Items filtered by date: Аԥшьаша, 21 Цәыббра 2023

Сухум. 21 сентября 2023. Апсныпресс. Министр туризма Теймураз Хишба проинформировал премьер-министра Александра Анкваба об итогах рабочей поездки в Казахстан, в ходе которой он принял участие в работе I Международного туристического форума «Стратегия устойчивого развития туризма в неустойчивом мире» и Международного конгресса туроператоров "Трансформация международного туристского рынка в современных условиях. Перспективы развития и партнерства".

Аҟәа. Цәыббрамза 21, 2023 шықәса. Аԥсныпресс. Атуризм аминистр Ҭеимураз Хишба атәыла аԥыза-министр Алеқсандр Анқәаб Ҟазахсҭанҟа иусуратә ҭаара аихшьаалақәа ртәы изеиҭеиҳәеит. Иарбоу усуратә ҭаара аҳәаақәа ирҭагӡаны аминистр Ҭеимураз Хишба I Жәларбжьаратәи атуристтә форум «Иҭышәынтәалам адунеи аҿы аҭышәынтәалоу атуризм аҿиара астратегиа», иара убас атуроператорцәа жәларбжьаратәи рконгресс  «Жәларбжьаратәи атуристтә џьармыкьа ҳаамҭазтәи аҭагылазаашьақәа рҿы атрансфрмациа, аҿиареи апартниорреи рперспективақәа»  ихы алаирхәит.

Аԥсны аминистрцәа Реилазаара апресс-маҵзура иҟанаҵо адыррақәа рыла, аԥснытәи аделегациа  ахаҭарнакцәа аусмҩаԥгатәқәа ирылахәыз атәылақәа рхаҭарнакцәа атуризм аусхкы аҿы жәларбжьаратәи аусеицура арҿиара аганахьала ирымоу ажәалагалақәа рыдгалара еиҿнакааит.

Аҟәа. Цәыббрамза 21, 2023 шықәса. Аԥсныпресс. Аԥсны Аҳәынҭқарра Ахада Ихаҭыԥуаҩ Бадра Гәынба амчратә структурақәа рхаҭарнакцәеи Аҟәа ақалақь Ахада Беслан Ешбеи алархәны аусуратә еилатәара мҩаԥигеит.  Абри атәы аанацҳауеит Аҳәынҭқарра Ахада ипресс-маҵзура.

Аиԥылара иалахәыз Аԥсны Аҳәынҭқарра Аиааиреи Ахьыԥшымреи Рымшныҳәа 30-шықәса азгәаҭара аҽазыҟаҵара азҵаарақәа ирылацәажеит.

Ишьақәырӷәӷәан аплан. Уи инақәыршәаны, аҩныҵҟатәи аусқәа Рминистрра ала цәыббрамза 28 – 30 рзы Аҟәа ақалақь агәы  аҿы автотранспорт аныҟәара аганахьала аԥкрақәа алагалахоит. 

Убас, цәыббрмза 28 рзы аныҟәара аанкылахоит Аџьынџьтәылатәи еибашьра аҿы Аиааира агара Амш иазку апарад арепетициа Хада амҩаԥгара инамаданы.  Арепетициа иалахәхоит апарадттә арратә гәыԥқәеи аибашьыгатә акәалӡтәы техникеи.  

Цәыббрамза 28, 30 рзы, асааҭ  06:00 инаркны  13:00 аҟынӡа Ахақәиҭра Ашҭа азааигәара иҟоу амҩақәа:  В. Арӡынба, Д. Гәлиа, В. Басариа, Г. Ӡиӡариа, С. Дбар,  А. Пушкин, Аидгылара, Аиааира апроспекти ахәҭак, А.Пушкин имҩа аҟынтәи А.Ҷоҷуа имҩа аҟынӡа амашьынақәа рныҟәара аамҭала иаанкылахоит.  

