Items filtered by date: Ахәаша, 01 Ԥхынҷкәын 2023

Аҟәа. Ԥхынҷкәынмза 1, 2023 шықәса. Аԥсныпресс. Есышықәса ԥхынҷкәынмза 1 –Ирҳау Ауаҩы ииммунитет азымхара асиндром (СПИД) аҿагылара Жәларбжьаратәи Амш азы, Аҟәа ақалақь Ареспубликатә хәышәтәырҭа ацәажьы-венерологиатә диспансер аҿы Ауаҩы ииммунитет азымхара зырҿио авирус (ВИЧ), агепатит В, С, Ирҳау Ауаҩы ииммунитет азымхара асиндром (СПИД), ардашыкь (асифилис), уҳәа  ачымазарақәа рзы хәыда-ԥсада анализқәа раҭаразы СПИД-центр имҩаԥнаго акциа мҩаԥысуеит.

СПИД-центр аҳақьым-алаборант  Саида Палба  Аԥсныпресс акореспондент диҿцәажәо сынтәа Ацентр иарбоу акциа изҭахыз зегьы рзы амҩаԥгара алымшаӡеит, избан акәзар  цәыббамза 6 рзы иҟалаз абылра иахҟьаны амаругақәа зегьы блит ҳәа адыра ҟалҵеит. Убри иахҟьаны алшара ҳмоуӡеит Аԥсны инаскьоу араионқәа рахь ацара. Ҳхықәкы хаданы иҟоу уажәы – аиҭашьақәыргыларатә усурақәа мҩаԥганы ихыԥадатәиу амаругақәа рыдгалареи ауп.

«Ҳара излауаз ала ауааԥсыра адырра раҳҭеит уажәазы ишьақәгылаз аҭагылазаашьақәа ирыхҟьаны аҭҵаарақәа зегьы стационарла адиспансер  аҿы ишымҩаԥгахо азы.    Ари аҩыза акциақәа ҳара есышықәса имҩаԥаагоит, ареспублика араионқәа зегьы рыхьӡара ҳҽазаҳшәоит. Алабораториа 2011 шықәса раахыс аус ауеит, ари аамҭа иалагӡаны ҳара иҭаҳҵааит 10 000-ҩык ауаа инареиҳаны. Ҳара ҳзы ари даара ишьаху ҳусура арбага ауп», – ҳәа илҳәеит лара.

Саида Палба ауааԥсыра акциа радыԥхьалара азы инацҵаны аглиукоза аҩаӡара азы, аҟырҟмыџьтә уатала агармонқәа рзы анализқәа ҳгон, иара убас аспециалистцәа, иаагозар агинекологцәагьы адаҳгалон ҳәа еиҭалҳәеит.  

Лара инаҵшьны иазгәалҭеит, аҭҵаарақәа зегьы анонимтә ҟазшьа аманы ишымҩаԥысуа, насгьы ишхәыда-ԥсадоу. Ирҳау Ауаҩы ииммунитет азымхара асиндром (СПИД) шьақәырӷәӷәахазар, усҟан анаҩстәи ашьаҿа – апациент ихы инаркны ишьапаҟынӡа игәаҭареи СПИД-центр аҿы ихәаԥшреи ауп.

Саида Палба инацҵаны иазгәалҭеит даҽакгьы. Ауаҩы ииммунитет азымхара зырҿио авирус еиҳа имаҷны иаарԥшхо иалагеит зцәа зтәым аҳәса рҿы, иҟоуп аҳәса абри аҩыза адиагноз шрымоугьы аҩбатәи, ахԥатәи ахәыҷқәа роура згәаӷьуа.

Аҳақьым иазгәалҭеит, адиспансер аҿы ашәҟәы иҭагалоу апациентцәа хәыда-ԥсада иааиԥмырҟьаӡакәа иахәҭоу ахәшәқәа шроуа. Авирустә қәыӷәӷәара азы атесттә гәаҭара, аиммунатә статус СD4, абиохимиатә, аклиникатә, анализқәагьы хәыда-ԥсада имҩаԥгахоит. Ауаҩы ииммунитет азымхара зырҿио авирус чымазара злаҽу апациентцәа анализқәа рыҟаҵареи ахәшәқәеи рзы аԥара ршәаӡом. Иҟоуп апациентцәа, астационар аҿы зҽызхәышәтәуа, хәшәқәак аныҟам ҟалалоит, усҟан агәабзиарахьчара Аминистрра урҭ раахәаразы афинансқәа азоунажьуеит.

