Аҟәа. Цәыббрамза 9, 2022 шықәса. Аԥсныпресс. Акультура-усуратә платформа «Гәыма» аҿы асабша, цәыббрамза 9 рзы аусура иалагеит есышықәсатәи ҭагалантәи ахәаахәҭратә цәыргақәҵа. Араҟа ицәыргақәҵоуп ақыҭанхамҩатә аалыҵ, анапкымҭатә усумҭақәа, иара убас аҩнытә ҭубар ахкқәак.

Акультура-усуратә платформа «Гәыма» акуратор Шьарида Ҭыжәба ҭагалантәи ахәаахәҭратә цәыргақәҵа аартра аламҭалазы иазгәалҭеит: 

«Абар шьҭа ҩы-шықәсоуп ҳара еиуеиԥшым ахәаахәҭратә цәыргақәҵа мҩаԥаагоижьҭеи. Ари аплатформа аусдкылаҩ қәыԥшцәа жәпакы рзы русура алагамҭаны иҟалеит. Иахьа иаатит раԥхьатәи ҭагалантәи ҳхәаахәҭратә цәыргақәҵа. Араҟа алахәылацәа ицәырыргоит рқыҭанхаҩатә аалыҵ адагьы амҿи аласи ирылху рнапкымҭатә усумҭақәагьы».  

Шьарида Ҭыжәба ас еиԥш иҟоу ахәаахәҭратә цәыргақәҵақәа мызкахьы хынтә еиҵамкәа еиҿкаалахоит ҳәа иазгәалҭеит.  Уи аусдкылаҩ ҿарацәа радыԥхьалареи рбизнес аҿиареи адгылара анаҭалоит» - ҳәа илҳәеит лара.

Аҟәа. Цәыббрамза 9, 2023 шықәса. Аԥсныпресс. Ареспубликатә Унитартә Наплакы «Аԥсны Аихамҩеи» Акционертә Еилазаара «Афедералтә пассаџьыртә еилазаареи» Зҭакԥхықәра ҳәаақәҵоу Аилазаара «Урыстәылатәи Аихамҩақәа Тури» ирыбжьрҵаз аиқәшаҳаҭра аҳәаақәа ирҭагӡаны, цәыббрамза 10 рзы Аԥсныҟа иаараны иҟоуп атуристтә дәыӷба «Риҵа», ҳәа адырра ҟанаҵоит Аԥснытәи Аихамҩа апресс-маҵзура.  

Атурисстә дәыӷба амаршрут: Шәача - Роза Хутор-Гагра-Аҟәа -Шәача – Аҳаирбаӷәаза Шәача Тур ала иныҟәалоит.

Иарбоу амаршрут ала атуристцәа Череповец аҟынтәи Шәачанӡа, нас Аԥсныҟа аныҟәарақәа мҩаԥыргоит. Убри аан рхы иадырхәоит ҩ-хкык атранспорт – аҳаирплани адәыӷбеи. Череповец аҟынтәи Шәачатәи аҳаирбаӷәазанӡа апассаџьырцәа аҳаирпланла инаӡоит,  анаҩс атуристтә дәыӷбала Роза Хутори Аԥсны акурортқәеи рахь рымҩа иацырҵоит.

Аҟәа. Цәыббрамза 8, 2023 шықәса. Аԥсныпресс. Урыстәыла аҳҭнықалақь амшира иазку аџьазтә музыка ахәылԥаз мҩаԥысит ахәаша ахәылбыҽха, Аҟәа ақалақь иҟоу Москва Аҩны ахыбра аҿы.  

Москва Амш цәыббрамза актәи, мамзаргьы аҩбатәи асабшазы иазгәарҭоит.  Сынтәа Москва ақалақь иахыҵуеит 876 шықәса.

Ахылԥаз асасцәа рзы иқәгылеит амузыкатә проект «Голос» алахәыла Дениса Хагбеи урыстәылатәи  аџьазтә шәаҳәаҩы, аоркестр «БИГ БЭНД Сочи» асолистка Иулиа Алеқсеевеи рџьазтә коллектив. Аконцерт рхы аладырхәит иара убас Альдона Ҵкәуа, Армен Хачатуриани Иури Охочински. 

Амузыкантцәа астиль соул, фанк, блюз ала  аџьазтә нагӡарала илегендару адунеитәии урыстәылатәи ахитқәа нарыгӡеит. Убасҵәҟьа инарыгӡеит акомпозитор Тихон Хренников  апоет Михаил Матусовски иажәақәа рыла ииҩыз  ашәа «Московские окна», иара убас агәыԥ «Браво» ашәа «Этот город» автортә аранжировкақәа рыла инарыгӡоит.

