Аҟәа. Жьҭаарамза 13, 2023 шықәса. Аԥсныпресс. Сынтәа Аԥсны 30 нызықь тонн аҟынӡа ацитрустә шәырқәа роура иазыԥшуп. Абри азы Аԥсныпрес акореспондент диҿцәажәо адырра ҟаиҵеит ақыҭанхамҩа Аминистрра агроном хада Ҭеваз Ачба.

«Араионқәа рҿы аура 30 нызықь тонн иреиҳахар алшоит. 90% ацитрустә ҵиаақәа хазхаҭалатәи асектор иаҵанакуеит.  Иахьазы иалагахьеит раԥхьатәи ашәырқәа реизгара. Уажәы иҿырхуеит аҵан хкқәа иреиуоу аҵлақәа рҟынтәи амандарин аизгара иалагеит, уи ашьҭахь – «уншиу» ҳәа изышьҭоу ихадоу ааглыхратә хкы аҿыхра иалагоит.  Арҭ аҵлақәа реиҳарак асовет аамҭазы еиҭаҳаз ауп. Иҳаҩсыз ашықәс иаҿырԥшны уахәаԥшуазар, арбагақәа, ҳәарада, еиҵоуп, избан акәзар, 2022 шықәсазы аура рекордла ибзиан», – ҳәа иҳәеит Ҭеваз Ачба.  

Аҟәа. Жьҭаарамза 13, 2023 шықәса. Аԥсныпресс. Атәыла аԥыза-министр Алеқсандр Анқәаб абызшәатә политиказы аҳәынҭқарратә Усбарҭа анапхгаҩы Гәында Кәыҵниеи Аусбарҭа аспециалист хада Гәында Сақаниаԥҳаи идикылеит.

Абызшәатә политиказы аҳәынҭқарратә Усбарҭа ахаҭарнакцәа Алеқсандр Анқәаб иарбоу ахылаԥшырҭа ихаамҭанытәиу аусура атәы изеиҭарҳәеит.

Гәында Кәыҵниа лажәақәа рыла,  мышқәак раԥхьа иааргеит 3 шықәса инаркны  10 шықәса рҟынӡа зхыҵуа ахәыҷқәа рзы 3000 екземплиар рҟынӡа иҿыцу ԥшь-ҭыжьымҭак. Уи асериа «Сара раԥхьатәи сышәҟәы» аҟынтәи асахьақәа рыла ишьақәгылоу ажәар, ахәыҷқәа рзы алакә-апиеса «Ажьа агәымшәа», ԥшшәы еилаԥсала ашәыгақәа зцу ажәеинраалақәа реизга «Ашәҭқәа рашәа», иара убас ажәеинраалақәа реизга «Ааамҭеи асааҭи». Иара убас иааргеит 3500 екземплиар рҟынӡа инаӡо аԥсуа бызшәазы алабҿабатә цхыраагӡатәқәа.  

Аҟәа. Жьҭаарамза 13, 2023 шықәса. Аԥсныпресс.  Аҩныҵҟатәи аусқәа рминистр Роберт Кьиут Идҵа инақәыршәаны, Иаарласны анырра ҟазҵо агәыԥ ҷыда (СОБР) хаҭалатәи аилазаара абжьаратәи аиҵбыратәи арра-напхгаратә хьӡқәа ранашьахеит.

Аԥсны Аҩнуҵҟатәи аусқәа Рминистрра Иаарласны анырра ҟазҵо агәыԥ ҷыда (СОБР) аусзуҩцәа атәыла аҩныҵҟа азинеиҿкаареи ауаажәларратә шәарҭадареи еиқәдыршәоит, ацәгьоуцәа раанкылареи еиҿкаау ацәгьоуцәа рҿагылара иазырхоу аоператив-ԥшааратә умҩаԥгатәқәа рынагӡареи раан  азинхьчаратә усбарҭақәа ирыцхраауеит, амчратә дгылара рырҭоит.