Арҭ амшқәа рзы Н.Лакоба имҩала ҩ-ганктәи аныҟәара еиҿкаахоит. Убри инамаданы, уаҟа амашьынақәа рыргылара азы зынӡа азин ҟалаӡом.

Аҟәа. Цәыббрамза 21, 2023 шықәса. Аԥсныпресс. Гагра араион аҿы аԥсабараҿы амцакрақәа рхыԥхьаӡара иацлеит. Иҳаҩсыз уахыки-ҽнаки рыла гектарк аҟынӡа иахьаҵанакуа амца амҽханакит, ҳәа адырра ҟанаҵоит Аԥны Иҷыдоу аҭагылазаашьақәа рзы Аминистрра апрес-маҵзура.

Амца ирланы алаҵәара ишьақәгылан иҟоу ашоура ауп изыхҟьо. Гагра араион ала Амцарцәара-еиқәырхаратә Отриад аусзуҩцәа амцарцәаратә ԥшь-бригадак рымчала амцакра ааныркылеит. Урҭ рыҟалара мзыс иамоу ауаҩытәыҩсатә фактор ауп.

Сухум. 21 сентября 2023. Апсныпресс. В связи с празднованием 30-летия Победы в Отечественной войне народа Абхазии 1992-1993 гг. Благотворительный фонд «Помним» выделил членам семей погибших добровольцев по 30 000 рублей.

Единовременное пособие получили 17 человек:

Аҟәа. Цәыббрамза 21, 2023 шықәса. Аԥсныпресс. Цәыббрамза 27, асааҭ 11:00 рзы, Аԥснытәи аҳәынҭқарратә Университет аҿы имҩаԥгахоит афотоцәыргақәҵа «Аибашьра ашықәсҩыра». Араҟа ицәыргақәҵахоит апрофессор, ажурналист Екатерина Бебиа  лархив аҟынтәи  1992-1993 шш. Аԥсны жәлар Рџьынџтәылатәи еибашьра иалахәыз аибашьцәа рфотосахьақәа.  

«Цәыббрамза 27 рзы имҩаԥысуа ацәыргақәҵа аҿы ицәыргақәҵахоит схатә архив аҟынтәи афотосахьақәа. Аекспозициа иалоуп 1500-ҩык аибашьцәа еидызкыло 170-цыра афотосахьақәа. Иара убри аҽныҵәҟьа, асааҭ 12:00 рзы ААУ аҿы «Шьала иҩу асаламшәҟәқәа» ҳәа хыс измоу  сышәҟәы ҿыц аӡыргара мҩаԥысуеит. Уи ажурналист Гарри Дбар игәалашәара иазкуп», – ҳәа И.Папасқьыр ихьӡ зху Амилаҭтә библиотека аҿы имҩаԥысыз апресс-конференциа аҿы дықәгыло еиҭалҳәеит лара.  

Аҟәа. Цәыббрамза 21, 2023 шықәса. Аԥсныпресс. Аԥсны акультура Аминистрра 1992-1993шш. Аԥсны жәлар Рџьынџьтәылатәи еибашьра аҿы Аиааира агара Амш 30-шықәса ахыҵра иазку зметраж кьаҿу  адокументалтәи асахьаркыратәи афильмқәа рконкурс ахь ицәыргаз 19 фильм рҟынтәи 6-усумҭак алнахит.  

Аконкурс аихшьаалақәа рыла х-документалтә фильми х-сахьаркыратә фильми  алкаахеит.

«Ҳара иаҳзаашьҭын аконкурс алахәхаразы 19 зыҳәамҭа, уи ас еиԥш иҟоу аформат азы даара ибзиоуп. Ҩ-етапк рышьҭахь иалаҳкааит аиааира згаз афильмқәа фба. Уи – Манана Кококсқьыр, Фатима Кәыҭелиа, Елеонора Гилоиан иҭырхыз адокументалтә фильмқәеи Ҭенгиз Џьопуа, Даур Ладариа, Сабина Харџьелиа иҭырхыз асахьаркыратә фильмқәеи роуп.

