Items filtered by date: Аҩаша, 27 Рашәара 2023

Аҟәа. Рашәарамза 27, 2023 шықәса. Аԥсныпресс. Рашәарамза  27 рзы Москва иҟоу Аԥсны Ацҳаражәҳәарҭа аҿы ацҳаражәҳәаҩ Алхас Кәыҵниеи Аԥсны иҟоу Урыстәылатәи аҭоурыхтә еилазаара Ахаҭарнакра ахантәаҩы Милана Бжьаниеи Урыстәылатәи аҭоурыхтә еилазаара аҿар рыклуб акоординатор Иван Кулакови реиԥылара мҩаԥысит, ҳәа Ацҳаражәҳәарҭа аҟынтәи Аԥсныпрес ахь адырра ҟалеит.

Милана Бжьаниеи Иван Кулакови Урыстәылатәи аҭоурыхтә еилазаара Аҟәа ақалақь аҿы аусура апланқәеи аҿар рыклуб аҳәаақәа ирҭагӡаны аусеицура  аперспективақәеи ирылацәажәеит.

Аҟәа. Рашәарамза 27, 2023 шықәса. Аԥсныпресс.  Рашәарамза 27, 2023 шықәсазы Алхратә Комиссиа  Хада ахь «Аԥсны Аҳәынҭқарра Ахада ҽҳәараанӡа иалхрақәа рымҩаԥгара  хымԥадатәиуп ҳәа ишәыԥхьаӡома?» ҳәа азҵаарала ареферендум амҩаԥгаразы зеилазаара 36-ҩык рыла ишьақәгылоу аԥшьгаратә гәыԥ ашәҟәҭагаларазы  арзаҳал  нашьҭхеит.  Абри азы Аԥныпресс ахь адырра ҟарҵеит Аԥсны Алхратә Комиссиа Хада аҟынтәи.

Аҟәа. Рашәарамза 27, 2023 шықәса. Аԥсныпресс.  Згәаҭара мҩаԥгаз амшынӡы ахкқәа рҿы ачымазара зырҿио абактериақәеи авирусқәеи аарԥшӡамызт. Абри азы Аԥсныпресс ахь адырра ҟалҵеит атәыла асанитартә ҳақьым хада  Алла Белиаева.

«Згәаҭара мҩаԥгаз амшынӡы ахкқәа рҿы ауаҩы иҿы адизентериа,  сальмонеллиоз, аротавирустәи астровирустәи инфекциа, уҳәа аҿкы чымазарақәа зырҿио амикробқәеи авирусқәеи аарԥшӡамызт», – ҳәа илҳәеит Алла Белиаева.

Аӡрыжәтәи амшынӡи асанитартә-рбаратә флора акәзар, уи анализқәа рылҵшәақәа макьаназы инагӡаны иаҳмоуӡацт, урҭ хымш рыла иҟалоит.   

«Иҟоуп асанитар-рбаратә флора ҳәа изышьҭоу аилкаара, даҽакала иуҳәозар, дара рымацара ачымазарақәа рырҿиара злымшо амикробқәа, аха  аорганиакатә хәашьра шыҟоу аазырԥшуа акакәны иҟоуп. Ари анализ хымш рышьҭахь иҟалоит. Иарбоу анализ есымша имҩаԥысуеит, аха сынтәатәи аԥхынразы ҳара уи анаҩс  ачымазара зырҿио амикробқәа рзы ахқәа агәаҭаразы иаҳгоит», – ҳәа иазгәалҭеит  Алла Белиаева. 

Аҟәа. Рашәарамза 27, 2023 шықәса. Аԥсныпресс.  Рашәарамза 29 рзы Р. А. Ҵәыџьба ихьӡ зху  Очамчыратәи Акультура Аҩны аҿы имҩаԥысуеит Аԥсны Аҳәынҭқрратә хортә капелла аконцерт.

Аконцерт акультура Аминистрра агастрольтә план инақәыршәаны имҩаԥгахоит.

Асахьаркыратә напхгаҩы, адирижиор хада – Аԥсны Жәлар рартистка Нора Аџьынџьал.

