Items filtered by date: Аԥшьаша, 30 Хәажәкыр 2023

Аҟәа. Хәажәкырамза 30, 2023 шықәса. Аԥсныпресс. Аԥсны ажурналистцәа Реидгыла аконкурс «Цкьа идырым арратә хҭысқәа»  2023 шықәсазы иацҵахоит. Ас еиԥш аӡбамҭа рыдыркылеит аԥшьаша, хәажәкырамза 30 рзы имҩаԥысыз ажурналистцәа Реидгыла апрезидиум аилатәара иалахәыз.

Ари 2022 шықәсазы имҩаԥысуаз аконкурс иацҵахоит ҳәа ауп иаанаго.  Уи Аԥсны жәлар рџьынџьтәылатәи еибашьра аҿы Аиааира агара Амш 30-шықәса ахыҵра иазкхоит.

Сынтәа Аԥсны ажурналистцәа Реидгыла аконкурс Аԥсны Аиааира агареи Ахьыԥшымреи Рымш 30-шықәса ахыҵра азгәаҭара азы Аҳынҭқарратә комиссиа алархәны  имҩаԥнагоит. Убри аҟнытә аконкурс аԥхьахәтә фонд ҩынтә еиҳахоит, уи 300-нызықь мааҭ рҟынӡа инаӡалоит.

Аԥсны ажурналистцәа Реидгыла ахантәаҩы Руслан Ҳашыг иҟаиҵаз адыррақәа рыла, иарбоу аԥхьахә аицҵалыҵ аҟынтәи 30 нызықь мааҭ аконкурс ажиури алахәылацәа русура ахә ашьара ахь идәықәҵахоит.

Ишьақәырӷәӷәаз аԥҟара ала, аконкурс ахь ирыдыркылалоит ԥхынҷкәынмза 1, 2022 шықәса инаркны жьҭаарамза 30, 2023 шықәсанӡа  акьыԥхь аҿы ицәыргази ателехәаԥшра, ма арадио аефир аҿы имҩаԥыргахьази ажурналисттә материалқәа.

Аҟәа. Хәажәкырамза 30, 2023 шықәса. Аԥсныпресс.  Агәабзиарахьчара Аминистрра аполитикатә партиа «Аԥсны жәлар ракзаара Афорум» ахантәаҩы Аслан Барцыц апартиа Аизара Ду аҿы иқәгылара аҿы «акоронавирустә ҿкы чымазара «COVID-19» апандемиа аан зыԥсҭазаара иалҵыз атәылауаа рхыԥхьаӡара далацәажәо ихы иаҭәеишьаз ацифрақәа реицакра» иадҳәалахеит.  

«Аԥкрақәа раԥыхра азы аӡбамҭа иахҟьаны 1000-ҩык рҟынӡа ҳтәылауаа рыԥсҭазаара иалҵит», -ҳәа иҳәеит Аслан Барцыц. «Ҳара иаҳгәалашәоит 1000 – ҩык ҳтәылауаа рыԥсҭазаара ишалҵыз», – ҳәа еиҭах иҳәеит иара иажәахә аҩбатәи ахәҭа аҿы.

«Агәабзиарахьчара Аминистрра аҳәамҭа ҟанаҵоит, «акоронавирустә ҿкы чымазара апандемиа аамҭа иалагӡаны ҳара иҳаԥхеит 696-ҩык, урҭ зегьы рыԥсҭазаара аиқәырхара азы аҳақьымцәа реиԥш, асанитарцәа роума, авалантиорцәа роума, зегьы уахи-ҽни инеиԥынкыланы, имтәа-имгыла, рхы агәхьаа мкыкәа аус руан. Дарбанызалак ҳтәылауаҩ иԥсра – ари зхыԥхьаӡара рацәам аԥсуа уаажәларра рзы цәыӡ дууны иҟоуп, ари трагедиа дууп шәареи ҳареи ҳзы», - ҳәа иаҳәоит Аминистрра иҟанаҵаз аҳәамҭа аҿы.

Агәабзиарахьчара Аминистрра аҿы анаҩс аполитикатә бжьахәаахәҭра хықәкыс иҟаҵаны, уеизгьы даара ихьанҭоу арбагақәа аизырҳара аганахьала рхыркәшара иузудымкыло, уимоу ихьымӡӷыргагоу усны иҟоуп ҳәа ирыԥхьаӡоит. 

«Ҳтәылауаа рыԥсҭазаара аполитикатә хәмаррақәа рҿы рхархәара ҟалашьа змам усуп. «COVID-19» иахҟьаны зыԥсҭазаара ҿахҵәаз ауаа рхыԥхьаӡара арбагақәа имаӡоу аинформациа ахь иаҵанакӡом, уи анаӡара аартуп», - ҳәа иазгәаҭоуп аҳәамҭа аҟны.