Аҟәа. Цәыббрмза 21, 2023 шықәса. Аԥсныпресс. Татарсҭан аделегациа Аԥсныҟа аусуратә визит амҩаԥгара аҳәаақәа ирҭагӡаны, Ареспубликатә ҳәынҭқарратә усбарҭа «Аԥснымедиеи» Акционертә еилазаара «Татмедиеи» аусеицуразы Аиқәшаҳаҭра рыбжьарҵеит.

Аусшәҟы рнапы аҵарҩит Ареспублиатә ҳәынҭқарратә Усбарҭа «Аԥснымедиа» адиректор Хада Роберт Џьопуа, Акционертә Еилазаара «Татмедиа»  адиректор Хада Шамиль Садыков.

Знапаҵыҩра мҩаԥгаз аусшәҟәы инақәыршәаны, аганқәа аинформациа ала аимадара аганахьала аусеицура рыбжьарҵоит.

«Аԥснымедиа» адиректор Хада Роберт Џьопуа асасцәа бзиала шәаабеит ҳәа раҳәо иазгәеиҭеит:  «Ҳара Ҭаҭарсҭанҟа ҳцара шәара ишәымоу аԥышәа шәымадара иазкын. Хымзтәи ҳаибадырра иалагӡаны аинформациала аимдара ҳабжьан, изныкамкәа-иҩынтәымкәа онлаин-семинарқәа мҩаԥысуан, иахьа аусеицуразы аиқәшаҳаҭра ҳабжьаҳҵараны ҳаҟоуп».

Акционертә Еилазаара «Татмедиа» адиректор Хада Шамиль Садыков 15 шықәса раԥхьа ареспубликатәи амуниципалтәи амассатә инфорациа ахархәагақәа зегьы ааизакны аҳәынҭқарратә еилакны аҟаҵаразы аӡбамҭа рыдыркылеит ҳәа еиҭеиҳәеит.  

«Ҳаилазаара ауникалра, апроцессқәа зегьы, аредакциатә усура инаркны, агазеҭқәа рҭыжьра аума, урҭ рыларҵәара аума, аконтент зегьы ахьеизо аинтеграциатә еиҿкаара аҳасабала ашьақәгылара, ажәакала амассатә информациа ахархәагақәа зегьы структурак аҿы реизакра алыршара иадҳәалоуп. Уи иабзоураны анапхгараҭаратә процессқәа реизакреи иситемаркны аҿиареи, зегьы ирыцку – аҳәанҭқарра исистеракны аус ацуразы алшара аԥҵахеит», – ҳәа иазгәеиҭеит Шамиль Садыков.      

Акьыԥхьреи амассатә коммуникациақәеи рзы Ареспубликатә агентра «Татмедиа» анапхгаҩы Аидар Салимгараев, аԥснытәи рколлегацәа ацхыраара рыҭара азы агәазыҳәара ду ыҟоуп, избан акәзар идуум аредациақәа рҿы иахәҭоу акомпетенциақәа рышьақәыргылара даара иуадаҩуп ҳәа иазгәеиҭеит.

«Аиқәшаҳаҭра аиҳарак ала аинформациатә еимадара иадҳәалахоит. Аҵыхәтәантәи аамҭазы аинформациатә дунеи даара ирласны аҽеиҭакра иаҿуп, убри аганахьала ҳалшарақәа еибыҭаны аидгылара алҳаршар ҳҭахуп. Ҳара аҵаратә программақәа рыла аимдара, аинформациатә технологиақәа русхкы аҿы аусеицура ҳазхиоуп», – ҳәа иазгәеиҭеит иара.