Аҟәа. Рашәарамза 27, 2023 шықәса. Аԥсныпресс.  Рашәарамза 28 рзы Аҟәа ақалақь аҿы анаркотикқәа рыдкылареи изакәанымкәа анаркотикатә маҭәашьарқәа реиҭарсреи рҿагылара  Жәларбжьаратәи Амш азгәаҭара инамаданы, Аҟәа ақалақь аҿы имҩаԥгахоит ареспубликатә акциа «Аҿар анаркотикқәа ирҿагылоит». Акциа амҩаԥгара азԥхьагәаҭан рашәарамза 26 рзы, аха аобиективтә мзысқәа ирыхҟьаны, уи егьи амш ахь ииагахеит, ҳәа адырра ҟанаҵоит аҿари аспорти русқәа рзы Аҳәынҭқарратә Еилакы апресс-маҵзура.  

Акциа аҳәаақәа ирҭагӡаны имҩаԥысуеит атлетикаластәи аиԥхныҩра. Иара убас имҩаԥгахоит амҵәышәмпыл 3х3, аӡысра,  астолтә ԥкьаҭмпыл, ашахматқәа, анардқәа, адомино азы аицлабрақәа, иара убас ахыци ахәымпали рыла ахысразы амастер-класс амҩаԥгара еиҿкаахоит. Акциа рхы аладырхәырц рылшоит уи азы агәазыҳәара змоу зегьы.

Сухум. 27 июня 2023. Апсныпресс. 23-24 июня в поселке Витязево города-курорта Анапа прошел IV Открытый кубок Европы по Каратэ До Шотокан Рю Казэ Ха.

В турнире участвовали более 300 спортсменов из России и Абхазии (Карачаево-Черкесии, Кабардино-Балкарии и  еще 12 регионов).  

Как сообщает Госкомспорт РА, по итогам турнира абхазские спортсмены завоевали одно серебро и четыре бронзы.

Аҟәа. Рашәарамза 27, 2023 шықәса. Аԥсныпресс. Рашәарамза 23-24 рзы акурорттә қалақь Анапа Витиазево аҳаблаҿы Карате До Шотокан Риу Казе Ха азы IV иаарту Европа Ахраҿагара мҩаԥысит.

Атурнир зынӡа рхы аладырхәит Урыстәылеи (Ҟарачы-Черкесиа, Ҟабарда-Балкариа, иара убас  даҽа 12 регион) Аԥсни рҟынтәи 300–ҩык инарзынаԥшуа аспортсменцәа.  

Аԥны аҿари аспорти русқәа рзы Аҳәынҭқарратә Еилакы иҟанаҵо адыррақәа рыла, атурнир аихшьаалақәа рыла, аԥснытәи аспортсменцәа араӡны медалки ԥшьба аџьаз медали ранашьахеит.

Убас, Таисиа Клипина  12-13  шықәса зхыҵуа аспортсменткацәа рыбжьара ката акатегориа аҿы аҩбатәи аҭыԥ аанылкылеит. 

Алана Боциева 10-11 шықәса зхыҵуа рыбжьара ката акатегориа аҿы ахԥатәи аҭыԥ аанылкылеит.

Аинар Дочиа, Амир Харчлааи Алана Боциевеи акомандатә ката аҿы ахԥатәи аҭыԥ ааныркылеит.

Аҟәа. Рашәарамза 27, 2023 шықәса. Аԥсныпресс.  Гал ақалақь апарк Хада акыр аамҭа ҵуеит аиҭашьақәыргылара аҭахны иҟоуижьҭеи.  Абар уажәы араҟа шьаҿа-шьаҿала аиқәыршәзааратә усурақәа рымҩаԥгара иалагеит.

Гал ақалақь ахада ихаҭыԥуаҩ Нарсоу Џьопуа ажурналистцәа дрыҿцәажәо, апарк Хада аҿы имҩаԥысуа аусура ахкқәеи урҭ рхыркәшара аҽҳәарақәеи ртәы иҳәеит.

«Нанҳәамза, 2022 шықәса рзы ақалақь ахада идҵаалеит аҭыԥантәи ауааԥсыра. Урҭ аҵыхәтәантәи 30–шықәса  ирылагӡаны изеиԥшразаалак зымҽхак дуу аусурақәа ахьымҩаԥгамыз апарк Хада аиҭашьақәыргылара азы аҳәара ҟарҵеит.   Ииашоуп, аамҭа-аамҭала араҟа арлашагатә фонарқәеи арымӡқәеи рыԥсахуан, аха уи азхоны иҟамызт, апарк аҿы зегьы реиҳа ихадоу – ашьаҟамҩатә хаҳәцәы ыҟамызт», - ҳәа иҳәеит иара.