Items filtered by date: Ашәахьа, 06 Хәажәкыр 2023
ИМҨАԤЫСИТ ИЗАКӘАНЫМКӘА АКРИПТОВАЛИУТА АРҲАРА АҾАГЫЛАРА АЗЫ АШТАБ АИЛАТӘАРА.
Аҟәа. Хәажәкырамза 6, 2023 шықәса. Аԥсныпресс. Атәыла аԥыза-министр Алеқсандр Анқәаб изакәанымкәа акриптовалиута арҳара азы ареспубликатә Штаб изаамҭанытәиу аилатәара мҩаԥигеит.
Аилатәара аҿы ирылацәажәеит изакәанымкәа афымцамч ахархәара аԥхьырҟәҟәаара азы имҩаԥысуа аусура абжьаратәи алҵшәақәа.
Имҩаԥгаз аусура иалҵшәаны, иҳаҩсыз ҩымчыбжь ирылагӡаны афымцацәаҳәақәа рықәыӷәӷәара аларҟәра алыршахеит, аха аҵыхәтәантәи хымш рыла афымцамч ахархәара арбагақәа ҩаԥхьа иазҳаит.
АЛЕҚСАНДР АНҚӘАБ НАӠАӠЕ ИМҨАЛА ИГЫЛОУ АҨНЫ АҾЫ ИНХО АУАА ДАҼАЏЬАРА РНЫРХАРА АЗҴААРАҚӘА РЫЛА АИЛАТӘАРА МҨАԤИГЕИТ.
Аҟәа. Хәажәкырамза 6, 2023 шықәса. Аԥсныпресс. Наӡаӡе имҩала игылоу аҩнеихагыла №3 аҿы инхо ауаа даҽаџьара рнырхара иадҳәалоу азҵаарақәа ирызкын атәыла аԥыза-министр Алеқсандр Анқәаб иҿы имҩаԥысыз аилатәара. Уи рхы аладырхәит аԥыза-министр ихаҭыԥуаҩ, афинансқәа рминистр Владимир Делба, Аҟәа ақалақь ахада Беслан Ешба, уи ихаҭыԥуаҩ Асҭамыр Ашәба.
Аҳҭнықалақь ахадара анхарҭа ахәԥса ахарҭәаара, мамзаргьы уаанӡа изыҩназ анхарҭаҭыԥ амыцхәра аҳасабала даҽа нхарҭаҭыԥ ала реиқәыршәара азы заанаҵтәи аӡбамҭақәа рзы адырра рыҭан.
АБИУЏЬЕТИ АКРЕДИТТӘ ЕИҾКААРАҚӘЕИ АШӘАХТӘҚӘЕИ АФИНАНСҚӘЕИ РЗЫ АИЛАК «АФИНАНСТӘ ҚЬЫРА (АЛИЗИНГ) АЗЫ» АЗАКӘАН АПРОЕКТ АҨБАТӘИ АԤХЬАРАҾЫ АДКЫЛАРА АЗЫ АБЖЬГАРА ҞАНАҴОИТ.
Аҟәа. Хәажәкырамза 6, 2023 шықәса. Аԥсныпресс. Беслан Ҳалуашь хантәаҩра ззиуаз абиуџьети, акредиттә еиҿкаарақәеи, ашәахтәқәеи, афинансқәеи рзы апарламенттә еилакы аилатәара аҿы азакәан апроектқәа ҩба ирыхәаԥшит.
«Афинанстә қьыра (ализинг) азы» азакәан апроект афинанстә қьыра (ализинг) азинтәии аиҿкаара-економикатә ҷыдарақәа алнакаауеит. Иарбоу азакәан апроект азкуп афинанстә қьыра, ахатәтәҩы изинқәа, аинвестициатә процесс иалахәу рзинқәа рыхьчара, аинвестициа алагалара хырҳага аманы аҟаҵара шьаҭас иаҭаны аарыхра ахархәагақәа рзы аинвестициақәа рформақәа рырҿиара.