Аҟәа. Цәыббрамза 21, 2023 шықәса. Аԥсныпресс. Маҷара ақыҭан апрофилактикатә усмҩаԥгатәқәа рымҩаԥгараан абнара иахьаҵанакуа даанкылахеит  Меликиан Руслан Гунтер-иԥа. Ари ақыҭаҿы инхо, 1968 шықәса рзы ииз ахаҵа, анаҩс Гәылрыԥшь араион аҩныҵҟатәи аусқәа Рыҟәша аусзуҩцәа идырбалаз, имырхыз арҩышьыга маҭәашьар злоу аҵиаа иҵәахны иман,ҳәа адырра ҟанаҵоит Аԥсны аҩныҵҟатәи аусқәа Рминистрра апресс-маҵзура.

Иаанкылаз ахаҵа иҩны аҿы агәаҭарақәа рымҩаԥгараан, амилициа аусзуҩцәа Меликиан Руслан иуҭраҿы еиҭаҳаны имаз арҩышьыга маҭәашьар злоу аҵиааи, иара убас ирҩаны иҟаз   аиԥш-зеиԥшу аҵиаагьы рыԥшааит.  Иҭаҵәахыз аҭра аҟынтәи ицәырган анапылатә граната Ф1 акорпус. Уи атехникатә ҟазшьақәа рыла аус ауеит ҳәа ишьақәырӷәӷәан.

Аҩны аҩбатәи аихагылаҿы убасҵәҟьа ирыԥшааит арҩышьыга маҭәашьар злоу аҵиааи, иара убас ирҩаны, ирххны  иҟаз   аиԥш-зеиԥшу аҵиаа зҭаз аилаҳәарагьы.

Аекспертцәа излашьақәдыргылаз ала, Руслан Меликиан имхыз амаҭәашьарқәа зыкапан 100 грамм рҟынӡа инаӡо каннабис ҳәа изышьҭоу арҩышьыга маҭәашьар злоу аҵиаахкы ауп. Убри аан иара Руслан Меликиан ихаҭа арҩышьыга маҭәашьар идкыланы дыҟан ҳәа ишьақәырӷәӷәан.

Аҟәа. Цәыббрамза 21, 2023 шықәса. Аԥсныпресс. Ареспублика Аԥсны Анапхгареи Ареспублика Никарагуа Анапхгареи аамҭарацәа зҵазкуа аҿиара азы аҩганктәи аусеицуразы ирыбжьарҵаз Аиқәшаҳаҭра, иара убас 2023 шықәсазы аусмҩаԥгатәқәа рыпрограмма анагӡара аҳәаақәа ирҭагӡаны, цәыббрамза 20 рзы Аҿари аспорти русқәа рзы аҳәынҭқарратә Еилакы аҿы онлаин режим ала Никарагуатәи рколлегацәа рԥылара мҩаԥысит, ҳәа адырра ҟанаҵеит Аҿари аспорти русқәа рзы аҳәынҭқарратә Еилакы.

Аԥсуа ган аҟынтәи аиԥылара рхы аладырхәит Аҿари аспорти русқәа рзы аҳәынҭқарратә Еилакы ахантәаҩы ицхырааҩ Рафаель Амԥари Аилак аспециалист хадақәа Алиса Инаԥшьбеи Адгәыр Киути.

Никарагуантәи аган аҟынтәи:  Манагуа ақалақь Ахадара аспорттә департамент адиректор Ноель Гонсалес, Аспорт Аминистрра Никарагуантәи аспорт Аинститут (IND) ахаҭарнак Фредди Араика, Алексис Аргуелио ихьӡ зху аспорттә еиҿкаара (МDAA) амилаҭтә координатор Даниель Секеира.

Никарагуа ахаҭарнакцәа аспорт, амилаҭтә спорттә турнирқәеи аусмҩаԥгатәқәеи рыҿиареи  рпопулиаризациеи аспорттә инфраструктура ахь аинвестициақәа ралагалареи рзы имҩаԥысуа ауснагӡатәқәа ирылацәажәеит.