Аҟәа. Жьҭаарамза 13, 2023 шықәса. Аԥсныпресс. Апедагогикатә ҟазара  аҿы ихадараны иҟоуп аҵаҩцәа зегьы рыҩныҵҟатәи адунеи, рхаҭашьара аарԥшра алыршара, ҳәа иҳәеит Москва Аҩны адиректор иабжьгаҩ  Борис Наҟоԥиа. Арҭ ажәақәа рыла иара иааиртит арҵаҩы Имш азгәаҭара иазку арҿиаратә амузыка-поетикатә хәылԥазы.

Ари аусмҩаԥгатә ахь ааԥхьара рыҭан жьҭаарамза алагамҭазы Аԥсны Аҳәынҭқарра Ахада  Иусԥҟала «Аԥсны Аҳәынҭқарра Зҽаԥсазтәыз арҵаҩы» ҳәа аҳаҭыртә хьӡы занашьаз  арҵаҩцәеи Аԥсны жәлар Рџьынџьтәылатәи еибашьра аветеранцәа-арҵаҩцәеи. Сынтәа «Аԥсны зҽаԥсазтәыз арҵаҩы» ҳәа аҳаҭыртә хьӡы ранашьахеит ареспублика еиуеиԥшым ашколқәа рҟынтәи 40-ҩык арҵаҩцәа, иара убас Аҟәа араиони  Аҟәа ақалақьи рҵара аҟәшақәа аусзуҩцәеи Аҵара Аминистрра аусзуҩцәеи.

Борис Наҟоԥиа арҵаҩы ироль ҳаамҭазтәи адунеи аҿы  ихадоу ароль нанагӡоит, зыҩаӡара ҳараку аҵарадырра ада аҳәынҭқарра аргылара залыршахом ҳәа инаҵшьны иазгәеиҭеит.

Аҿырԥшы аҳасабала уи иааигеит аурыс классик Николаи Некрасов иажәақәа:

«Арҵаҩы! Уара ухьӡ аҿаԥхьа, сшьамхы арсны ахырхәаразы азин сыҭ!».

Аҟәа. Жьҭаарамза 13, 2023 шықәса. Аԥсныпресс.  Лионель Қриа атурнир аҿы аиааира игеит, Омар Коӷониа - 9-10 шықәса зхыҵуа ақәратә категориа иаҵанакуа  рыбжьара аџьазтә медал аиура иҽаԥсаитәит, ҳәа  адырра ҟанаҵоит Аԥсны аҿари аспорти русқәа рзы аҳәынҭқарратә Еилакы аофициалтә саит.

Атурнир 1992-1993 Аԥсны жәлар Рџьынџьтәылатәи еибашьраҿы Аиааира агара Амш  30-шықәса ахыҵра иазкхеит.

Аҟәа. Жьҭаарамза 13, 2023 шықәса. Аԥсныпресс.  Аҟәа араион аҩныҵҟатәи аусқәа Русбарҭа аусзуҩцәа Аҳәынҭстандарт аусзуҩцәеи Араионтә Афымцатә Станциа аусзуҩцәеи рыцны имҩаԥыргаз аоператив-профилактикатә усмҩаԥгатәқәа ирылҵшәаны Гәымсҭа ақыҭан ирыԥшааит Аамаининг-ферма», ҳәа адырра ҟанаҵоит Аԥсны аҩныҵҟатәи аусқәа Рминистрра апресс-маҵзура.   

Аҟәа. Жьҭаарамза 13, 2023 шықәса. Аԥсныпресс. Аԥшьаша, жьҭаарамза 12, Чечентәылатәи Ареспублика аҳҭнықалақь аҿы Аԥсны аҿари аспорти русқәа рзы аҳәынҭқарратә Еилакы ахантәаҩы Ҭарашь Ҳагбеи Чечентәыла абҩарҵәыреи аспорти рминистр  Иса Ибрагимови реиԥылара мҩаԥысит.