Аҟәа. Хәажәкырамза 30, 2023 шықәса. Аԥсныпресс. Иахьа имҩаԥысит Аԥсны Жәлар Реизара- Апарламент  Аҳәынҭқарра-зинтә политиказы аилак аилатәара. Уи мҩаԥигеит ахантәаҩы Дауҭ Хәытаба.

Аԥсны Жәлр Реизара-Апарламент аофициалтә саит иҟанаҵо адыррақәа рыла, Аилак аилатәара аҿы иахәаԥшит «Аԥсны Аҳәынҭқарраҟны атәым тәылауаа рзинтә ҭагылазаашьазы» Аԥсны Аҳәынҭқарра Азакәан аԥсахрақәа ралагалараз» азкәан апроект. Ара ирыдыргалеит анхаразы азиншәҟәы аҭаразы аҿҳәара ацҵара.

Ари азакәан апроект алацәажәара иалахәын Аԥсны Аҳәынҭқарратә миграциатә маҵзура аиҳабы    Рамин Габлаиа, уи ихаҭыԥуаҩ Виачеслав Бганба, Аҩныҵҟатәи аусқәа рминистрра ахаҭарнакцәа.

Иалацәажәеит иара убас «Ҭакԥхықәрала аԥстәқәа рзыҟазаашьазы» азакәан апроект. Уи адкылара аҭахны иҟазҵаз акәны иҟоуп аԥстәқәа рныҟәгареи рзыҟазаашьеи рзы аԥҟарақәа шьақәзыргыло азакәанԥҵаратә актқәа рыҟамзаара. 

Азаконопроект авторцәа аԥстәқәа ишрықәнагоу рзыҟазаашьеиԥш, иҟоу азинтә ҳәаақәҵара аусхк аҟны иҟоу агха ахарҭәаара алшоит ҳәа ирыԥхьаӡоит. 

Сухум. 30 марта 2023. Апсныпресс.  Сегодня состоялось заседание парламентского комитета по государственно-правовой политике, которое провел его председатель Даут Хутаба.

Как сообщается на сайте Парламента, члены комитета рассмотрели  проект закона «О внесении изменений в Закон Республики Абхазия «О правовом положении иностранных граждан в Республике Абхазия». В нем предлагается продлить срок полномочий по выдаче вида на жительство, возложенных на центральный или территориальный орган государственного управления в области внутренних дел. В обсуждении законопроекта участвовали  начальник Государственной миграционной службы Рамин Габлая, его заместитель Вячеслав Бганба и представители МВД.

Аҟәа. Хәажәкырамза 30, 2023 шықәса. Аԥсныпресс. Иахьа Башкорҭосҭан Ареспублика Ахада дызхагылоу аделегациа официалтә визитла Аԥсны Аҳәынҭқарра иаҭааит.

Аԥсны-урыстәылатәи аҳәынҭқарратә ҳәааҟны аделегациа иаԥылеиит Ахада Аслан Бжьаниа зхадараҟны дыҟоу Аԥсны анапхгара.

Авизит мҩаԥысуеит хәажәкырамза 30 инаркны мшаԥымза 2 рҟынӡа.

Аделегациа аилазаараҟны иҟоуп: Башкорҭосҭан Ареспублика Аиҳабыра Аԥыза-министр Александр Назаров, Башкорҭосҭан Ареспублика Аҳәынҭқарратә Еизара – Курултаи ахантәаҩы ихаҭыԥуаҩ Рустам Ишмухаметов, БА Аиҳабыра Аԥыза-министр актәи ихаҭыԥуаҩ – аекономикатә ҿиареи аинвестициатә политикеи рминистр Рустам Муратов, БА адәныҟаекономикатә еимадарақәеи аконгресстә усуреи рминистр Маргарита Болычева, БА аҵареи аҭҵаарадырреи рминистр Аибулат Хажин, БА анаплакреи атуризми рминистр ихаҭыԥуаҩ Светлана Верещагина, ааглыхреи, афымцамчи, арҿыцрақәеи рминистр Валери Галиев.

Аҟәа. Хәажәкырамза 30, 2023и шықәса. Аԥсныпресс. Иахьа Аԥсны Жәлар Реизара- Апарламент аҟны имҩаԥысит Ҭемыр Шергелиа хантәаҩра ззиуаз атәылахьчареи амилаҭтә шәарҭадареи рзы Аилак инарҭбаау аилатәара.

Аилак аилатәара иалахәын Апарламент аҟны иҟоу Аҳәынҭқарра Ахада ихаҭарнак, аиустициа аминистр Анри Барцыц, аҩныҵҟатәи аусқәа рминистр Вальтер Быҭәба, ари аусбарҭа егьырҭ аусзуҩцәа. Аилатәара иалахәыз Аԥсны арҩышьыгатә маҭәашьарқәа рыларҵәареи рыдкылареи инарымаданы иҟоу аоперативтә ҭагылазаашьа иадҳәалоу азҵаарақәа, ари аусхк аҟны аус зуа азакәанԥҵара анагӡашьа ирылацәажәеит.

