Аҟәа. Цәыббрамза 22, 2025 шықәса. Аԥсныпресс. Аҟәа ақалақь аҿы Нижни Новгород аҟынтәи аиқәыршәазааразы апрофессионалцәа ркоманда инанагӡо асквер аҭеиҭыԥш арҽеира иазку аусурақәа ирыцҵоуп.  Аспециалистцәа 1992-1993 шш. Аԥсны жәлар Рџьынџьтәылатәи еибашьра аҿы иҭахаз рбаҟа аҭеиҭыԥш арҽеира ахь ииасуеит.  

Аҟәа. Цәыббрамза 22, 2025 шықәса. Аԥсныпресс.  АААК ИА Ахантәаҩы Мусса Егзакь дрыдышшылеит зыԥсҭазаара иалҵыз Станислав Лакоба иуацәеи иҭынхацәеи.

Аҟәа. Цәыббрамза 21, 2025 шықәса. Аԥсныпресс. Аԥсны Аҳәынҭқарра адәныҟатәи аусқәа рминистр Олег Барцыц аҳәынҭқарратә, аполитикатә усзуҩ, еицырдыруа аҵарауаҩ Станислав Лакоба рыцҳарала иԥсҭазаара иалҵра инамаданы адышшылара ҟаиҵеит.

Аҟәа. Цәыббрамза 22, 2025 шықәса. Аԥсныпресс. Лаша Ашәба Аԥсны Жәлар Реизара–Апарламент адепутатцәа рыхьӡала Лакоба Станислав Зосим-иԥа иԥсҭазаара иалҵра инамаданы адышшылара ҟаиҵеит.

«Аԥсны Жәлар Реизара – Апарламент адепутатцәа рыхьӡала Лакоба Станислав Зосим-иԥа иԥсҭазаара иалҵра инамаданы гәалсра дула срыдышшылоит иуацәеи иҭынхацәеи.

Аҟәа. Цәыббрамза 22, 2025 швқәса. Аԥсныпресс. Аԥсны Аҳәынҭқарра Ахада Аиааиреи Ахьыԥшымреи Рымши Аҟәа ақалақь ахақәиҭтәра Амши разгәаҭара иазку аилацәажәара мҩаԥигеит.

Аилацәажәара иалахәын атәыла аԥыза-министр Валери Делба, Аҳәынҭқарра Ахада Иусбарҭа анапхгаҩы  Беслан Ешба,  аԥыза-министр ихаҭыԥуаҩ, аҩныҵҟатәи аусқәа рминистр Роберт Кьиут, атәылахьчара аминистр Владимир Ануа, Арбџьар мчқәа рыштаб хада аиҳабы Владимир Савченко, Аҟәа ақалақь Администрациа ахада Ҭемыр Агрба, акультура аминистр ихаҭыԥуаҩ Динара Смыр.

Аҟәа. Цәыббрамза 21, 2025 шықәса. Аԥсныпресс. Аԥсны Ахада аԥсуа культура афестиваль «АԤСНЫ» алахәцәеи асасцәеи рыхьӡала адныҳәалара ҟаиҵеит.

Аҟәа. Цәыббрамза 20, 2025 шықәса. Аԥсныпресс. Урыстәылатәи аекспертцәа Гагра араион аҿы иҟоу аихамҩатә туннель №9 агәаҭараан ихьанҭоу аԥхасҭахара ҳәа акгьы аадмырԥшӡеит.  Абри азы Sputnik-Аԥсны ахь адырра ҟаиҵеит АУН «Аԥснытәи Аихамҩа» анџьныр хада Леонид Ҟәыруа.

Аҟәа. Цәыббрамза 20, 2025 шықәса. Аԥсныпресс.  Аԥсны Ахада Бадра Гәынба Аахыҵ Уаԥҵстәыла Ахада Алан Гаглоев, Урыстәыла Ахада Иусбарҭа анапхгаҩы актәи ихаҭыԥуаҩ Сергеи Кириенкои егьырҭ ҳаҭыр зқәу асасцәеи дрыцны аетнографиатә ныҳәа «Ауаԥсаа ргәараҭа» даҭааит.

Аҟәа. Цәыббрамза 20, 2025 шықәса. Аԥсныпресс.  Ареспублика Аахыҵ Уаԥстәыла Ахада Алан Гаглоев Иусԥҟа инақәыршәаны, Аԥсны Аҳәынҭқарра Ахада Бадра Гәынба – Ареспублика Аԥсни Ареспублика  Аахыҵ Уаԥстәылеи рыбжьара аусеицуреи аимабзиаратә еизыҟазаашьақәеи рыҿиара аус аҿы хаҭала илагала ду азы  иреиҳау аҳамҭақәа иреиуоу – Аиҩызара Аорден ианашьахеит.  Абри азы адырра ҟанаҵоит Аҳәынҭқарра Ахада ипресс-маҵзура.

Аҟәа.  Цәыббрамза 20, 2025 шықәса. Аԥсныпресс.  73-шықәса дшырҭагылаз машәырла дҭахеит еицырдыруаз аԥсуа ҭоурыхдырҩы, алитератор, ауаажәларратәи аполитикатәи аусзуҩ, аҭоурыхтә наукақәа ркандидат, Аԥснытәи аҳәынҭқарратә Университет апрофессор, Аԥсуаҭҵааратә Институт аҭоурых аҟәша анаукатә усзуҩ еиҳабы, Адыгатәи жәларбжьаратәи аҭҵаарадыррақәа ракадемиа академик, Д.И.Гәлиа ихьӡ зху аҳәынҭқарратә премиа алауреат, Ареспублика Аԥсны зҽаԥсазтәыз анаука аусзуҩ Станислав Зосим-иԥа Лакоба.