Аилацәажәараан аилатәара алахәцәа ахәаԥшит адепутат Инар Гыцба ирыдигалаз арҽеирақәа жәпакы, азыӡбагьы рыдыркылеит абарҭ арҽеирақәа ҳасаб рзуны, Апарламент иабжьыргарц «Афинанстә қьыра (ализинг) азы» азакәан апроект ааигәа имҩаԥысраны иҟоу асессиа аилатәараҟны аҩбатәи аԥхьараан ишьақәырӷәӷәазарц.
ЖӘЛАР РЫНХАМҨА АИХЬӠАРАҚӘА РЦӘЫРГАҚӘҴА АҾЫ ИҞОУ АПАВИЛИОН «АБХАЗИЯ» АРЕСТАВРАЦИА ҲАЗҬОУ АШЫҚӘС АЗЫ ИХЫРКӘШАХОИТ.
Аҟәа. Хәажәкырамза 6, 2023 шықәса. Аԥсныпресс. Сынтәа Жәлар Рынхамҩа Аихьӡарақәа Рцәыргақәа аҿы ихыркәшахараны иҟоуп 15 павилион рыргылареи реиҭашьақәыргылареи.
«Урҭ рхыԥхьаӡараҿы иҟоуп амилаҭтә павилионқәа ҩба: Аԥсни Узбекисҭани. Иацәыӡыз аелеменқәа еиҭашьақәыргылахоит архивтә хсаалақәа, аҭоурыхтә ҭыхымҭақәеи аусурақәа рымҩаԥгараан иԥшааз афрагментқәеи рыла», - ҳәа Москва ақалақь ахада Сергеи Сабианин имоу Telegram-канал аҿы адырра ҟаҵоуп.
Апавилион «Атом» аҿы иҟалоит Урыстәыла аҿы зегьы иреиҳау, ҳаамҭа иақәшәо амузеитә плошьадка, уи атәылеи адунеи рҿы аиадертә технологиақәа рыҭҵаареи рхархәареи иазкхоит.
РЕСТАВРАЦИЯ ПАВИЛЬОНА «АБХАЗИЯ» НА ВДНХ ЗАВЕРШИТСЯ В ЭТОМ ГОДУ
Сухум. 6 марта 2023. Апсныпресс. В этом году на ВДНХ завершатся реставрация и строительство 15 павильонов.
«В их числе два национальных павильона: Абхазии и Узбекистана. Утраченные элементы восстанавливают по архивным чертежам, историческим снимкам и фрагментам, найденным во время работ», - сообщается в Telegram-канале мэра Москвы Сергея Собянина.
АԤЫԤШЫРҬА “ԤСОУ” АҾЫ АШӘҞӘЫ ҞАԤШЬ ИҬАГАЛОУ АДӘЫБӶАҶ АИАГАРА АԤХЬЫРҞӘҞӘААРА АЛЫРШАХЕИТ.
Аҟәа. Хәажәкырамза 6, 2023 шықәса. Аԥсныпресс. Аҳәынҭқарратә ҳазылхратә Еилакы аҳазылхратә ԥыԥшырҭа «Ԥсоу» аусзуҩцәа амашьынамҩатә хырхарҭа «Експорт» аҿы автомашьына агәаҭара мҩаԥыргеит. Агәаҭараан амашьына асалон аҿы ихҵәаны еиқәыршәаз, зыкапан 94,3 кьыла рҟынӡа инаӡоз, Аԥсны аҳазылхратә территориа аҟынтәи зыиагара ҟамло адәыбӷаҷ амахәқәа рыԥшааит. Абри атәы аанацҳауеит Аԥсны аҳәынҭқарратә ҳазылхратә Еилакы аофициалтә саит.
Адәыбӷаҷ ҳәа изышьҭоу, аиаӡаара иаҿу, ашәҟәы Ҟаԥшь иҭагалоу ҵиаа хкуп.
ԤШЬ-НЫЗЫҚЬ ЦЫРА ИНАРЕИҲАНЫ АСИГАРЕҬ РЫМЫРХИТ АԤСНИ УРЫСТӘЫЛЕИ ИРЫБЖЬОУ АҲӘЫНҬҚАРРАТӘ ҲӘАА АҾЫ.