Аҟәа. Хәажәкырамза 30, 2023 шықәса. Аԥсныпресс. Аԥсны апрокурор Хада Адгәыр Агрба аԥшьаша, хәажәкырамза 30 рзы, ареспублика азинхьчаратә усбарҭақәа рнапхгаҩцәа алархәны,   2022 шықәсазы арҩышьыгатә маҭәашьарқәа рыдкылареи рыларҵәареи рҿагылара азы имҩаԥгаз аусура аихшьаалақәа рыҟаҵара иазкны Акоординациатә еилатәара мҩаԥигеит.

Аилатәара рхы аладырхәит атәыла аҩныҵҟатәи аусқәа рминистр Вальтер Быҭәба, Аԥсны Аҳәынҭқарратә хьчара Амаҵзура анапхгаҩы ихаҭыԥуаҩ Зураб Занҭариа, Аҳәынҭқарратә ҳазылхратә Еилакы ахантәаҩы ихаҭыԥуаҩ Зураб   Ашәба,    Аҳәынҭқарратә миграциатә Маҵзура анапхгаҩы ихаҭыԥуаҩ Виачеслав Бганба,  апрокурор Хада ихаҭыԥуаҩцәа,  апрокуратура Хада аусбарҭақәа рнапхгаҩцәа, Аҟәа ақалақь апрокурор, араионқәа рыпрокурорцәа, аҷыдалкаатә прокурорцәеи урҭ рхаҭыԥуаҩцәеи, амассатә информациа ахархәагақәа рхаҭарнакцәа.

Ажәахә хада ҟаҵо дықәгылеит апрокуратура Хада Аӡбаратә усбарҭа анапхгаҩы Даур Амҷба. Уи иажәахә аҿы 2022 шықәсазы астатистикатә рбагақәа ааигеит.

Аҟәа.  Хәажәкырамза 30, 2023 шықәса. Аԥсныпресс.  2022 шықәсазы Аԥсны аӡбарҭақәа рыла изакәанымкәа анаркотикатә маҭәашьарқәа рыдкылара азы рус рыӡбеит 171-ҩык. Х-ҩык рганахьала амедицинатә ҟазшьа змоу ауснагӡатәқәа рхархәара мҩаԥгоуп.  Зус  аӡбара мҩаԥысуаз иԥсҭазаара дахьалҵыз инамаданы усеилыргарак иаанкылахеит. Арҭ арбагақәа арҩышьыгатә маҭәашьарқәа рыдкылареи рыларҵәареи рҿагылара иадҳәалоу азҵаарақәа ирызкны аԥшьаша, хәажәкырамза 30 рзы, ареспублика азинхьчаратә усбарҭақәа рнапхгаҩцәа алархәны имҩаԥгаз Акоординациатә еилатәара аҿы иааигеит апрокуратура Хада Аӡбаратә усбарҭа анапхгаҩы Даур Амҷба.

Гагра араион аӡбарҭа ала Аԥсны  Ашьустә Закәанеидкыла ахәҭаҷ 224.1 ахәҭа 3, ахәҭаҷ 224, ахәҭа   3 инарықәыршәаны ахара здыз  атәылауаҩ  Мумџьан М.Г. лганахьала  ариашаратә шьауӷақәҵара азы аӡбамҭа рыдыркылеит. 2022 шықәсазы Аԥсны аӡбарҭақәа рыла апрокурорцәа алархәны ирыхәаԥшит   480 ашьаусеилыргарақәа. Урҭ рахьынтә 175, даҽакала иуҳәозар  36,4%  –  анаркотикатә маҭәашьарқәа, мамзаргьы урҭ раналогқәа изакәанымкәа раарыхра, рхархәара, рыҭира, Аԥсныҟа раагара азы ацәгьоурақәа ирыдҳәалоуп.

Анаркотикатә хархәагақәа рыларҵәара (рыҭира) азы  11-ҩык рганахьала 11 усеилыргарак ирыхәаԥшит.

Анаркотикатә маҭәашьар «прегабалин» аҳәынҭқарратә ҳәаа иахыганы аагара азы 18-ҩык рганахьала ирыхәаԥшит  аусеилыргарақәа 10.  Аӡәы иганахьала ариашаратә шьауӷақәҵара азы аӡбамҭа рыдаркылеит.

Аҟәа. Хәажәкырамза 30, 2023 шықәса. Аԥсныпресс. Арҩышьыгатә маҭәашьарқәа рыдкылареи рыларҵәареи рҿагылара иадҳәалоу азҵаарақәа ирызкын аԥшьаша, хәажәкырамза 30 рзы, ареспублика азинхьчаратә усбарҭақәа рнапхгаҩцәа алархәны имҩаԥгаз Акоординациатә еилатәара. Уи ахантәаҩра аиҭон атәыла апрокурор хада Адгәыр Агрба.  