Аҟәа. Ԥхынҷкәынмза 1, 2023 шықәса. Аԥсныпресс. Аминистрцәа Реилазаара аҿы 2023 – 2024шш. ҭагалан-аӡынтәи аԥсыӡкраамҭазы аӡы-биологиатә ресурсқәа рхархәаразы ахәԥса азы Ақәҵара апроект иахәаԥшит.   

Ақыҭанхамҩа аминистр Беслан Џьопуа иажәақәа рыла, 2005-2006 шш. рзы аԥсыӡкраамҭа инаркны тоннак акамшьиа акра азы ахәԥса хынтә иазҳаит.

«Иҳаҩсыз ашықәс азы тоннак акамшьиа азы ахәԥса 1800 мааҭ рҟынӡа инаӡозҭгьы, сынтәа ҳара  2000 мааҭ, даҽакала иуҳәозар  11% рыла ашьҭыхра азы ажәалагала ҟаҳҵоит. Аусшәҟәы аҭҵаара апроцесс аҿы афинансқәа Рминистрра абиоресурсқәа рхархаразы ашәатәқәа 3500 мааҭ рҟынӡа ашьҭыхразы ажәалагала ҟанаҵоит», – ҳәа иҳәеит Беслан Џьопуа.

Иара иҟаиҵаз адыррақәа рыла, 2021 шықәсазы аԥсыӡкраамҭа ибзианы имҩаԥысит, аха убри аан 2022-2023 шш. аусдкылаҩцәа русура заралхеит, избан акәзар  6 909 тонна акамшьиа ауп иркыз.

«Ҳара абиоресурсқәа рзы ахәԥса ашьҭыхра ҳақәшаҳаҭӡам, избан акәзар, азауадқәа афымцамч, арацәа, адизельтә былтәы ала ауп аус шыруа, урҭ рыхәԥса есаааира иазҳауеит.  Арахь абиржа аҿы аԥсыӡшылеи аԥсыӡшшеи рыхәԥса абиоресурсқәа рыхәԥса ҩынтә ацҵара рзышьҭыхыртә еиԥш ихамлаӡеит. Адизельтә былтәы литрак азы 72-73 мааҭ ахшәаатәуп, иаагозар, иҳаҩсыз ашықәс азы уи   48-50 мааҭ иркуан. Наплакык ахы иархәоит 500 тоннак рҟынӡа адизельтә былтәи  1000 тоннак рҟынӡа арацәеи», – ҳәа иазгәеиҭеит Беслан Џьопуа.

Аԥыза-министр ихаҭыԥуаҩ, афинансқәа рминистр Владимир Делба, афинансқәа Рминистрра алкаа, иааиуа ашықәс азы абиуџьет апроект арбагақәа рышьақәыргылараан Аминистрра шьаҭас ишьҭнахыз 45 нызықь тонна акамшьиа рҟынӡа инаӡо аквота ала ишьаҭаркын ҳәа иазгәеиҭеит.  

«Иарбоу апроект иахәаԥшуеит 27 нызықь тонна акамшьиа рҟынӡа инаӡо аквота ҳасаб азуны. Ҳара заанаҵы иаҳдыруеит иазԥхьагәаҭоу абиуџьет ахашәалахәытә рбагақәа шынамыгӡахо.  Уи ахашәалахәқәа рдефицит ацлара цәырнагар алшоит. Убри аҟнытә аӡытә-биоресурсқәа рзы ахәԥса маҷк аинедексациа азура азы ажәалагала ҟаҳҵоит», – ҳәа иҳәеит Владимир Делба.

Ақыҭанхамҩа аминистр ас еиԥш аҵаҵӷәыркра дақәшаҳаҭымхаӡеит. Уи аквота агырхара ала аӡытә -биоресурсқәа рыхәԥса ашьҭыхра ҟалаӡом ҳәа инаҵшьны иазгәеиҭеит.

Ахәҭакахьала, аԥыза-министр Алеқсандр Анқәаб иркуа аԥсыӡ зегьы аԥсыӡшылеи аԥсыӡшшеи аҟаҵарахьы идәықәҵахоит, ус акәымкәа, иарбоу аалыҵ  икыу аԥсыӡ аус адулара ашьҭахь иаанхо ацәынхақәа роуп излырхыша ҳәа иазгәеиҭеит.