Ааигәа шәара иазгәашәҭон Аџьынџьтәылатәи еибашьра аҿы Аиааира агара Амш 30-шықәса ахыҵра. Ишәыдаҳныҳәалоит ари аныҳәа ду! Чечентәылатәи Ареспублика аделегациагьы Аԥсныҟа ицеит ари аныҳәа иадҳәалоу аусмҩаԥгатәқәа рылахәхаразы. Аха сара сзымцаӡеит. Ҳара раԥхьа иргыланы аҿартә политикеи аспорти русхкы аҿы аизыҟазаашьа бзиақәа рырҿиара ҳазхиазароуп. Ҳара ҳахәҭаала иҳамоу аԥышәала аимадара, шәара шәыспортсменцәа рыдкылара ҳалшоит. Уи акыр зхыҵуа ҳаиҩызаратә еизыҟазаашьақәа  еиҳагьы иарӷәӷәоит.  Иҭабуп шәахьаҳҭааз», - ҳәа иҳәеит Иса Ибрагимов.

Ҭарашь Ҳагба Чечентәылатәи Ареспублика аспорт аминистр иҟаиҵаз адкылара азы иҭабуп ҳәа еиҳәеит.

«Ҳара аусеицура ҳазхиоуп, аиҩазара ҳабжьазар ҳҭахуп. Ҳҿар азы иҳалшо зегьы ҟаҳҵалароуп. Шәара иазгәашәҭеит ааигәа ҳара Аԥсны жәлар Рџьынџьтәылатәи еибашьраҿы Аиааира агара Амш 30-шықәса ахыҵреи Аԥсны Аҳәынҭқарра ахьыԥшымра жәларбжьаратәи азхаҵара ҟалеижьҭеи 15-шықәса аҵреи шаҳгәаҳҭоз.  Ари аиааира агара аҿы рлагала дууп Чечентәылатәи Ареспублика аҟынтәи хатәгәаԥхарала еибашьуазгьы», - ҳәа иҳәеит иара.

Аҟәа. Жьҭаарамза 13, 2023 шықәса. Аԥсныпресс. Аԥсны акультура аминистр Даур Ақаҩба Москваҟа иусуратә визит аҳәаақәа ирҭагӡаны жәларбжьаратәи акультуратә усеицура азы Урыстәылатәи Афедерациа Ахада иҷыдоу ихаҭарнак Михаил Швыдким диԥылеит. .

Аҟәа. Жьҭаарамза 12, 2023 шықәса. Апсныпресс.  Аԥсны Жәлар Реизара-Апарламент Аиҳабы Лаша Ашәба Алада-Урыстәылатәи Апарламенттә Ассоциациа аилатәара ихы алаирхәит.

Аилатәара иалахәыз еиуеиԥшым ахырхарҭақәа рыла азакәанԥҵаратә усура азы ргәаанагарақәа рҳәеит, Алада-Урыстәылатәи Апарламенттә Ассоциациа XXXIX Аконференциа (ЮРПА) апленартә еилатәара амшхәаԥштә иалацәажәеит, иара убас аиҿкааратә зҵаарақәа жәпакы ирзааҭгылеит.

Аҟәа. Жьҭаарамза 12, 2023 шықәса. Апсныпресс.  Аԥсны Жәлар Реизара-Апарламент Аиҳабы Лаша Ашәба Алада-Урыстәылатәи Апарламенттә Ассоциациа аилатәара ихы алаирхәит.

Аилатәара иалахәыз еиуеиԥшым ахырхарҭақәа рыла азакәанԥҵаратә усура азы ргәаанагарақәа рҳәеит, Алада-Урыстәылатәи Апарламенттә Ассоциациа XXXIX Аконференциа (ЮРПА) апленартә еилатәара амшхәаԥштә иалацәажәеит, иара убас аиҿкааратә зҵаарақәа жәпакы ирзааҭгылеит.