Аилатәара рхы аладырхәит атәыла аҩныҵҟатәи аусқәа рминистр Вальтер Быҭәба, Аԥсны Аҳәынҭқарратә хьчара Амаҵзура анапхгаҩы ихаҭыԥуаҩ Зураб Занҭариа, Аҳәынҭқарратә ҳазылхратә Еилакы ахантәаҩы ихаҭыԥуаҩ Зураб   Ашәба,    Аҳәынҭқарратә миграциатә Маҵзура анапхгаҩы ихаҭыԥуаҩ Виачеслав Бганба,  апрокурор Хада ихаҭыԥуаҩцәа,  апрокуратура Хада аусбарҭақәа рнапхгаҩцәа, Аҟәа ақалақь апрокурор, араионқәа рыпрокурорцәа, аҷыдалкаатә прокурорцәеи урҭ рхаҭыԥуаҩцәеи, амассатә информациа ахархәагақәа рхаҭарнакцәа.

Ажәахә хада ҟаҵо дықәгылеит апрокуратура Хада Аӡбаратә усбарҭа анапхгаҩы Даур Амҷба. Уи иажәахә аҿы 2022 шықәсазы астатистикатә рбагақәа ааигеит.

«Иаагозар, 10 шықәса раԥхьа изакәанымкәа анаркотикатәии арҩышьыгатәи амаҭәашьарқәа рыдкылара азы ашьаустә ҭакԥхықәра иақәыршәахоз ауаа реиҳарак аибашьра иалахәыз ракәызҭгьы, иахьа анаркоманцәа – ари ақәыԥшцәа роуп», - ҳәа иазгәеиҭеит ажәахәҟаҵаҩы.  

Даур Амҷба иажәақәа рыла, «анаркотикатәии арҩышьыгатәи амаҭәашьарқәа изакәанымкәа реикәыршра, ауааԥсыра анаркотикқәа рыдкыларазы ралагалара, аиҳарак аҿар, амилаҭ агәабзиара азы ӷәӷәала иаҵоу ашәарҭара адагьы, аҵыхәтәантәи аамҭазы активтә ҟазшьа зауз аекстремисттә цәырҵрақәеи акоррупциеи ҳасаб азуны уахәаԥшуазар, иааизакны аҳәынҭқарра азы ашәарҭара ду шаҵоу умбар залшаӡом».

Аҵыхәтәантәи аамҭазы анаркотикқәа рхаҭабзиара аҩаӡара адагьы, урҭ рыларҵәареи рхархәареи рметодқәагьы рҽырыԥсахит, аҽаԥсахит иара убас урҭ здызкыло ахаҿқәа ркантингентгьы.

Аҽаԥсахит иара убас анаркотикқәа рыларҵәара знапы алаку рмилаҭра, насгьы уаанӡа уи аиҳарак ахацәа ракәызҭгьы уажәы аҳәсақәагьы лассы-лассы иаҿашәоит. Уаанӡа  ари аус Урыстәылатәи Афедерациа атәылауааи аҭыԥантәи атәылауааи инарыгӡозҭгьы, уажәы урҭ ирыцлеит Казахсҭан, Узбекьысҭан, Ҭаџьыекьысҭан, уҳәа атәылауаа. Уаанӡа аҭиҩы ихала аус наигӡозҭгьы, уажәы уи аиҳарак гәыԥ-гәыԥла еиҿкааны инарыгӡоит.

Агәҭынчымра узцәырнамгар залшаӡом анаркотикқәа здызкыло ауаа амашьына арныҟәцара азы азин зырҵабыргуа аршаҳаҭгақәа ахьрымоу, урҭ рхарала лассы-лассы амҩа-транспортә машәыртә хҭысқәа ҟалоит.

Аҟәа. Хәажәкырамза 30, 2023 шықәса. Аԥсныпресс.  Армавиртәи аҳәынҭқарратә арҵаҩратә Университет Аԥсны иаанартуеит  иаарту аҵарадырра Ацентр, ҳәа адырра ҟанаҵоит «Муниципальный вестник Армавира» аофициалтә саит.

Армавиртәи аҳәынҭқарратә арҵаҩратә Университет аделегациа Аҟәаҟа аусуратә визит  амҩаԥгара аҳәаақәа ирҭагӡаны Аԥсны аурыс бызшәала аҵареи аурыс бызшәа арҵареи рзы Иаарту аҵарадырра Ацентр аартра азы аилацәажәарақәа мҩаԥнагеит, ҳәа иазгәарҭеит иарбоу аҵараиурҭа аинформациатә политика азы аҟәша аҟны.