Сухум. 1 декабря 2023. Апсныпресс. Кабинет министров рассмотрел  проект постановления о плате за пользование водными биологическими ресурсами в осенне-зимнюю путину 2023 - 2024 гг.

Аҟәа. Ԥхынҷкәынмза 1, 2023 шықәса. Аԥсныпресс. Аминистрцәа Реилазаара аҿы ахәаша, ԥхынҷкәынмза  1 азы имҩаԥысыз аилатәара аҿы амшхәаԥштә иалагалаз  адгьылхархәаратәии амазаратәии азҵаарақәа рыла аӡбамҭақәа рыдыркылеит.

Аминистрцәа Реилазаара Зҭакԥхықәра Ҳәаақәҵоу Аилазаара «Дом отдыха «Черноморская жемчужина», Очамчыра ақалақь, Ҷанба имҩаҿы  иҟоу адгьылхәҭа 15 шықәса аҽҳәара аманы адгьылаҵантәи атермалтә ӡқәа рыҵхра азы ахархәаразы азин анаҭеит.

Хазхаҭалатәи аусдкылаҩ Ҳашба Стелла Дмитри-иԥҳа  убасҵәҟьа Очамчыра араион Кәтол ақыҭан иҟоу адгьылхәҭа 15 шықәса аҽҳәара аманы адгьылаҵантәи атермалтә ӡқәа рыҵхра азы ахархәаразы азин лыҭахоит.

Аҟәатәи акондитертә фабрика амазаратә комплекс априватизациа ззура ҟало аобиектқәа рсиа иалагалоуп. Атәыла Анапхгара уи априватизациа аҭагылазаашьақәа шьақәнарӷәӷәеит.

Аҟәа. Ԥхынҷкәынмза 1, 2023 шықәса. Аԥсныпресс. Аҳәынҭқарратә программа «2022–2025 шш. Ареспублика Аԥсны асоциал-еконоикатә ҿиара» аиҭакрақәа алагалоуп.   

Аиҭакрақәа, ареспублика асоциал-економикатә ҿиара апрограмма аҳәаақәа ирҭагӡаны Урыстәыла Аԥсны ианаҭо адгылара иадҳәалоуп.  

«Ишыжәдыруа еиԥш, аҳәынҭқарратә цхыраара иазку ауснагӡатәқәа рымҩаԥгара аҳәаақәа ирҭагӡаны, урыстәылатәи аган ала аусмҩаԥгатәқәа реицфинансыркразы аҭагылазаашьақәа ыҟоуп. Аԥаратә хархәагақәа еффективла рхархәара хықәкыс иҟаҵаны, аарыхра-ҭыжьра иазку амаругақәа раахәара аганахьала иҟоу аҭагылазаашьақәа аиҭакрақәа ралагалара азы ажәалагала ҟаҵоуп», – ҳәа адырра ҟалҵеит аекономика аминистр  Кристина Озган.

Лара ишазгәалҭаз ала, асубсидиақәа ақыҭанхамҩатә усхкы амодернизациа азы амаругақәеи атехникеи рыхәԥса инагӡаны ашәара аналыршахалак ашьҭахь ауп ианырзоужьлахо ҳәа иазгәалҭеит.

Аҟәа. Ԥхынҷкәынмза 1, 2023 шықәса. Аԥсныпресс. Гәылрыԥшь араион аҿы иҟоу Николаи Смецкои ихьӡ зху ԥыхьатәи асанатори ахыбра аинвестор қьырала иҭахар ҟалоит.   

Аҳәынҭқарратә мазареи ахатәтәреи рнапхгараҭаразы Аҳәынҭқарратә Еилакы ахантәаҩы Беслан Кәыбраа иҟаиҵаз адыррақәа рыла, уаанӡатәи асанатори ахыбра ареспублика иахатәуп, аҳәынҭмазара иаҵанакуеит.

Уажәы ари ахыбра аҭагылазаашьа акыр иуадаҩуп, уи еилаҟәыбаса ишьҭоуп, аҭыӡқәа роуп мацара иаанханы иҟоу, ҳәа иазгәеиҭеит Аҳәынҭқарратә мазареи ахатәтәреи рнапхгараҭаразы Аҳәынҭеилакы ахантәаҩы Беслан Кәыбраа.