Аҟәа. Хәажәкырамза 6, 2023 шықәса. Аԥсныпресс. Аԥсны аҳәынҭқарратә ҳазылхратә Еилакы аҳазылхратә Ԥыԥшырҭа «Ԥсоу» аконтрабати аҳазылхратә зинеилагарақәеи рыԥхьырҟәҟәаара аҟәша аусзуҩцәа ашьаҟамҩатә хырхарҭа «Экспорт» аҳазылхратә гәаҭара азона аҿы даанкыланы дгәарҭеит Аԥсны атәылауаҩ. Атәылауаҩ инапылеидара агәаҭараан идырбалеит иагьимырхит зхыԥхьаӡара 4580 цыра рҟынӡа инаӡоз Аԥсны акцизтә еизга адырга змаз аҭаҭын аалыҵ.
АТУРИСТЦӘА АԤСНЫ РЫҞАЗАРААН ЕИУЕИԤШЫМ АҬАГЫЛАЗААШЬАҚӘА РҾЫ РХЫМҨАԤГАШЬА АЗЫ ЕИЛКААУ АМҨАҚӘҴАГА РЫМАЗАР АХӘҬОУП.
Аҟәа. Хәажәкырамза 6, 2023 шықәса. Аԥсныпресс. Атуристцәа рыбгаԥсаҟаҵара иадҳәалоу азҵаарақәа ирзааҭгылеит Аԥсны атуризм аминистр Ҭеимураз Хишбеи Урыстәылатәи Абгаԥсатә Еилазаара (РСО) «Евроинс» аҿга адиректор Андреи Тиурини, ҳәа иаанацҳауеит атуризм Аминистрра апресс-маҵзура.
Ҭеимураз Хишба иажәақәа рыла, 2024 шықәсазы, Аҟәа аҳаирбаӷәаза аартра аныҟалалак ашьҭахь Аԥсныҟа иаауа атуристцәа рхыԥхьаӡара иазҳауеит. Ареспублиа акурортқәа урыстәылатәи атуристцәа ирзыԥшуп, урҭ рыԥсшьаразы иманшәалоу аҭагылазаашьақәа раԥҵарагьы иазхиоуп.
АԤСНЫ АТУРИЗМ АМИНИСТРРА АҾЫ АТУРИЗМ АЗЫ АЗАКӘАН АПРОЕКТ ҾЫЦ АУС АДУЛАРА МҨАԤЫСУЕИТ.
Аҟәа. Хәажәкырамза 6, 2023 шықәса. Аԥсныпресс. Аԥсны атуризм Аминистрра аҿы «Атуризм азы» азакәан апроект ҿыц аус адулара иадҳәалоу азҵаарақәа ирылацәажәеит. Аилатәара рхы аладырхәит ахылаԥшырҭа аусзуҩцәеи ааԥхьара зауз азиндырыҩцәеи.
Атуризм аминистр Ҭеимураз Хишба, атәыла аҿы ҳаамҭазтәи ареалиақәа зныԥшуа азакәан ҿыц адкылара аҭахны иҟоуижьҭеи акрааҵуеит ҳәа иазгәеиҭеит.
АҞӘА АҚАЛАҚЬ АҾЫ ИМҨАԤЫСИТ АСАХЬАРКЫРАТӘ ГИМНАСТИКА АЗЫ АХӘЫҶТӘЫ-ҚӘЫԤШТӘ СПОРТ ШКОЛ ИААРТУ АԤХЬАХӘГАРА.
Аҟәа. Хәажәкырамза 6, 2023 шықәса. Аԥсныпресс. Аҟәа ақалақь аҿы аибашьрашьҭахьтәи ашықәсқәа рзы раԥхьаӡа акәны имҩаԥысит асахьаркыратә гимнастика азы аицлабрақәа, ҳәа иаанацҳауеит аҳҭнықалақь Ахадара аҵара Аусбарҭа.
Асахьаркыратә гимнастика асекциа аатит ажьырныҳәамза, 2023 шықәсазы Аҟәатәи ахәыҷтәы-қәыԥштә спорт школ №1 аҿы.
Агимнасткацәа азыҟалҵоит Краснодартәи атәылаҿацә аҟынтәи ааԥхьара зауз азыҟаҵаҩ Ирина Китаева. Асекциа аҿы рҽазыҟарҵоит 2009-2011 шш. рзы ииз 80-ҩык рҟынӡа аӡӷабцәа.