Атәыла Анапхгара аӡбамҭала Аҳәынҭқарратә Наплакы «Аԥсныча» иаҵанакуа Гагра ақалақь ԥыхьатәи  ачаӡырҭа азауад амазара априватизациа иаҵанакуа аобиектқәа рхыԥхьаӡара иалагалахеит. Ишьақәырӷәӷәоуп уи априватизациа аҭагылазаашьақәагьы.  

Аминистрцәа Реилазаара Гәдоуҭа араион Ахадара Каладахәара ақыҭан иҟоу,   0,06 гектар рҟынӡа инаӡо адгьылхәҭа анаҩс Сымсым  Данил Баҭал-иԥа ахатәы ҩны аргыларазы «ақыҭанхамҩатә зкызаара змоу адгьыл» акатегориа аҟынтәи «аиланхарҭатә ҭыԥқәа рзы адгьыл» акатегориа ахь аиагаразы иҟанаҵаз ажәалагала иадгылеит.

Аминистрцәа Реилазаара Гагра араион Ахадара, Гагра ақалақь (Кемпинг амикрораион) аҿы иҟоу,   0,06 гектар рҟынӡа инаӡо адгьылхәҭа анаҩс Зҭакԥхықәра Ҳәаақәҵоу Аилазаара «ХАКАРА 2022» ҽҳәарада ахархәара аҳасабала асасааирҭатә коттедџьқәа рыргылара азы аҭара иазкны  иҟанаҵаз  ажәалагала  иадгылеит.

Аминистрцәа Реилазаара Гагра араион Ахадара, Гагра араион Цандрыԥшь ақыҭан иҟоу, 0,34 гектар рҟынӡа инаӡо  адгьылхәҭа анаҩс Хазхаҭалатәи аусдкылаҩ Ласариа Лиана Дмитри-иԥҳа ҽҳәарада ахархәара аҳасабала асасааирҭатә коттедџьқәа рыргылара азы лыҭара иазкны иҟанаҵаз ажәалагала иадгылеит.

Аминистрцәа Реилазаара Очамчыра араион Ахадара Очамчыра ақалақь аҿы иҟоу, 0,0584 гектар рҟынӡа инаӡо адгьыл ахәҭа анаҩс Хазхаҭалатәи аусдкылаҩ Поцхор-оглы Сариа Лизберт-иԥҳа ҽҳәарада ахархәара аҳасабала асасааирҭатә коттедџьқәа рыргылара азы лыҭара иазкны иҟанаҵаз ажәалагала иадгылеит.