«2011 рзы ахыбра кыраамҭа қьырала рыҭаразы аӡбара рыдыркылеит, аха 2016 шықәсазы арендаҟаҵаҩ ихыдҵақәа мап рцәикит. Иҟалап аобиект аиҭашьақәыргылара илшом ҳәа ибазар. Убри азы аилаӡара аԥыххеит. Иахьагьы аобиект шыҟац иҟоуп, уи аҭагылазаашьа акыр иуадаҩуп. Акыраамҭа қьырала изгар зҭаху ауаҩы дыҟоуп. Уи урыстәылатәи аинвестор иоуп. Уи ҳара иқәҳаргылаз адҵа инақәыршәаны аԥснытәи резидентс дҟаларц, ҳшәахтә системахь аԥарақәа алеигаларц Аиустициа аминистрраҟны анаплакы ашәҟәы иҭаиҩит», - ҳәа иҳәеит иара.

Аҟәа. Ԥхынҷкәынмза  1, 2023 шықәса. Аԥсныпресс. Аинфорациатә Маҵзура «Татар-информ» ҭаҭартәи аредакциеи «Интертат» асаити аредактор Хада Рамис Латыпов Ареспубликатә ҳәынҭқарратә Усбарҭа «Аԥснымедиа» иаҵанакуа аинформациатә Маҵзура «Аԥсныпресс» аусзуҩцәа иусура аԥышәа рымеидеит.

Мчыбжьык иалагӡаны Рамис Латыпов есыҽны «Аԥсныпресс» аусура аганахьала азҿлымҳара ааирԥшуан, аредактор хада, акорреспондентәа,  SMM-специалистцәа рызҵаарақәа жәпакы рҭак ҟаиҵеит. Аамҭакала иара конкретла иаагоу аҿырԥштәқәа рыла дара рредакциа аҿы аусуратә процесс шышьақәгылоу атәы еиҭеиҳәон.

Ишеилкаахаз ала, аҩ-холдинк ирзеиԥшу маҷымкәа иҟоуп. Аҩбагьы ррегионқәа рҿы аус зуа аҳәынҭқарратә массатә информациа ахархәагақәа еиднакылоит, иара убас ахатәы бызшәала аусура ахшыҩзышьҭра ду анаҭоит.  Убри аҟнытә Аԥснымедиа  ажурналистцәа ргәы иҵхо апроблемақәа ртәы ибзианы ирдыруеит Ҭаҭарсҭантәи рколлегацәа.

Иаагозар, алархәра аҳәаақәа рырҭжаара азы еиуеиԥшым аҭагылазаашьақәа рҿы иҟоу ауаа  ирызкны еиҳаны аматериалқәа рыҟаҵара ахәҭоуп, акыр аҵанакуеит иара убас еиҳа акультура, иазкны аҩра, анапхгара ахаҭарнакцәа рыҿцәажәараан инҭкааны аинформациеи акомментариақәеи раиуразы еиҳа аҽадцалара аарԥшра. Аоперативра аизырҳареи аконтент  аиуеиԥшымзаара алыршареи рзы  хәызмаӡам абжьгарақәа ҟаҵан.

Аҟәа. Ԥхынҷкәынмза 1, 2023 шықәса. Аԥсныпресс. Аминистрцәа Реилазаара аҿы ахәыҷы ииразы иҟарҵо зныктәи аԥаратә цхыраагӡақәа 5 нызықь мааҭ рҟынӡа ашьҭыхразы Ақәҵара рыдыркылеит.

Ахәыҷы данилак, аҭаацәа руаӡәк, мамзаргьы рҩыџьагьы аус руазар – зныктәи аԥаратә цхыраагӡа аҳасабала 27 000 мааҭ роулоит, уаанӡатәи ашәарақәа - 22 000 мааҭ рҟынӡа инаӡон.

Ахәыҷы данилак, аҭаацәа руаӡәк ма рҩыџьагьы аус рымуазар – зныктәи аԥаратә цхыраагӡа аҳасабала 22 000 мааҭ роулоит, уаанӡатәи ашәарақәа - 17 000 мааҭ  рҟынӡа инаӡон.

