Аҟәа. Хәажәкырамза 6, 2023 шықәса. Аԥсныпресс. Сынтәа Жәлар Рынхамҩа Аихьӡарақәа Рцәыргақәа аҿы ихыркәшахараны иҟоуп 15 павилион рыргылареи реиҭашьақәыргылареи.
«Урҭ рхыԥхьаӡараҿы иҟоуп амилаҭтә павилионқәа ҩба: Аԥсни Узбекисҭани. Иацәыӡыз аелеменқәа еиҭашьақәыргылахоит архивтә хсаалақәа, аҭоурыхтә ҭыхымҭақәеи аусурақәа рымҩаԥгараан иԥшааз афрагментқәеи рыла», - ҳәа Москва ақалақь ахада Сергеи Сабианин имоу Telegram-канал аҿы адырра ҟаҵоуп.
Апавилион «Атом» аҿы иҟалоит Урыстәыла аҿы зегьы иреиҳау, ҳаамҭа иақәшәо амузеитә плошьадка, уи атәылеи адунеи рҿы аиадертә технологиақәа рыҭҵаареи рхархәареи иазкхоит.
Апавилион "Центральный" аҿы Третиаковка аекспозициа аатуеит. Агалереиа аҿы ицәыргақәҵахоит 40 инарзынаԥшуа ашедеврқәа: асахьақәа, аскульптурақәа, амозаикақәа, уҳәа убас иҵегьы.
Апавилион «Абхазия» — Жәлар Рынхамҩа Аихьӡарақәа Рцәыргақәҵа (ВДНХ) аҿы афбатәи апавилион ауп. Уи 1952—1954-тәи ашықәсақәа рзы иргылан. Раԥхьа уи хьӡыс иаман «Литовская ССР», 1964 — 2014-тәи ашықәсқәа рзы — «Химия».