Аҟәа. Цәыббрамза 9, 2023 шықәса. Аԥсныпресс. Урыстәыла адәныҟатәи аусқәа рминистр Сергеи Лавров Аԥсны адәныҟатәи аусқәа рминистр Инал Арӡынба Урыстәылатәи Афедерациеи Ареспублика Аԥсни адипломатиатә еизыҟазаашьақәа рыбжьаҵара ҟалеижьҭеи 15-шықәса аҵра инамданы адныҳәаларатә шәҟәы изааишьҭит.

Адныҳәаларатә шәҟәы атекст, ахәҭакахьала  иаҳәоит:

«Москвеи Аҟәеи аиҩызареи астратегиатә партниорреи рҟазшьа змоу аусеицура зырҿио, аамҭа иаԥышәахьоу аиҩызара рыбжьоуп. Ҳара ҳаиднакылоит иаҳзеиԥшу акультура-цәаҩашәатә ориентирқәеи адунеихәаԥшратә шьақәгылареи, иаҳзеиԥшу аҭоурых адаҟьақәа рызгәдуреи».

Аҟәа. Цәыббрамза 9, 2023 шықәса. Аԥсныпресс. Аԥсны иҟоу Урыстәыла ацҳаражәҳәаҩ Михаил Шургалин Аԥсны адәныҟатәи аусқәа рминистр Инал Арӡынба Урыстәылатәи Афедерациеи Ареспублика Аԥсни адипломатиатә еизыҟазаашьақәа рыбжьаҵара ҟалеижьҭеи 15-шықәса аҵра инамданы дидныҳәалеит.

Адныҳәаларатә шәҟәы атекст, ахәҭакахьала  иаҳәоит:

«Арҭ ашықәсқәа рзы ҳтәылақәа рыбжьара аусеицура аидгылареи астратегиатә партниорреи рҟазшьа аархәеит. Урыстәылатәи Афедерациа аиашьаратә Республика Аԥсны амилаҭтә шәарҭадара ашьақәыргылара, асоциал-економикатә, акультура-гуманитартә хырхарҭала, иара убас жәларбжьаратәи апозициақәа рырӷәӷәареи арегионалтә ҭышәынтәалара ашьақыргылареи рзы ганрацәалатәи ацхыраара аҭара иацнаҵалоит».

Аҟәа. Цәыббрамза 9, 2023 шықәса. Аԥсныпресс.  Ҳазҭоу ашықәс жьҭаарамзазы Башкириа Ахада Ради Хабиров иӡбамҭала, зықәрахь инеихьоу ареспублика ауааԥсыра рзы апроект «Башкиртәи ашықәснҵыраду. Атуризм» агеографиа арбҭаара аҳәаақәа ирҭагӡаны Аԥсныҟа аԥышәатә тур амҩаԥгара азԥхьагәаҭоуп.  Башкириа аԥыза-министр Андреи Назаров ителеграм-канал ахь азхьарԥш ҟаҵо абри атәы аанацҳауеит «Башинформ».

Аилыркаагатә тур амҩаԥгара азԥхьагәаҭоуп 46-ҩык рыла ишьақәгылоу агәыԥ азы.  

«Аныҟәара анхыркәшахалак ашьҭахь уи иалахәыз ҳарԥыланы ҳрыҿцәажәоит, еилаҳкаауеит иргәаԥхаз, иргәамԥхаз атәы, анаҩс ҳаԥхьаҟа апроект «Башкириа-аԥснытәи ашықәснҵыраду. Атуризм» ҳаԥхьаҟа анагӡара азы аӡбамҭа ҳадаҳкылоит», - ҳәа инаҵшьны иазгәеиҭеит Андреи Назаров.

Аԥсны рыҟазаара хәымш ирылагӡаны Башкириатәи «араӡнытә» туристцәа  аӡиа Риҵа, Сталин идача иаҭааны ирбоит, Афон Ҿыц аҭыԥ ԥшӡарақәа рыблала ирбоит, иара убас, жәаҳәарада Амшын Еиқәа аԥшаҳәа аҿы рыԥсы ршьоит.  

Аҟәа. Цәыббрамза 9, 2023 шықәса. Аԥсныпресс. Борис Багаҭелиа аспорт азҟазацәа рыбжьара самбо азы адунеи ачемпионат аҿы аиааира игеит, ҳәа адырра ҟанаҵоит Аԥсны аҿари аспорти русқәа рзы аҳәынҭқарратә Еилакы.

Атурнир цәыббрамза 8 инаркны  10-нӡа Ареспублика Казахсҭан ақалақь Уральск аҿы имҩаԥысуеит.

Аԥснытәи аспортсмен акатегориа М6, акапантә категориа  98+ иаҵанакуа рыбжьара дықәгылеит.  

Борис Багаҭелиа –  хынтә адунеи дачемпионуп, адунеи ачемпионатқәа рҿы ҩынтә аџьазтә медал иг

Аҟәа. Цәыббрамза 9, 2023 шықәса. Аԥсныпресс. Иахьа Урыстәылатәи Афедерациеи Аԥсны Аҳәынҭқарреи ацҳаражәҳәарҭақәа рыҩаӡараҿы адипломатиатә еизыҟазаашьақәа анрыбжьарҵаз амш   15 шықәса ахыҵит.  Аԥсны иҟоу раԥхьатәи ацҳаражәҳәаҩыс жьҭаарамза  24, 2008 шықәсазы дҟаҵан еицырдыруа урыстәылатәи адипломат Семион Григориев.  Ԥхынҷкәынмза 16 рзы Семион Григориев Аԥсны Аҳәынҭқарра Ахада Сергеи Багаԥшь агәрагагатә шәҟәқәа ииҭеит.  

Аҩ-ҳәынҭқаррак рыбжьара аусеицура азинтә шьаҭаны иҟоуп аҳәынҭқаррабжьаратәи ихадоу аиқәшаҳаҭрақәа ҩба:

Аҟәа.  Цәыббрамза 8, 2023 шықәса. Аԥсныпресс.  Аԥсны адәныҟатәи аусқәа рминистр адәныҟаполитикатә хылаԥшырҭа аусура алҵшәақәа, аԥсны-урыстәылатәи аизыҟазаашьақәа распектқәа, иара убас Аԥсны акәша-мыкәша иҟоу ҳаамҭазтәи ашәарҭарақәа рзы аитәылауаа адырра риҭеит, ҳәа иаанацҳауеит Аԥсны адәныҟатәи аусқәа Рминистрра Амедиацентр.

Инал Арӡынба Урыстәылеи Қырҭтәылеи рыбжьара аекономикатә еимадара аҿиара азҵаара инарҭбааны дазааҭгылеит.

«Иахьатәи амш азы арҭ аҩ-ҳәынҭқаррак рыбжьара атауареикәыршара 2,5 млрд доллар рҟынӡа инаӡоит. Аҳаиреимадара аиҭахацыркреи авизадатә режим алагалареи ирыбзоураны уи уаҵәы изеиԥшрахои ҳәа азҵаара ықәгылоит.  Уи зегьы ҳареи ҳадәныҟатәи аполитикеи ӷәӷәала анырра анаҭоит. Ҳара аконкурентлшара ҳамазароуп, мап анакәха, агеополитика «аган» ҳавахар ҟалоит».

Инал Арӡынба, Урыстәыла иҟоу ақырҭуа диаспора Урыстәыла иахьаҵанакуа  Қырҭтәыла агуманитартә, аекономикатә, аполитикатә интересқәа рыхьчара аус ацхраара иазкны активла аусура мҩаԥыргоит.

Аҟәа. Цәыббрамза 8, 2023 шықәса. Аԥсныпресс. Апроект “Идырым аибашьҩы” аӡыргара мҩаԥысит аплатформа Гәыма аҿы. Уи 1992-1993 шш. Аԥсны жәлар Рџьынџьтәылатәи еибашьра аҿы Аиааиара агара Амш  30-шықәса ахыҵра иазкхеит.

Апроект иаанарԥшуеит уаанӡа аинтервиу азымҭацыз, аибашьра ралахәра азы згәалашәарақәа еиҭазымҳәацыз  аибашьцәа рыҿцәажәарақәа.

Аԥхьа еизаз идырбан аинтервиу асериа зегьы аҿы еиҳа аинтерес зҵоу амоментқәа, анаҩс ахәаԥшцәа ирбеит «Леон» иорден занашьоу Андреи Малыиа иҭоурых иазку раԥхьатәи 20-минуҭ ирҭагӡоу афильм.

Иара убас еизаз рзы ицәыргақәҵан аветеранцәа рпортреттә фотосахьақәа.

Апроект автор, ажурналист Лана Абшьылаа апроект аԥҵара аидеиа шцәырҵыз атәы еиҭалҳәеит.  

«Ари аидеиа цәырҵит 2021 шықәсазы, усҟан сара насыԥны афотоконкурс «Абхазия в фокусе» алахәхаразы алшара соуит. Аконкурс етап-етапла еихшаны иҩаԥысуан, сара урҭ руак схы аласырхәит. Иара Аиааира Амш иазкын. Сара исыжәлантәу аибашьра аветеран Зураб Абшьылаа ифотосахьа ҭыхны, авидеожәабжькьаҿ ацны аконкурс ахь исышьҭит.  Сфотосахьа алыркааит, аиааирагьы сгеит.  Аха сгәы арҭынчуамызт аӡәырҩы аибашьцәа рыӡбахә ахьҳәам иахьа уажәраанӡа. Аиааира агара Амш 30-шықәса ахыҵра аламҭалазы сара уаанӡа идырымыз аибашьцәа злаху апроект амҩаԥгаразы сыгәҭакы анагӡара сыӡбеит», - ҳәа иазгәалҭеит лара.