Ақәҵара 2024 шықәса ажьырныҳәа 1 инаркны азинмчы аиуоит.

Аҟәа. Ԥхынҷкәынмза 1, 2023 шықәса. Аԥсныпресс. Ахәаша, ԥхынҷкәынмза 1 азы аминистрцәа Реилазаара аилатәара аҿы  «Аԥсны 2023-2024 шықәсазтәи ҭагалан-аӡынтәи аԥсыӡкраамҭазы аԥсыӡнхамҩа аусура аҭышәныртәаларазы ауснагӡатәқәа рышьақәырӷәӷәаразы» Ақәҵара рыдыркылеит.

Аӡы-биологиатә ресурсқәа еффективла рхархәареи Ареспублика Аԥсны Амшын Еиқәа аԥшаҳәа иахьаҵанакуа  ааглыхратә ԥсыӡкра аҭышәынтәалареи ралыршара азы, Аԥсны ақыҭанхамҩа Аминистрра 2023-2024 шықәсқәа рзы ҭагалан-аӡынтәи аԥсыӡкраамҭазы аӡы-биологиатә ресурсқәа рхархәаразы аквотақәа рзоужьра мҩаԥнагоит. Убас ала:

а) Акамшьиа акреи уи аԥсыӡшшеи ашылеи ралхреи назыгӡо аиуристтә хаҿқәа 9: Аҳәаанырцәтәи аинвестициақәа злоу Зҭакԥхықәра Ҳәаақәҵоу Аилазаара (ЗҲәА) «Хамса»,  Еилаху Анаплакы Зҭакԥхықәра Ҳәаақәҵоу Аилазаара (ЗҲәА) «Абхазморпром», Зҭакԥхықәра Ҳәаақәҵоу Аилазаара (ЗҲәА) «БлэкСииФиш», Зҭакԥхықәра Ҳәаақәҵоу Аилазаара (ЗҲәА) «Апсыдз Бат и Бек», Еилаху Анаплакы Зҭакԥхықәра Ҳәаақәҵоу Аилазаара (ЗҲәА) «Сухумский рыбокомбинат плюс», Еилаху Анаплакы Зҭакԥхықәра Ҳәаақәҵоу Аилазаара (ЗҲәА) «Аҟәатәи Аԥсыӡкомбинат», Зҭакԥхықәра Ҳәаақәҵоу Аилазаара (ЗҲәА) «Аҟәатәи аԥсыӡкратә нхамҩа», Еилаху Анаплакы Зҭакԥхықәра Ҳәаақәҵоу Аилазаара (ЗҲәА) «Аҟәатәи аԥыӡкратә нхамҩа №1»,  Зҭакԥхықәра Ҳәаақәҵоу Аилазаара (ЗҲәА) «Дениз» 20 аԥсыӡкратә ӷбақәа рхархәарала.

Аҟәа. Ԥхынҷкәынмза 1, 2023 шықәса. Аԥсныпресс. Аминистрцәа Реилазаара Аԥсны аԥсыӡнхамҩа аусура аҭышәныртәалараз ауснагӡатәқәа шьақәнарӷәӷәеит. Убас, 2023-2024 шықәсқәа ҭагалан-аӡынтә аԥсыӡкраамҭазы аӡы-биологиатә ресурсқәа  рҭагылазаашьа  ҳасаб азуны шаҟа укыр ҟало азы Ақәҵара рыдыркылеит.

Иҟоуп ҳәа иазгәаҭоу аԥсыӡ аресурси шаҟа укыр ҟалои шьақәырӷәӷәан:

Акамшьиа - 90 000 тонна ыҟоуп ҳәа иазгәаҭоу аресурс аҟынтәи акра ҟалоит  - 27 000 тонна,аресурс аҭагылазаашьа бжьаратәуп ҳәа иԥхьаӡоуп.

2023 – 2024 шықәсқәа ҭагалан-аӡынтә аԥсыӡкраамҭазы азин ыҟам аҿыцкыра ԥсыӡ, ирхьшәашәоу, иҵаарку аԥсыӡ аекспорт. Мацара урыстәылатәи аԥсыӡкратә наплакқәа раархәаразы азин ыҟоуп.

Иазгәаҭоу аресурс аҟынтәи егьырҭ аԥсыӡқхкқәа акра ҟалоит: