Items filtered by date: Ахаша, 12 Хәажәкыр 2025

Аҟәа. Хәажәкырамза 13, 2025 шықәса. Аԥсныпресс. Атәыла аԥыза-министр инапынҵақәа назыгӡо Владимир Делба асоциалтә еиқәыршәареи адемографиатә политикеи рминистр Руслан Аџьбеи Амилаҭтә Банк ахантәаҩы Беслан Бараҭелиеи алархәны аилацхәажәара мҩаԥигеит.

Аиԥылара иалахәыз иааиԥмырҟьаӡакәа Ареспублика Аԥсны инхо Урыстәылатәи Афедерациа атәылауаа ртәанчаҩратә еиқәыршәара иадҳәалоу актуалра злоу азҵаарақәа ирылацәажәеит.

Аҟәа. Хәажәкырамза 12, 2025 шықәса. Аԥсныпресс /Алеқсеи Шамба/. Жәлар Реизара-Апарламент аҳәынҭқарра-зинтә политика азы Аилак аҿы адепутат Кан Кәарҷиеи ауаажәларратә усзуҩ Леуан Миқаиеи Урыстәылатәи Афедерациа атәылауаҩра рымхреи амузыкант Барас Кәыџба Урыстәылаҟа ахыҵразы азин имхреи ажурналист Инал Ҳашыг Урыстәыла аиустициа Аминистрра ала аиноагентс иазхаҵара, уҳәа азҵаарақәа рзы аилацәажәара мҩаԥысит.

Аилатәара ахь ааԥхьара рыҭан Аҩныҵҟатәи аусқәа Рминистрра, Аҳәынҭқарратә шәарҭадара Амаҵзура, арепатриациа азы Аҳәынҭқарратә Еилакы анапхгараҭара, Ауаажәларратә Палата алахәылацәа. Аҩныҵҟатәи аусқәа Рминистрреи Аҳәынҭқарратә шәарҭадара Амаҵзури рхаҭарнакцәа аиԥыларахь имааӡеит. Аилак ахантәаҩы, адепутат Дауҭ Хәытаба уеизгьы аилатәара амҩаԥгареи  Кан Кәарҷиеи Леуан Миқааи Инал Ҳашыги аиԥыларахь иааиз ауаажәларратә усзуҩцәеи адепутатцәеи ирзыӡырҩырц ажәалагала ҟаиҵеит.

Атәыла анапхгара иарбоу азҵааразы апозициа  аанарԥшыроуп.  

Леуан Миқаа игәаанагарала рыцҳарас иҟалаз, Аԥсны анагӡаратә мчра аусбарҭақәа атәылауаа рыхьчара азы ишиашоу инанагӡаша аҭакԥхықәра нанагӡаӡом, убри аҟнытә «ҿымҭ ахәмарра ҵакы аманы иҟаӡам шьҭа»  .

«Иуадаҩӡоу аҭагылазаашьа аан Апарламент – ари иҟалаз алацәажәаразы здаҟам плошьадкоуп», – ҳәа иазгәеиҭеит иара.

Дауҭ Хәытаба дақәшаҳаҭхеит Аҩныҵҟатәи аусқәа Рминистрреи Аҳәынҭқарратә шәарҭадара Амаҵзуреи рганахьала иақәнаго азхьаԥшра ыҟазарц шахәҭаз, аха убри аан атәылауаҩра зымхызгьы, урҭ рганахьала Урыстәылатәи аӡбаратә усбарҭақәа рҿы ирыдыркылаз аӡбаратә зыӡбақәа разашшра азы азин рымоуп ҳәа иазгәеиҭеит.

«Ҳара ҳазхиоуп ихымԥадатәиу ацхыраара шәыҭара», - ҳәа иажәа иацҵо иҳәеит иара.

Леуан Миқаа атәылауаҩра амхра азы ҵаҵӷәыс иҟалаз абҵарамза,  2024 шықәса рзы иҟаз ахҭысқәа роуп, усҟан аоппозициа Урыстәылеи Аԥсни аинвестициатә еиқәшаҳаҭра рыбжьаҵара иаҿагылеит, избан акәзар уи Аԥсны аинтерессқәа ирықәшәаӡомызт ҳәа инаҵшьны иазгәеиҭеит.  

«Амитинг ахь ицәырызгаз, иарбоу аиқәшаҳаҭра аԥхасҭазара анаҩс урыстәылатәи аполитикцәагьы иазхарҵеит. Ҳара ҳнапхгарагьы уи азханаҵароуп. Ҳара аҳәынҭқарра зышьақәҳаргылоз уи ҳара ҳинтерессқәа ахьчаларц азы акәын. Урыстәылатәи Афедерациа акомпетенциа ахь мацара азхьарԥшра иашаӡам ҳәа исыԥхьаӡоит», – ҳәа агәра ганы дыҟоуп иара.

Адепутат Кан Кәарҷиа атәылауаҩра амхреи аиноагент истатус аҭареи зтәыла асуверенитет зыхьчо ауаа ирҿагыланы имҩаԥгоу ауснагӡатәқәа роуп, амҳаџьыраа рхылҵышьҭрақәа, ҳџьынџьуаа Урыстәылантәи рдепортациа атәы акәзар, уи иаанаго «ҳџьынџьуаа ҳхашҭырц иҳадыргалоит ҳәа ауп ҳәа иазгәеиҭеит. Арепатриациа азы Аҳәынҭқарратә Еилакы ахантәаҩы Вадим Ҳаразиа алхрақәа рымш аҽны ԥшьҩык арепатриантцәа адепортациа рызун ҳәа адырра ҟаиҵеит.

Ажурналист Инал Ҳашыг апроблема зҵоу астатус аиура акәӡам ҳәа иазгәеиҭеит.

Аҟәа. Хәажәкырамза 12, 2025 шықәса. Аԥсныпресс.  Атәыла аԥыза-министр актәи ихаҭыԥуаҩ инапынҵақәа назыгӡо Џьансыхә Нанба 1941-1945шш.Аџьынџьтәылатәи еибашьра Дуӡӡа аҿы Аиааира агара Амш 80-шықәса ахыҵра азгәаҭара иазку аныҳәатә, агәалашәаратә усмҩаԥгатәқәа реиҿкаареи рымҩаԥгареи рзы аҳәынҭқарратә комиссиа аилатәара мҩаԥигеит.

Аҟәа. Хәажәкырамза 12, 2025 шықәса. Аԥсныпресс.  Аԥсны аҵара Аминистрреи «Урыстәылатәи ахәыҷтәы-қәыԥштә центри» аусеицуразы аиқәшаҳаҭра рыбжьарҵеит. Аԥсуа ган аҟынтәи ашәҟәы инапы аҵаиҩит аҵара аминистр инапынҵақәа назыгӡо – Инал Габлиа, Урыстәыла аган аҟынтәи  – «Росдетцентр» адиректор Алеқсандр Кудриашов.

Аҟәа. Хәажәкырамза 12, 2025 шықәса. Аԥсныпресс.  Иҳаҩсыз уахыки-ҽнаки рыла ареспублика аҿы аԥсабаратә амцакрақәа рхыԥхьаӡара иацлеит.  Аԥсшьарамшқәа раан Очамчыра араион аҿы 30 гектар инареиҳаны аҵҩаақәа блит, амца анхарҭатә ҭыԥқәа рҟынӡагь инаӡеит, Аҽгәара ақыҭан ҩнык блит. Амца арцәара аларшахеит ашьыжь, хәажәкыра 10 рзы.

Аҟәа. Хәажәкырамза 12, 2025 шықәса. Аԥсныпресс. Аԥсны ахәыҷы изинқәа рыхьчаразы Азинмчы змоу Мактина Џьынџьалԥҳа аинтернет-ҵакыреи асоциалтә ҳақәеи рҿы ахәыҷқәа рзы аҭыԥ змоу ашәарҭаразы азы азҵаара изныкымкәа ишьҭылххьан. Ҳазҭоу аамҭазы адунеи аҿы аинтернети асоциалтә ҳақәеи изызҳауа абиԥара рыԥсҭазаара иузаҟәымҭхо иадҳәалахеит. Аха убри аамҭазгьы ицәырҵуа иалагеит ахатә дыррақәа рыхьчара иадҳәалоу ашәарҭара ҿыцқәа.

Аомбудсмен Иаппарат зықәра наӡам рганахьала  агәымхара асхема ҿыц азы аинформациа аиуит, убри аҟнытә иҟоу ашәарҭаразы агәҽанызаара ҟанаҵоит.

Сухум. 12 марта 2025. Апсныпресс. Аппарат Уполномоченного по правам ребенка в Абхазии Мактина Джинджолия неоднократно поднимала вопрос безопасности детей в интернет-пространстве и социальных сетях. В современном мире интернет и соцсети стали неотъемлемой частью жизни подрастающего поколения. Однако вместе с этим возникают и новые угрозы, связанные с защитой личных данных.  

Аҟәа. Хәажәкырамза 12, 2025 шықәса. Аԥсныпресс. «Адгьылаҵантәи ааԥынра асимфониа» – абри ахьӡ аман хәажәкырамза 8 рзы Афонҿыцтәи аҳаԥы аконцерттә зал аҿы имҩаԥысыз аконцерт.

Аҟәа. Хәажәкырамза 12, 2025 шықәса. Аԥсныпресс. Ф.А. Искандер ихьӡ зху Аурыс драматә театр аҿы Башкиртәи атеатралтә музеи Урыстәыла акультура Аминистрреи рыцхыраарала иаԥҵахоит атеатр амузеи.

«Ҳара иалаҳхит атеатр азы ауада, араҟа ишьақәыргылахоит ҳаамҭа иақәшәо атехнологиатә музеитә експозициа, уи ҳтеатр аҭааҩцәа, ҳасасцәа рзы иаартхоит. Амузеи аҿы ицәыргақәҵахоит Аҟәатәи ахәаԥшыҩ қәыԥш итеатр (ТЮЗ) аҟынтәи Фазиль Искандер ихьӡ зху аурыс драматә театр – аобиективтә рбагақәа зегьы рыла атәыла аҿы атеатралтә процесс аҿы иԥхьагылоу атеатр аҟынӡа ҳтеатр изнысхьоу аамҭеи амҩеи ҳаамҭазтәи аусуреи ртәы зҳәо аекспозициа», – ҳәа адырра ҟанаҵоит Аурыс драматә театр апресс-маҵзура.

Аҟәа. Хәажәкырамза 12, 2025 шықәса. Аԥсныпресс. Иахьа, 101-ҩык аԥснытәи ашколхәыҷқәа Жәларбжьаратәи ахәыҷтәы центр «Артек» ахь амҩа иқәлеит.  

Ас еиԥш хыԥхьаӡара рацәала Аԥснынтәи ахәыҷқәа Артекҟа рцара алыршахеит Аԥсни Урыстәылеи рҵара Аминистррақәа хра злоу русеицуреи аԥснытәи ашколхәыҷқәа рзы аквотақәа хынтә ацҵареи иабзоураны.