалақь абиуџьет ахашәалахәытәи аныхтәи ахәҭақәа 87 млн. 624 нызықь мааҭ рыла аизырҳара. Иарбоу аԥаратә хархәагақәа иҷыдоу атехника аахәара, аргыларатә усурақәа рымҩаԥгара, иара убас Аминистрцәа Реилазаара ақәҵара инақәыршәаны, абиуџьеттә усхкы аҿы аус зуа ихадоу акатегориақәа ирыҵанакуа аусзуҩцәа руалафахәы ашьҭыхреи рзы рдәықәра азԥхьагәаҭоуп.   

Аҟәа ақалақь ахада Беслан Ешба иҟаиҵаз адыррақәа рыла, ақалақь абиуџьет ахатәы хашәалахәытә хәҭа 65 млн. мааҭ рыла инацҵаны инагӡоуп. Иарбоу аицҵалыҵ аҟынтәи  35 млн. мааҭ аиқәыршәагақәеи иҷыдоу атехникеи раахәара азы, 30 млн. мааҭ аҵыхәтәантәи аамҭазы аргыларатә материалқәеи абитуми рыхәԥса ахьхалаз инамаданы зхарџьынҵа ацлаз аргыларатә усурақәа рынагӡаразы  азоужьра азԥхьагәаҭоуп.  Даҽа 20 млн. мааҭ  – ари 14 млн. мааҭ ареспубликатә биуџьет аҟынтәи асубсидиақәеи 6 млн. мааҭ ахашәалахәытә шәахтәи ауп.  

Адепутатцәа Адыгатәи амҩала, аҵаргәатә ҭыӡқәа руак ахьыбгаз имҩаԥысуа аиҭашьақәыргыларатә усурақәа рзы ахарџьгьы абиуџьет алагалара азы ажәалагала ҟарҵеит.  

Адепутат Давид Чхеиӡе ақалақь Ахадара Адыгатәи амҩа азааигәара ииасны ицо аӡиас хәыҷы аӡышьҭра арыцқьара инамданы имҩаԥнагаз аусурақәа рзы иҭабуп ҳәа иҳәеит. Имҩаԥгаз аусурақәа ирыбзоураны ақәыршыҩ анауз ашьҭахь ауааԥсыра аӡы рыҵамлаӡеит.

Аҟәа. Нанҳәамза 19, 2023 шықәса. Аԥсныпресс.  Аԥснытәи абоксиорцәа нанҳәамза 19 рзы Ростовтәи аобласть, ақалақь Красныи Сулин аҿы имҩаԥысуаз V атрадициатә турнир «Афицарцәа» аҿы аԥхьахәтә  ҭыԥқәа 10 ааныркылеит, ҳәа адырра ҟанаҵоит Аԥсны аҿари аспорти русқәа рзы аҳәынҭқарратә Еилакы.

Аҟәа. Нанҳәамза 18, 2023 шықәса. Аԥсныпресс. Аԥсны Арбџьармчқәеи Урыстәылатәи Афедерациа Арбџьармчқәеи еицынарыгӡо арратә ҽазыҟаҵарақәа рыплан инақәыршәаны, 2023 шықәса, нанҳәамза 21 инаркны цәыббрамза 1-аҟынӡа Гәылрыԥшь, Очамчыра, Ҭҟәарчал, Гал араионқәа иахьрыҵанакуа  иҷыдоу, аԥырратәии атактикатәи арратә ҽазыҟаҵарақәа мҩаԥысуеит. Абри атәы аанацҳауеит Аԥсны атәылахьчара Аминистрра апресс-маҵзура.

Аҟәа. Нанҳәамза 18, 2023 шықәса. Аԥсныпресс. Москва ақалақь аҿы абжьара-занааҭтә ҵарадырра азы I  Урыстәылазегьтәи афорум аҿы Аԥсны  аҵара  Аминистрреи  амҩаҿы аныҟәара ашәарҭадара апропаганда азы урыстәылатәи ахәыҷтәы-қәыԥштә уаажәларратә еиҿкаареи  «Амҩаҿы аныҟәара аинспектор қәыԥшцәа» аусеицуразы аиқәшаҳаҭра рыбжьарҵеит. Убри азы адырра ҟанаҵоит Аԥсны аҵара Аминистрра апресс-маҵзура.

Аҟәа. Нанҳәамза 18, 2023 шықәса. Аԥсныпресс. И. Гь. Папасқьыр ихьӡ зху Амилаҭтә библиотека «Алеқсандр Солженицын ихьӡ зху аурыс ҳәаанырцәра Аҩны» аҟынтәи ашәҟәқәа рпартиа ду ҳамҭас иаиуит.

«Ҳара ҳфонд зеиӷьаҟам асахьаркыратә литература, арҵагатә цхыраагӡатәқәа, аҭоурыхи алитературеи аҟазареи акультуреи рзы ашәҟәқәа рыла ихарҭәаахеит», – ҳәа иазгәеиҭеит Феисбук иҟоу абиблиотека адаҟьа аҿы абиблиотека адиректор Борис Ҷолариа.

«Алеқсандр Солженицын ихьӡ зху аурыс ҳәаанырцәра Аҩны» — зусура аурыс ҳәаанырцәра  акультуратә ҭынха аҭҵаара, иара убас Урыстәыла анҭыҵ иҟоу аидгьылуаа рымадареи реимадареи аҿиареи арӷәӷәареи иазырхоу  амузеи, архив, абиблиотека, анаука-ҭҵааратә, аинформациа-ҭыжьратә, акультура-рккаратә центрқәа рыла ишьақәгылоу ауникалра злоу акомплекс ауп.

Аҟәа. Нанҳәамза 18, 2023 шықәса. Аԥсныпресс.   Жәларбжьаратәи афорум «Аԥсны. Урыстәылатәи Афедерациа ала ареспублика ахьыԥшымра азхаҵара ҟалеижьҭеи 15 шықәса аҵра» аҳәаақәа ирҭагӡаны Аԥснытәи аҳәынҭқарратә Университети Акоммуникациақәа рыҿиаразы Амилаҭтә ҭҵаарадырратә Институти (Москва, Урыстәыла) рыбжьара аусеицуразы агәҭакқәа рыԥканҵа анапаҵыҩра мҩаԥысит.